កម្ពុជាដំណឹង

អនុរដ្ឋមន្ត្រីចិន​ថា រាជធានីភ្នំពេញ មាន​ភាពរស់រវើកស្រស់ស្អាត

អនុរដ្ឋមន្ត្រីក្រសួងទំនាក់ទំនងអន្តរជាតិ នៃប្រទេសចិនប្រជាមានិត បានអះអាងថា រាជធានីភ្នំពេញ មានភាពរស់រវើក​ស្រស់ស្អាត និងមានសក្ដានុពលជាច្រើន។ មន្ត្រីជាន់ខ្ពស់ចិន លោក វ៉ាង យ៉ាជុន បានថ្លែងដូច្នេះ នៅក្នុងជំនួបជាមួយនាយករដ្ឋមន្ត្រីកម្ពុជា លោក ហ៊ុន សែន កាលពីព្រឹកម៉ិញ មុននឹងធ្វើដំណើរទៅកាន់ខេត្តព្រះសីហនុ។

មន្ត្រីចិន ត្រូវបានស្រង់សំដី មកបង្ហោះក្នុងទំព័រហ្វេសប៊ុកលោក ហ៊ុន សែន ថា៖

«នៅពេលដែលលោក បានចុះពីយន្តហោះ មកដល់រាជធានីភ្នំពេញ គឺលោកបានសង្កេតឃើញរាជធានីភ្នំពេញ មានភាពរស់រវើកស្រស់ស្អាត និងមានសក្តានុពលជាច្រើនផងដែរ។ ក្នុងពេលស្នាក់នៅកម្ពុជា លោកនឹងទៅធ្វើទស្សនកិច្ច នៅខេត្តព្រះសីហនុ ដើម្បីសិក្សា អំពីហេដ្ឋារចនាសម្ព័ន្ធ សម្រាប់ការវិនិយោគ លើវិស័យឧស្សាហកម្មផ្សេងៗ ដែលកំពុងរីកដុះដាលយ៉ាងខ្លាំង នៅក្រុងព្រះសីហនុ។»

លោក យ៉ាជុន បានបញ្ជាក់ថា ចិននៅតែបន្តជំរុញការវិនិយោគ មកកាន់កម្ពុជា និងជំរុញការបើកទីផ្សារសម្រាប់កម្ពុជា និងជួយដល់កម្ពុជា លើគ្រប់វិស័យ។

ជាចម្លើយតបវិញ លោក ហ៊ុន សែន បានយល់ស្របចំពោះការលើកឡើងខាងលើ របស់មន្ត្រីចិន ជាពិសេសចំពោះការពង្រឹងទំនាក់ទំនងផង ជាមួយនឹងសក្តានុពល ក្នុងការពង្រីកកិច្ចសហប្រតិបត្តិការផង ដោយឈរលើឯកសារជាប្រវត្តិសាស្ត្រ ដែលបានចុះហត្ថលេខារួចហើយ ពាក់ព័ន្ធទៅនឹងសហគមន៍មួយ ជោគវាសនាមួយ។

នាយករដ្ឋមន្ត្រីកម្ពុជា​ បានបន្តថ្លែងអំណរគុណ ចំពោះប្រទេសចិន ក្នុងការជួយជំរុញការវិនិយោគចិន ឲ្យបានកាន់តែច្រើន មកកាន់កម្ពុជា ស្របពេល​នឹងការជួយ​ជ្រោមជ្រែងបើកចំហរ ទីផ្សារកសិផល និងផលិតផលផ្សេងៗ ជាច្រើនទៀត​របស់កម្ពុជា ទៅកាន់ទីផ្សារ​របស់ប្រទេសចិន​នោះ៕



លំអិតបន្ថែមទៀត

កម្ពុជា

ហ៊ុន សែន៖ កម្ពុជា​«អត់គាំទ្រ​ការឈ្លានពាន»​អ៊ុយក្រែន ពីសំណាក់រ៉ុស្ស៊ី

កម្ពុជា«អត់គាំទ្រការឈ្លានពាន»ប្រទេសអ៊ុយក្រែន ពីសំណាក់ប្រទេសរ៉ុស្ស៊ី យ៉ាងដាច់ណាត់ និងនៅគ្រប់វេទិកា។ ជាការប្រកាសឡើង របស់លោក ហ៊ុន សែន នាយករដ្ឋមន្ត្រីកម្ពុជា ដើម្បីបញ្ជាក់អំពីជំហរជាថ្មី និងជាផ្លូវការរបស់ប្រទេសកម្ពុជា ជុំវិញសង្គ្រាមរវាងប្រទេសរ៉ុស្ស៊ី និងអ៊ុយក្រែន ...
កម្ពុជា

ហ៊ុន សែន៖ «ស្ថានភាពរំជើបរំជួល និង​ធ្ងន់ធ្ងរ តែសូមកុំស្លន់ស្លោរ»

លោកនាយករដ្ឋមន្ត្រី ហ៊ុន សែន បានបញ្ចេញសារបន្ទាន់មួយ ក្នុងយប់ថ្ងៃទី៩ ខែវិច្ឆិកា​នេះ ដើម្បីបញ្ជាក់​ពី«ស្ថានភាពរំជើបរំជួល និងធ្ងន់ធ្ងរ» នៅក្នុងរាជធានី-ខេត្តមួយចំនួន បន្ទាប់ពី​ក្រសួងសុខាភិបាល បានអះអាង ពីការរកឃើញអ្នកជំងឺ«Covid-19» ចំនួនបីនាក់ ...
កម្ពុជា

អ្នកជំនាញ អ.ស.ប ថាកម្ពុជា​ប្រើ​​«Covid-19»បង្ក្រាបកូដកម្មស្របច្បាប់

ក្រុម«អ្នកជំនាញ»​នៃ​អង្គកា​រ​សហ​ប្រជាជា​តិ​ ទ​ទួល​បន្ទុក​សិទ្ធិ​ម​នុស្ស បា​ន​រិះ​គន់​ចំ​ពោះការ​ចាត់វិធា​នការ ឱ្យ​កម្មក​រកា​ស៊ីណូ ដែ​លបានធ្វើកូដ​កម្ម​នៅ​កម្ពុជា ​បន្តធ្វើ​ចត្តាឡីស័​ក ក្នុង​ក្រប​ខណ្ឌ​ការ​ពារ​ជំងឺ «Covid-19 (កូ​វីដ-១៩)» ដោយលើក​ឡើងថា ​អាជ្ញាធ​រមិន​ត្រូវ​ប្រើ​វិធា​នកា​រសុខ​ភាព​សាធា​រ​ណៈ ជា​សំ​អាងក្នុងការ​បង្រ្កាប​ លើស​កម្ម​ភាព​កូដកម្មស្របច្បាប់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.