កម្ពុជាដំណឹង

ករណី​រលំ​អគារ​នៅ​ខេត្ត ព្រះសីហនុ បង្អើល​សារព័ត៌មាន​អ៊ឺរ៉ុប​ឲ្យ​ចុះផ្សាយ

«ប្រទេសកម្ពុជា ដែលជាប្រទេសក្រីក្របំផុតមួយ នៅអាស៊ីអាគ្នេយ៍ ត្រូវបានគេស្គាល់ថា ជាប្រទេសដែលមានភាពទន់ជ្រាយ ក្នុងច្បាប់ការងារ និងកិច្ចការពារកម្មករ» នេះ ជាខ្លឹមសារនៃការចុះផ្សាយ របស់សារព័ត៌មាននានា នៅក្នុងទ្វីបអ៊ឺរ៉ុប ជុំវិញហេតុការណ៍រលំអគារ​កំពស់៧ជាន់ នៅកណ្ដាលខេត្ត ព្រះសីហនុ កាលពីព្រឹកថ្ងៃសៅរ៍ម្សិលម៉ិញ។

បណ្ដាញព័ត៌មានធំៗ នៅអ៊ឺរ៉ុប រាប់ទាំង«AFP» «BBC» «Daily Mail» «The Guardian» និងសឹងតែគ្រប់សារព័ត៌មាន ជាភាសាបារាំង បានយកករណីដ៏រន្ធត់នេះ មកធ្វើរបាយការណ៍ចេញផ្សាយ តាំងពីតុល្យភាពដំបូង ដែលត្រូវបានប្រកាស ឲ្យដឹងភ្លាមៗ ថាមនុស្ស៧នាក់បានស្លាប់ និងច្រើនសិបនាក់ទៀត បានរងរបួស។

សារព័ត៌មានខ្លះបានធ្វើបច្ចុប្បន្នភាព នៅព្រឹកថ្ងៃអាទិត្យនេះ ដោយស្រង់យកតុល្យភាពថ្មី មកបញ្ជាក់ឡើងវិញថា មនុស្ស១៧នាក់បានស្លាប់  និង២៤នាក់ទៀតរងរបួស។

ប៉ុន្តែតុល្យភាពខាងលើ ដែលផ្ដល់ដោយសាលាខេត្តព្រះសីហនុ នៅមិនទាន់បញ្ចប់នៅឡើយ ខណៈក្រុមអ្នកជួយសង្គ្រោះ កំពុងព្យាយាមកាយគំនរអាគារ ដែលរលំស្រុត​នោះ ដើម្បីបន្តស្វែងរក​ជនរងគ្រោះ បន្ថែមទៀត។

សំណង់​បាក់​នៅ​កំពង់​សោម​ មេីល​ពី​ផ្ទាល់​ដី

Posted by Kanharith Khieu on Friday, June 21, 2019


ប្រព័ន្ធផ្សព្វផ្សាយបានរាយការណ៍បន្តថា មនុស្ស៤នាក់ ត្រូវបានចាប់ខ្លួន ក្នុងនោះមាន​ម្ចាស់​ការ​ដ្ឋានសំណង់​ អ្នក​ម៉ៅការ​សាងសង់ អ្នកម៉ៅការបូកជញ្ជាំងអគារ និង​ជន​ជាតិ​ខ្មែរ​ម្នាក់​ដែល​ជា​ម្ចាស់​ដី។

រីឯលោកនាយករដ្ឋមន្ត្រី ហ៊ុន សែន ត្រូវបានស្រង់សំដីមកអះអាងថា លោកទម្លាក់កំហុសក្នុងករណីនេះ ទៅលើ«កាធ្វេសប្រហែសរបស់ក្រុមហ៊ុនសាងសង់» ខណៈអាជ្ញាធរខេត្តបានអះអាងថា ខ្លួនបានដឹងពីសំណង់«ខុសច្បាប់»មួយនេះ ជាមុនរួចហើយ។

អគារថ្មីៗជាច្រើន កំពុងពន្លេចខ្លួនឡើង នៅខេត្តព្រះសីហនុ ដែលភាគច្រើនជាស្នាដៃសាងសង់ របស់សហគ្រាស និងជនជាតិចិន ដែលនាំគ្នាចូលមករស់នៅកាន់តែច្រើនឡើង នៅក្នុងខេត្តនេះ បន្ទាប់ពីនយោបាយ«ល្អូកល្អិន» រវាងក្រុងភ្នំពេញ និងក្រុងប៉េកាំង។

ក្រុមសារព័ត៌មានបានបញ្ជាក់ថា ពីក្នុងចំណោមសំណង់ថ្មីៗទាំងនោះ មានអគារបនល្បែង ចំនួនជាង៥០កន្លែង និងសណ្ឋាគារ ជាង១០កន្លែង ដើម្បីអ្វីមួយដែលរបបដឹកនាំលោក ហ៊ុន សែន ចាត់ទុកថា ជាការវិនិយោគរបស់ចិន ដើម្បីជួយឲ្យវិស័យសេដ្ឋកិច្ចកម្ពុជា មានភាពរីកចម្រើន៕



លំអិតបន្ថែមទៀត

ដំណឹង

វៀតណាម​«លាង​ឈើ​កខ្វក់»​ពី​កម្ពុជា ដើម្បី​កំណើន​សេដ្ឋកិច្ច​ខ្លួន

ការ«លាង​ឈើ​កខ្វក់»លួចដឹកឈើដោយខុសច្បាប់ ចេញពីប្រទេសកម្ពុជា ទៅកាន់ប្រទេសវៀតណាម នៅតែមានជាបន្តនៅឡើយ និងមានចំនួនមិនតិចជាង ៣០ម៉ឺនម៉ែត្រគូបឡើយ។ នេះ បើតាមបានអានរបាយការណ៍មួយ របស់ «EIA» ទីភ្នាក់ងារស៊ើបអង្កេតអន្តរជាតិ ផ្នែកបរិស្ថានមួយ ដែលមានទីស្នាក់ការកណ្ដាលក្នុងរាជធានី ...
កម្ពុជា

សម រង្ស៊ី សរសេរ​ទៅមេដឹកនាំ​​ពិភពលោក​ថា​ «ការបង្ក្រាប​ផ្នែក​នយោបាយ មាន​កាន់តែ​ខ្លាំង​នៅ​កម្ពុជា»

ប្រធានស្ដីទីគណបក្សប្រឆាំង លោក សម រង្ស៊ី ដែលកំពុងមានវត្តមាន ក្នុងប្រទេសបារាំង បានចេញសេចក្ដីថ្លែងការណ៍មួយ ទៅកាន់មេដឹកនាំនានា នៅលើពិភពលោក រួមមានទាំងមេដឹកនាំ នៃប្រទេសជាមិត្តកម្ពុជា និងមេដឹកនាំ នៃស្ថាប័នអន្តរជាតិនានា ...
កម្ពុជា

សម រង្ស៊ី៖ បណ្ដឹង ហ៊ុន សែន នៅ​តុលាការ​បារាំងជា​«ល្បិច»​បង្វែរ​រឿង

ដំណឹងនៃការដាក់បណ្ដឹង ទៅកាន់តុលាការបារាំង ដោយក្រុមមេធាវីរបស់លោកនាយករដ្ឋមន្ត្រី ហ៊ុន សែន ទទួលបានប្រតិកម្មមកវិញភ្លាមៗ ពីលោក សម រង្ស៊ី មេដឹកនាំប្រឆាំងក្នុងយប់ថ្ងៃនេះ។ តែប្រធានស្ដីទីគណបក្សប្រឆាំង ដែលជាភាគីចុងបណ្ដឹង បានចាត់ទុកបណ្ដឹងនោះ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.