កម្ពុជាដំណឹង

កម្ពុជាស្នើជាថ្មី ឲ្យវៀតណាម​គោរព​«បទដ្ឋាន​បច្ចេកទេស» មុនបង្ហោះ​ព័ត៌មាន

ក្រសួងសុខាភិបាលកម្ពុជា បានប្រកាសនៅ​ថ្ងៃទី១១ ខែមិថុនា ឆ្នាំ២០២០នេះ ឲ្យភាគី​វៀតណាម គោរពតាម«បទដ្ឋាន​បច្ចេកទេស និងគោលការណ៍ និយ័តកម្មអន្តរជាតិ» លើករណី​ជំងឺឆ្លង មុននឹងធ្វើការសន្និដ្ឋាន ឬចុះផ្សាយព័ត៌មាន ដែលបះពាល់ដល់កម្ពុជា។

សេចក្តីថ្លែងការណ៍ របស់ក្រសួងសុខាភិបាលកម្ពុជា ចុះហត្ថលេខាដោយលោករដ្ឋមន្ត្រី ម៉ម ប៊ុនហេង នៅថ្ងៃទី១១ ខែមិថុនា បានធ្វើការអំពាវនាវដូច្នេះ ដើម្បីប្រតិកម្មតប នឹង​ការចុះ​ផ្សាយ របស់សារព័ត៌មានវៀតណាម ដែលលើកឡើងថា មានជនជាតិ​វៀតណាម​ម្នាក់ មានអាយុ១៨ឆ្នាំ មានជំងឺ«Covid-19» បន្ទាប់ពីយុវជនរូបនោះ បានចាកចេញ ពីប្រទេស​កម្ពុជា។

សារព័ត៌មានវៀតណាម ដែលផ្សាយនៅលើអ៊ិនធើណែត យ៉ាងហោចចំនួនពីរ (Luatvietnam.vn និង VN express) បានរាយការណ៍ថា យុវជនវៀតណាមម្នាក់នោះ បានចេញពីប្រទេសកម្ពុជា តាមច្រកព្រំដែន ថុងហ្វើក (Thuong Phuon) កាលពីថ្ងៃ​ទី២៥ ខែឧសភា ឆ្នាំ២០២០ ហើយត្រូវបានរកឃើញ ថាបានឈឺជំងឺ«Covid-19» នៅក្នុង​អំឡុង​ពេលយុវជនរូបនេះ កំពុងធ្វើចត្តាឡីស័ក រយៈពេល១៤ថ្ងៃ។

ដោយអះអាង​ទទួលបានព័ត៌មាននេះ ពីគណៈកម្មការជាតិ ដើម្បីការពារ និងត្រួត​ពិនិត្យ​ជំងឺ​«Covid-19» ប្រព័ន្ធផ្សព្វផ្សាយខាងលើ បានអះអាងទៀតថា បច្ចុប្បន្ន យុវជនដែល​ជា​អ្នកជំងឺ​ កំពុងសម្រាក​ព្យាបាល នៅមណ្ឌលសុខភាព ង្វានហុងងី (Huyen Hong Ngu Health Center)។

សម្រាប់ក្រសួងសុខាភិបាលកម្ពុជា បានអះអាងថា ជនជាតិវៀតណាមខាងលើ រស់នៅ​ឃុំថុងហ្វក ស្រុកបៀនហុងអ៊ី (Huyen Hong Ngu) ខេត្ត«Dong Thap (ខេត្តផ្សារដែក ក្នុងទឹកដីកម្ពុជាក្រោម)» ប្រទេសវៀតណាម និងមិនមែនរស់នៅកម្ពុជា ដូចការចុះ​ផ្សាយ​ទេ។

សេចក្ដីថ្លែងការណ៍អះអាងថា៖

«ការដែលចម្លងនេះ គឺមានការឆ្លង នៅប្រទេសវៀតណាមនេះតែម្ដង។»

«ក្រសួងសុខាភិបាល សូមអំពាវនាវដល់ភាគីមិត្តវៀតណាម សូមគោរពតាម​បទដ្ឋាន​បច្ចេកទេស និងគោលការណ៍​និយ័តកម្មអន្តរជាតិ លើករណីជំងឺឆ្លង មុននឹង​ធ្វើការ​សន្និដ្ឋាន ឬចុះផ្សាយ ដែល ជាការប៉ះពាល់ធ្ងន់ធ្ងរ ដល់កិច្ចខិតខំ​ប្រឹងប្រែង​របស់កម្ពុជា ក្នុង​ដំណាក់កាល​ប្រយុទ្ធ នឹងជំងឺកូវីដ-១៩នេះ ដើម្បីផលប្រយោជន៍ ដល់ប្រជាជន​ទាំងពីរ​ប្រទេស។»

ករណីដូចគ្នានេះ បានកើតមានម្ដងហើយ កាលពីប៉ុន្មានសប្ដាហ៍មុន។ ប្រព័ន្ធផ្សព្វផ្សាយ​វៀតណាម បានអះអាងថា ពលរដ្ឋវៀតណាមម្នាក់ រស់នៅក្នុងស្រុកតាន់ចូវ ខេត្ត​​តាយនីញ (ខេត្តរោងដំរី នៅ​កម្ពុជាក្រោម) ត្រូវបាន​រកឃើញ ថាមានជំងឺ «Covid-19» បន្ទាប់ពី​បុរស​អាយុ ៣៩ឆ្នាំរូបនេះ វិលត្រឡប់​ពីប្រទេស​​កម្ពុជា​វិញ។

តែករណីមុននោះ ក៏ត្រូវបានក្រសួងសុខាភិបាលកម្ពុជា ចេញសេចក្ដីថ្លែងការណ៍ ប្រកាស​ទាត់ចោល​ដូចគ្នា៕



លំអិតបន្ថែមទៀត

កម្ពុជា

ក្រសួងមហាផ្ទៃថា អ្នកជាប់ឃុំម្នាក់​​ត្រូវបាន​រកឃើញ​«វិជ្ជមានកូវីដ-១៩»

ក្រសួងមហាផ្ទៃកម្ពុជា បានអះអាងថា អ្នកជាប់ឃុំម្នាក់ ត្រូវបានធ្វើតេស្ដិ៍ បង្ហាញលទ្ធផល«វិជ្ជមានកូវីដ-១៩» ពីក្នុងចំណោមការធ្វើតេស្ដិ៍ ទៅលើអ្នកជាប់ឃុំ​ជាង១០០នាក់ ដែលបានសង្ស័យថា បានជាប់ពាក់ព័ន្ធនឹងករណីលោក ឆែម សាវុធ អគ្គនាយក​នៃអគ្គនាយកដ្ឋាន​ពន្ធនាគារ ដែលត្រូវបានរកឃើញ«​វិជ្ជមានកូវីដ-១៩» ...
ដំណឹង

ហ្វីលីពីន បញ្ជូនវ៉ាក់សាំង «Sinopharm» ទៅឲ្យ​ប្រទេសចិ​នវិញ

កោះហ្វីលីពីន បានបញ្ជូនវ៉ាក់សាំងចិន បង្ការជំងឺកូវីដ-១៩ (Covid-19) ទៅឲ្យ​ប្រទេសចិ​នវិញ បើទោះជាប្រធានាធិបតី លោក រ៉ូឌ្រីចូ ឌូតែតេ (Rodrigo Duterte) បានចាក់វ៉ាក់សាំងនេះ ដើម្បីបង្ហាញពីភាពជឿជាក់របស់លោក ...
ដំណឹង

Covid-19៖ នាវា​យក្ស​ផ្ទុក​យន្ដហោះ​ចម្បាំង​បារាំង មាន​ករណី​ឆ្លង​៥០នាក់

នាវា​យក្ស​ផ្ទុក​យន្ដហោះ​ចម្បាំង​បារាំង ដែលកំពុងធ្វើដំណើរ លើមហាសាគរ អាត្លង់ទិក បានប្រកាសកាលពីថ្ងៃពុធ ថាខ្លួនសម្រេចពន្លឿន ការវិលត្រឡប់មកកាន់ទឹកដីបារាំងវិញ យ៉ាងលឿនតាមតែអាចធ្វើបាន បន្ទាប់ពីរកឃើញ ករណីឆ្លងជំងឺ «Covid-19» នៅលើនាវា។ ក្រសួងកងទ័ព​របស់​ប្រទេស​បារាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...