កម្ពុជាដំណឹង

ឯកអគ្គរាជទូតអូស្ត្រាលី សរសើរ​«សេចក្ដីក្លាហាន»​របស់​ក្រុមស្ត្រី​អ្នកតវ៉ា

ឯកអគ្គរាជទូតនៃកោះអូស្ត្រាលី ប្រចាំកម្ពុជា លោក ប៉ាប្លូ ឃេង (Pablo Kang) បានសរសើរអំពី«សេចក្ដីក្លាហាន» របស់ក្រុមស្ត្រីអ្នកតវ៉ា នៅចំពោះសកម្មភាពទាមទាររបស់ពួកគាត់ ដោយអហិង្សា និងដោយសន្តិវិធី។

លោក ប៉ាប្លូ ឃេង បានលើកឡើងដូច្នេះ នៅលើទំព័រទ្វីសធើរផ្លូវការរបស់លោក ដោយអមនឹងរូបថតពីសន្លឹក បង្ហាញពីការទទួលជួប ក្រុមស្ត្រីទាំងនោះ ដោយអ្នកស្រី «Sarah Leary» លេខាទីមួយនៃស្ថានទូតអូស្ត្រាលី នៅក្នុងបរិវេណស្ថានទូត នារាជធានីភ្នំពេញ។

ឯកអគ្គរាជទូតអូស្ត្រាលី បានសរសេរថា៖

«កាលពីសប្ដាហ៍មុន អ្នកស្រី “Sarah Leary” បានទទួលជួប “ក្រុមស្ត្រីនៃថ្ងៃសុក្រកម្ពុជា” ដែលបានធ្វើបាតុកម្ម នៅខាងមុខសាលាដំបូងរាជធានីភ្នំពេញ ដើម្បីប្រឆាំង​នឹង​ការចាប់ខ្លួន ដែលត្រូវបានធ្វើឡើង ចំពោះក្រុមគ្រួសារ​របស់ពួកគាត់។»

លោក ប៉ាប្លូ ឃេង បានបញ្ជាក់ពីជំហររបស់កោះអូស្ត្រាលី នៅចំពោះបាតុកម្មទាមទារ របស់ស្ត្រីទាំងនេះថា៖

«យើងសូមសំដែងការស្ងើចសរសើរ ចំពោះសេចក្ដីក្លាហាន របស់ស្ត្រីទាំងនេះ ក្នុងការក្រោកឈរឡើង ដើម្បីការពារជំនឿ និងសិទ្ធិរបស់ពួកគាត់ តាមរយៈការធ្វើបាតុកម្ម ដោយសន្តិវិធី និងដោយអហិង្សា៕»



លំអិតបន្ថែមទៀត

កម្ពុជា

ក្រុមអ្នកជំនាញ អ.ស.ប ថាការជំនុំជម្រះក្តី កឹម សុខា «គ្មានគុណភាព»

«គ្មានគុណភាព» នេះជាការអះអាងឡើង របស់ ក្រុមអ្នកជំនាញសិទ្ធិមនុស្ស អង្គការសហប្រជាជាតិ ដើម្បីហៅការជំនុំជម្រះក្តី ពីបទក្បត់ជាតិ ដែលបានបើកសវនាការ ក្នុងអាទិត្យនេះ ប្រឆាំងនឹងលោក កឹម សុខា មេដឹកនាំគណបក្សប្រឆាំងនៅកម្ពុជា។ ...
កម្ពុជា

ភរិយា កែម ឡី ប្រាប់ស្វាមីថា «បងឈប់បារម្ភពីអូន និងកូនៗទៀតទៅ»

អ្នកស្រី ប៊ូ រចនា ភរិយាមេម៉ាយ នៃសពលោក កែម ឡី បានសុបិន្តឃើញស្វាមីអ្នកជាថ្មីទៀត បើទោះលោក កែម ឡី បានឃ្លាតចេញពីអ្នកស្រី អស់រយៈពេល៣ឆ្នាំហើយក៏ដោយ។ ...
កម្ពុជា

អតីត​ចៅសង្កាត់ CNRP ត្អូញពីការរំខានតាមផ្លូវតុលាការ ទៅលើសិទ្ធិខ្លួន

«ខ្ញុំរស់នៅ វាពិបាកណាស់! ហើយខ្ញុំមិនដឹងថា តើពេលតទៅមុខទៀត ខ្ញុំនឹងប្រឈមអ្វីទៀតទេ។» នេះ ជាការអះអាងឡើង របស់កញ្ញា ស៊ិន ចាន់ពៅរ៉ូហ្សែត នៅខណៈដែល អតីត​ចៅសង្កាត់ អូចារ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.