កម្ពុជាដំណឹង

អាស៊ានថា ព្រះរាជា សីហមុនី ល្បី​ខាង​ការពារ​សិទ្ធិមនុស្ស​ដ៏ខ្លាំង​មួយអង្គ

សមាគមប្រជាជាតិអាស៊ីអាគ្នេយ៍ ហៅកាត់ថា «អាស៊ាន / ASEAN» បានអះអាងថា ព្រះមហាក្សត្រកម្ពុជា ព្រះករុណាព្រះបាទ​សម្ដេច​ព្រះបរមនាថ នរោត្តម សីហមុនី ទទួលបានការកោតសរសើក្រៃលែង ថាជាមេដឹកនាំ និងជាអ្នកការពារសិទ្ធិមនុស្ស ដ៏ខ្លាំងមួយអង្គ។

ស្ថាប័នអាស៊ាន បានអះអាងដូច្នេះ នៅលើទំព័រហ្វេសប៊ុកផ្លូវការបស់ខ្លួន កាលពីថ្ងៃទី១៤ ខែឧសភា ឆ្នាំ២០១៩ ពោលគឺនៅចំថ្ងៃចម្រើនព្រះជន្ម របស់ព្រះមហាក្សត្រកម្ពុជា ទ្រង់យាងចូល៦៦ព្រះវស្សា​។ សមាគមនៃប្រជាជាតិទាំង១០ ដែលមានលេខាធិការដ្ឋាន នៅក្នុងរដ្ឋធានី ចាការតា (ឥណ្ឌូនេស៊ី) បានសរសេរជាភាសាអង់គ្លេស ​ឲ្យដឹងថា៖

«សូមថ្វាយ​ព្រះពរ​ ក្នុងថ្ងៃចម្រើន​ព្រះជន្ម​របស់ព្រះមហាក្សត្រ នៃព្រះរាជាណាចក្រកម្ពុជាព្រះករុណាព្រះបាទសម្តេចព្រះបរមនាថ នរោត្តម សីហមុនី។ ព្រះអង្គទ្រង់ប្រសូត នៅឆ្នាំ​១៩៥៣ និងឡើងគ្រងរាជសម្បត្តិ នៅឆ្នាំ​២០០៤។ ព្រះអង្គទទួលបានការកោតសរសើរក្រៃលែង ក្នុងនាមជាអ្នកដឹកនាំ និងជាអ្នកការពារសិទ្ធិមនុស្ស ដ៏ខ្លាំងមួយអង្គ។»

ដោយអមមកជាមួយ នូវព្រះឆាយាល័ក្ខណ៍​របស់​ព្រះមហាក្សត្រ​ នរោត្ដម សីហមុនី មួយសន្លឹក​ផង (រូបខាងក្រោម) ទំព័រហ្វេសប៊ុកនោះ បានបន្តរៀបរាប់ថា៖

«ព្រះរាជពិធីចម្រើនព្រះជន្មរបស់ទ្រង់ ត្រូវប្រព្រឹត្តិទៅតាមទម្លាប់ ក្នុងរយៈពេលបីថ្ងៃ ដោយអាគាររដ្ឋាភិបាលជាច្រើន ត្រូវបានតុបតែងដោយព្រះឆាយាល័ក្ខណ៍ព្រះអង្គ និងដោតទង់ជាតិ៕»

Happy birthday to His Majesty the King of Cambodia Norodom Sihamoni! King Sihamoni was born in 1953 and became King in…

Publiée par ASEAN sur Lundi 13 mai 2019


You may also like

កម្ពុជា

សម រង្ស៊ី ប្រតិកម្មជា៣វគ្គ អំពី​«ស្ដេចទីងមោង»នៅកម្ពុជា

លោក សម រង្ស៊ី បន្តបញ្ជាក់ជាថ្មី ជុំវិញសំណេររបស់លោក កាលពីចុងសប្តាហ៍មុន ហៅព្រះមហាក្សត្រ ព្រះបាទ នរោត្តម សីហមុនី ថាជា«ស្ដេចទីងមោង» ដែលលោកថា តែងធ្វើតាមបញ្ជារបស់នាយករដ្ឋមន្ត្រីចាស់វស្សានៅកម្ពុជា។ ...
កម្ពុជា

អ.ស.ប នឹងប្រជុំ​ពិនិត្យមើល​ស្ថានភាព​«សិទ្ធិមនុស្សនៅកម្ពុជា» ក្នុងចុងខែនេះ

ក្រុមប្រឹក្សាសិទ្ធិមនុស្ស របស់អង្គការសហប្រជាជាតិ នឹងបើកកិច្ចប្រជុំ ដើម្បីពិនិត្យមើលកំណត់ត្រា«សិទ្ធិមនុស្សនៅកម្ពុជា» ក្នុងថ្ងៃពុធទី៣០ ខែមករា ឆ្នាំ២០១៩ខាងមុខ។ ប្រទេសចំនួន៨៣ បានចុះឈ្មោះនៅក្នុងបញ្ជី នៃរបៀបវារៈរបស់កិច្ចប្រជុំ ដើម្បីលើកឡើង ពីស្ថានភាពសិទ្ធិមនុស្ស នៅក្នុងរាជាណាចក្រមួយនេះ។ ...
របាយការណ៍

មេទ័ព​កំពូល វង្ស ពិសេន ជា​នរណា?

លោក វង្ស ពិសេន បានក្លាយជាអគ្គមេបញ្ជការ នៃកងយោធពលខេមរភូមិន្ទ ឬហៅឲ្យខ្លី «មេទ័ព​កំពូល» តាមរយៈព្រះរាជក្រឹត្យតែងតាំង របស់ព្រះមហាក្សត្រកម្ពុជា កាលពីម្សិលម៉ិញ តាមការទូលស្នើសុំ របស់លោក ហ៊ុន ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...