កម្ពុជាដំណឹង

ខ្លីៗ​ពីបារាំង៖ ចិនបោះទុន​សង់​ច្រើនជាងគេ​នៅ​កម្ពុជា មុន​វិបត្តិ​«Covid-19»

ការវិនិយោគផ្ទាល់ពីបរទេស «FDI /IDF» ក្នុងវិស័យអចលនទ្រព្យ នៅប្រទេសកម្ពុជា មុន​វិបត្តិ​«Covid-19» ត្រូវបានកត់សម្គាល់ ដោយការវិនិយោគរបស់ចិន ដែលមាន​ទំហំ​ធំ​ជាងគេ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៨ របស់ក្រសួងសេដ្ឋកិច្ច និង​ហិរញ្ញវត្ថុបារាំង ដែលទស្សនាវដ្ដីមនោរម្យ.អាំងហ្វូ បានចូលទៅពិគ្រោះ។

របាយការណ៍ខ្លីៗនោះ បានបញ្ជាក់ថា មកដល់ខែមេសា ឆ្នាំ២០២០ ការវិនិយោគ​ផ្ទាល់​ពីបរទេស នៅក្នុងការសាងសង់អាគារ មានទំហំ​ទឹកប្រាក់​សរុប រហូតដល់ ៤៣៧លាន​ដុល្លារ ដែលកើន​ឡើង ២១% បើធៀបនឹងឆ្នាំទៅមិញ។

ពីក្នុងទំហំវិនិយោគ ខាងលើ ប្រទេសចិនបានក្លាយ ជាអ្នកវិនិយោគ ដ៏សម្បើមជាងគេ ជាមួយនឹងទឹកប្រាក់ ២៦២លានដុល្លារ ត្រូវនឹង៥៩% (នៃទំហំ​ទឹកប្រាក់​សរុប)។ បន្ទាប់មក គឺប្រទេសសិង្ហបូរី ជាមួយទឹកប្រាក់ ៦៧,៧លានដុល្លារ (១៥%) សហរដ្ឋអាមេរិក ៥៣,៥លានដុល្លារ និង​ចុងក្រោយ គឺប្រទេស​កូរ៉េខាងត្បូង ជាមួយនឹងទឹកប្រាក់ ២៧,២លានដុល្លារ។

របាយការណ៍​របស់ក្រសួងសេដ្ឋកិច្ច និងហិរញ្ញវត្ថុ​បារាំង បានអះអាងទៀតថា៖

«វិស័យអចលនទ្រព្យ តំណាងឲ្យ២៥% នៃកញ្ចប់ប្រាក់កម្ចីសរុប នៅក្នុងវិស័យធនាគារ ដែលមានប្រមាណ ជា២៥,១ពាន់លានដុល្លារ។ កំណើនការខ្ចីប្រាក់ ក្នុងវិស័យនេះ បានឈានដល់ ៤៣,៣% សម្រាប់ការផ្សព្វផ្សាយ នៃអចលនទ្រព្យ – ៤១,៧% សម្រាប់​យកមកទិញ​អចលនទ្រព្យ និង ២៧,៦% សម្រាប់ការសាងសង់៕»



You may also like

កម្ពុជា

សម រង្ស៊ី៖ ហ៊ុន សែន ឲ្យចិន​ធ្វើអាណានិគម​លើកម្ពុជា ព្រោះ​ខ្លាចការ«បះបោរ»

មេដឹកនាំប្រឆាំង លោក សម រង្ស៊ី បានអះអាងថា លោកនាយករដ្ឋមន្ត្រី ហ៊ុន សែន បានហៅបរទេស​ឲ្យមក​«ការពារអំណាច»​ឲ្យលោក ដោយហេតុថា បុរសខ្លាំងកម្ពុជាខ្លាចពលរដ្ឋកម្ពុជាងើប«បះបោរ»ប្រឆាំងលោក។ លោក សម ...
ដំណឹង

ចិន៖ អ្នកកាសែតម្នាក់ជាប់គុក​១៥ឆ្នាំ ព្រោះផ្សាយ​ពីអំពើ​​ពុករលួយ ​ក្នុងបក្ស​

ព្រោះផ្សាយ​ពីអំពើ​​ពុករលួយ ក្នុងបក្ស​កុម្មុយនីស្ដិ៍​ និងរដ្ឋាភិបាល​ចិន អ្នកសារព័ត៌មាន​មួយរូប ត្រូវបាន​តុលាការប្រជាជន ក្រុង«Guiyang» ខេត្ត«Guizhou» ផ្ដន្ទាទោស​ឲ្យជាប់​ពន្ធនាគារ ១៥ឆ្នាំ។ ការផ្តន្ទាទោសនេះ បានរងការរិះគន់ខ្លាំងក្លា ពីអង្គការ​អ្នកយក​ព័ត៌មាន​គ្មាន​ព្រំដែន (RWF ...
កម្ពុជា

សកម្មជន​បរិស្ថាន​បបួល​រដ្ឋមន្ត្រី​បីរូប​ចុះ​ងូតទឹក​សមុទ្រ នៅក្រុង​ព្រះសីហនុ

រដ្ឋមន្ត្រីចំនួនពីររូប និងអភិបាលខេត្តមួយរូប ត្រូវបានសកម្មជនបរិស្ថាន យុវជន ថុន រដ្ឋា មកពីអង្គការមាតាធម្មជាតិ បបួលឲ្យចុះងូតទឹក នៅក្នុងតំបន់ឆ្នេរសមុទ្រ នៅក្នុងខេត្តព្រះសីហនុ បន្ទាប់ពីយុវជនរូបនេះ បានយកទឹកដែលបង្ហូរចូលសមុទ្រ ទៅធ្វើការពិសោធន៍ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...