ដំណឹងបារាំង

បាតុកម្ម​អាវ​កាក់​លឿង៖ បាតុករ​​ថយ​​ចំនួន​ខ្លាំង បើ​ធៀប​នឹងសប្ដាហ៍​មុន

នៅរដ្ឋធានីប៉ារីស ការប្រមូលផ្ដុំគ្នា របស់ក្រុមបាតុករ អាវកាក់លឿង មានចំនួនតិចជាងច្រើន បើធៀបនឹងចំនួនបាតុករ ក្នុងសប្ដាហ៍កន្លងទៅ។ សេចក្ដីរាយការណ៍ ពីតាមបណ្ដាខេត្តនានា ក្នុងប្រទេសបារាំង ក៏អះអាងដែរថា ចំនួនបាតុករចូលក្នុងរលកទី៥ សម្រាប់ថ្ងៃសៅរ៍នេះ មានចំនួនមិនច្រើនដូច រលកបាតុកម្មមុនៗទេ។

ចំនួនមនុស្ស ដែលត្រូវបានឃាត់ខ្លួន ក៏មានចំនួនតិច​ជាង​សប្ដាហ៍​កន្លងទៅដែរ។ មក​ដល់ម៉ោងនេះ មនុស្សចំនួន១៥០នាក់ ត្រូវបានឃាត់ខ្លួន បើប្រៀបធៀបទៅថ្ងៃសៅរ៍សប្ដាហ៍មុន ដែលមកដល់ម៉ោងនេះដូចគ្នា ចំនួនមនុស្សដែលត្រូវឃាត់ខ្លួន មានដល់ទៅជាង ៥០០នាក់។

របាយការណ៍បឋមមួយ របស់ក្រសួងមហាផ្ទៃបារាំង បានអះអាងថា ចំនួនបាតុករនៅក្នុងប្រទេសបារាំងទាំងមូល មានប្រមាណជា ៣៣ ៥០០នាក់ ហើយបាតុករ នៅក្នុងរដ្ឋធានី​ប៉ារីស មានតែ ២ ២០០នាក់ប៉ុណ្ណោះ។ កាលពីសប្ដាហ៍មុន បាតុករនៅក្នុងប្រទេស​បារាំង​ទាំងមូល មានប្រមាណជា ៧៧ ០០០នាក់ ខណៈនៅក្នុងរដ្ឋធានីប៉ារីស មានចំនួន ១០ ០០០នាក់។

ចំនួនកងកម្លាំងរបស់អាជ្ញាធរ ដែលត្រៀមមករក្សាសន្ដិសុខ ក៏បានថយចុះដែរ។ ក្នុងសប្ដាហ៍នេះ កងកម្លាំងចំនួន ៦៩ ០០០នាក់ ត្រូវបានដាក់ពង្រយ នៅក្នុងប្រទេសបារាំងទាំងមូល ខណៈនៅក្នុងរដ្ឋធានី ប៉ារីស មានកងកម្លាំងតែ ៨ ០០០នាក់ប៉ុណ្ណោះ។ កាលពីសប្ដាហ៍មុន កងកម្លាំងចំនួនប្រមាណជា ៨៩ ០០០នាក់ ត្រូវបានដាក់ពង្រាយ នៅពាសពេញប្រទេស៕



លំអិតបន្ថែមទៀត

ដំណឹង

អាជ្ញាធរឱសថបារាំង ថា​វ៉ាក់សាំង​«AstraZeneca» ពិតជា​មានហានិភ័យ

អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ...
កម្ពុជា

CNRP អ៊ឺរ៉ុប ធ្វើបាតុកម្មព្រឹកនេះឲ្យបារាំង​បន្ថែមទណ្ឌកម្ម​លើរបប ហ៊ុន សែន

ដូចបានគ្រោងទុក ពលរដ្ឋខ្មែរ​ឬពលរដ្ឋមានដើមកំណើតខ្មែរ ច្រើនរយនាក់  ដែលជាអ្នកគាំទ្រគណបក្សសង្គ្រោះជាតិ ក្នុងទ្វីបអ៊ឺរ៉ុប ( CNRP អ៊ឺរ៉ុប ) នឹងធ្វើបាតុកម្មក្នុងថ្ងៃសុក្រនេះ នៅខាងមុខក្រសួងការបរទេសបារាំង ដើម្បីទាមទារឲ្យរដ្ឋាភិបាលបារាំងចាត់វិធានការ ឲ្យបានខ្លាំងបន្ថែមទៀត ...
ដំណឹង

មេរោគកូរូណា​វាយលុក​រដ្ឋសភា​បារាំង – តំណាងរាស្ត្រ​៤រូប ឆ្លង​ជំងឺនេះ

តំណាងរាស្ត្រ​៤រូប របស់ប្រទេសបារាំង បានឆ្លងជំងឺរលាកផ្លូវដង្ហើម ដែលបណ្ដាលមកពីមេរោគ «កូរូណា»ថ្មី។ នេះ បើតាមសេចក្ដីប្រកាសព័ត៌មាន របស់អាជ្ញាធរបារាំង ទទួលបន្ទុកផ្នែកសុខភាពសាធារណៈ ក្នុងយប់ថ្ងៃអាទិត្យនេះ។ អាជ្ញាធរសុខាភិបាលបារាំង «ARS» ប្រចាំតំបន់ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...