ដំណឹងបារាំង

អយ្យការបារាំងស្នើរឲ្យ ផ្ដន្ទាទោស​បុរស​ម្នាក់ ពីបទរំលោភ​កុមារ​ខ្មែរ-​នេប៉ាល់

អយ្យការនៃរដ្ឋធានីប៉ារីស (បារាំង) បានទាមទារឲ្យបើកសវនាការ ដើម្បីឈានទៅ ផ្ដន្ទាទោស​បុរស​ម្នាក់ ពី​បទ​​បៀតបៀន​ផ្លូវភេទ លើកុមារជិត៣០នាក់ នៅពេល​ដែល​បុរសរូបនោះ បាន​ធ្វើដំណើរ ទៅកាន់ប្រទេសកម្ពុជា និងប្រទេសនេប៉ាល់។

បើតាមប្រព័ន្ធយុត្តិធម៌បារាំង បានអះអាងថា បុរសម្នាក់នេះ ដែលមានឈ្មោះ «Philippe G.» មានអាយុ៥០ឆ្នាំ បានប្រើប្រាស់ផ្លាក «មនុស្សធម៌» ដើម្បីជួយ «ជនក្រីក្រ» នៅក្នុង​ប្រទេសទាំងពីរខាងលើ។ តែអ្វីដែលក្រុមអ្នកស៊ើបអង្កេត បានរកឃើញ គឺបុរសម្នាក់នេះ បានប៉ះពាល់ បៀតបៀន និងរំលោភ ទៅលើកុមារា សូម្បីអាយុ៦ឆ្នាំ និងក្មេងប្រុស​ជំទង់ សរុបទាំងអស់ ២៦នាក់ ក្នុងនោះ១០នាក់ ជាជនជាតិខ្មែរ។

ក្រុមអ្នកស៊ើបអង្កេត បានរកឃើញទៀតថា ដើម្បីជាថ្នូរ នឹងការប៉ះពាល់ផ្លូវភេទ របស់​កុមារា​ម្នាក់ ដែលមានអាយុទើបនឹង៦ឆ្នាំ បុរសខាងលើទំនងជា​ បានប្រគល់​ឲ្យ​កុមារ​តូច​រូបនោះ នូវ«បន្តោងខ្សែក រូបដំរីមួយ ស្កគ្រាប់ និងនំ»។

បើស្រាវជ្រាវពីសាវតា របស់បុរសឈ្មោះ «Philippe G.» គេនឹងមានអារម្មណ៍ កាន់តែ​ព្រឺព្រួច​ថែមទៀត។ ទីភ្នាក់ងារពត៌មានបារាំង «AFP» បានរាយការណ៍ថា ជនសង្ស័យ​ខាងលើ ធ្លាប់​បាន​ជាប់គុក ​៣ឆ្នាំរួចហើយ ពីបទបានបៀតបៀនផ្លូវភេទ ទៅលើក្មេង​​អាយុ​ជាង១០ឆ្នាំ នៅក្នុង​​ការបោះជំរុំមួយ ក្នុងប្រទេសបារាំង កាលពីដើមទសវត្សរ៍ ឆ្នាំ២០០០។

កាលនោះ តុលាការក្នុងតំបន់ «Haut-Savoir (ភាគខាងត្បូង)» បាន«ផ្ដន្ទាទោសបុរសម្នាក់»នេះ ឲ្យជាប់ពន្ធនាគារ តែពាក់កណ្ដាល និងព្យូរទោសពាក់កណ្ដាលទៀត ដោយតម្រូវឲ្យបុរស ត្រូវព្យាបាលរោគចិត្តរបស់ខ្លួន ក្នុងរយៈពេល៣ឆ្នាំ និងស្វែងរកការងារធ្វើ ឱ្យបានត្រឹមត្រូវ។

ផ្ទុយទៅវិញ ក្នុងពេលបន្ទាប់មក «Philippe G.» ត្រូវបានបណ្ដេញចេញ ពីការងារ​ជា​«ចុងភៅ» នៅក្នុង​​ជំរុំវិសមកាលមួយ បន្ទាប់ពីភ្ញៀវនៅក្នុងជំរុំនោះ បានរាយការណ៍ ប្រាប់​អ្នក​ទទួលខុសត្រូវ ពីចរិត​មិន​ធម្មតា ​របស់​បុរសរូបនេះ ជាមួយកុមារៗ នៅនឹង​អាង​ហែលទឹក។

នៅឆ្នាំ២០០៨ «Philippe G.» បានធ្វើដំណើរ ទៅកាន់ប្រទេស នេប៉ាល់ (និងកម្ពុជា?) ហើយ​​បាន​នៅ​ទីនោះ ៦ខែ។ លុះត្រឡប់មកប្រទេសបារាំងវិញ បុរស«ចិត្តធម៌» បាន​បង្កើត​សមាគមមួយ ឈ្មោះ «Philmy voyageurs solidaires» ដោយមានការជ្រោមជ្រែង ពី​សមាជិក​​គ្រួសារ​ខ្លួន និងអ្នកជិតដិត​ដទៃទៀត។

នៅក្នុងទំព័រ «Blog» នៃសមាគមនេះ គេឃើញ «Philippe G.» សរសេរបង្ហាញ ពីគម្រោង​ «អប់រំ» និងគម្រោង «មនុស្សធម៌» ដើម្បី​«ជួយសង្គ្រោះ»ជនក្រីក្រ នៅក្នុង​ប្រទេស​នេប៉ាល់ កម្ពុជា ឡាវ និងក្នុង​ប្រទេស ឥណ្ឌា។

តែក្នុងរបាយការណ៍ របស់ក្រុមអ្នកស៊ើបអង្កេត បានរៀបរាប់ថា នៅពីក្រោយ«ផ្លាក» នៃ​សកម្មភាព «មនុស្សធម៌» ខាងលើ ជននេះបានបង្ខំ​កុមារតូចៗ ជាច្រើននាក់ ដើម្បីអាច​ឲ្យខ្លួន បានស្ទាប​អង្អែល បៀតបៀនផ្លូវភេទ ឬបង្ខំឲ្យកុមារ​ទាំង​នោះ ប្រព្រឹត្តិកាម ដោយ​ការ«បៀមលិង្គ» នៅក្នុងបន្ទប់ទឹក ឬបន្ទប់គេង​នៅពេលយប់។

ទង្វើប្រកបដោយការសង្ស័យនោះ បានបណ្ដាលឲ្យអង្គការក្រៅរដ្ឋាភិបាលមួយ នៅក្នុងប្រទេសនេប៉ាល់ ធ្វើរបាយការណ៍ បញ្ជូនឡើងទៅអាជ្ញាធរបារាំង កាលពីអំឡុងខែឧសភា ឆ្នាំ២០១៤។ បន្ថែមពីលើសេចក្ដីរាយការណ៍ ផ្សេងទៀតផង ប្រព័ន្ធយុត្តិធម៌បារាំង បានសម្រេចបើកសំនុំរឿង នៅខែមីនា ឆ្នាំ២០១៥ ដើម្បីធ្វើការស៊ើបអង្កេត ទៅលើបុរស «ចិត្តធម៌» ខាងលើ។

ក្រុមមេធាវីសង្ឃឹម​ទទួលបានសំណង បន្ទាប់ពី​«ផ្ដន្ទាទោស​បុរស​ម្នាក់»​នេះ

«Philippe G.» ត្រូវបានចាប់ខ្លួន នៅក្នុងប្រទេសបារាំង កាលពីរដូវស្លឹកឈើជ្រុះ ឆ្នាំ​២០១៥ ហើយបន្ទាប់មក​ត្រូវបាន​ដោះលែង បន្ទាប់ពីជននេះ​ទទួលស្គាល់ទង្វើខ្លួន តែត្រូវ​បានដាក់ ឲ្យស្ថិតក្រោម​ការត្រួត​ពិនិត្យ ពីប្រព័ន្ធយុត្តិធម៌ តាំងពីខែវិច្ឆិកា ឆ្នាំ២០១៨ រហូត​លុះត្រា​ មានការសម្រេចជាថ្មី ពីតុលាការ ឬមាន​សវនាការ​កាត់ទោស។

មេធាវីច្រើននាក់ ដែលតំណាងឲ្យសមាគម យ៉ាងហោចចំនួន៣ ដែលការពារសិទ្ធិ របស់​កុមាររងគ្រោះ ទាំងក្នុងប្រទេសកម្ពុជា និងប្រទេសនេប៉ាល បានបញ្ចេញ​ប្រតិកម្ម​ខ្លាំងៗ នៅចំពោះទង្វើ របស់បុរសអាយុ៥០ឆ្នាំ និងចំពោះប្រព័ន្ធយុត្តិធម៌ ក៏ដូចជាអាជ្ញាធរបារាំង ដែលមាន​កម្សោយ អនុញ្ញាតឲ្យទណ្ឌិត ដែលមានទោស ពីបទរំលោភបំពាន​លើកុមារ បានរួច​ពី​ពន្ធនាគារ ហើយអាចទៅបើកសមាគម ដើម្បី«ជួយសង្គ្រោះ»កុមារ (SIC)៕



លំអិតបន្ថែមទៀត

កម្រមាន

បាតុកម្មអាវកាក់លឿង៖ បាតុករជាស្ត្រីដោះអាវបង្ហាញទ្រូង ដើម្បីតវ៉ា

រលកបាតុកម្មលើកទី៥ ក្នុងថ្ងៃសៅរ៍ទី១៥ ខែធ្នូ ឆ្នាំ២០១៨នេះ មិនមានសន្ទុះខ្លាំងក្លា ដូចសប្ដាហ៍កន្លងទៅទេ ក្នុងប្រទេសបារាំងទាំងមូល។ បាតុករចូលរួមមិនមានច្រើន ក៏ពិតមែន តែរឿងដ៏លេចធ្លោជាងមុន ក៏រហ័សឆាប់ត្រូវបាន អ្នកកាសែតមើលឃើញដែរ។ បាតុករជាស្ត្រីប្រាំរូប ...
កម្រមាន

វីដេអូ​រួមភេទ​ក្នុង​រថយន្ដ​ការងារ បង្ក​រឿងអាស្រូវ​​ដល់ អ.ស.ប

អង្គការសហប្រជាជាតិ «អ.ស.ប» បានសម្រេចព្យួរមន្ត្រីពីររូប ពីការងារ នៅក្នុងប្រទេស​អ៊ីស្ត្រាអែល បន្ទាប់​ពី​«វីដេអូ​រួមភេទ​ក្នុង​រថយន្ដ​ការងារ»មួយ ត្រូវបានបង្ហោះ យ៉ាង​គគ្រឹកគគ្រេង នៅតាមបណ្ដាញសង្គម។ អ្នកនាំពាក្យ​អង្គការពិភពលោក បានថ្លែង​កាលពីយប់ថ្ងៃព្រហស្បត្តិ៍ថា ចំណាត់ការព្យួរ​បុគ្គលិក ទាំងពីររូប ...
កំសាន្ដ

អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...