ដំណឹងបារាំង

កងទ័ព​បារាំង​ប្រតិបត្តិការ​រំដោះ ចំណាប់ខ្មាំង​៤នាក់ តែ​ពលីទាហាន​២នាក់

ទាហានបារាំងពីរនាក់​បានបាត់បង់ជីវិត ក្នុងប្រតិបត្តិការដ៏សំខាន់មួយ នៅប្រទេសប៊ួគីណាហ្វាសូ (ទ្វីបអាហ្វ្រិកខាងលិច) ដើម្បីរំដោះ ចំណាប់ខ្មាំង​៤នាក់ ក្នុងនោះ២នាក់ជាតិបារាំង ម្នាក់ជាតិអាមេរិកាំង និងម្នាក់ទៀតជាតិកូរ៉េខាងត្បូង។

វិមានប្រធានាធិបតីបារាំង «Elysée» បានឲ្យដឹង នៅក្នុងសេចក្ដីប្រកាសព័ត៌មានមួយថា៖

«ការរំដោះនេះ អាចធ្វើទៅបាន ដោយសារប្រតិបត្តិការយោធា ដែលដឹកនាំដោយកងកុម្មង់ដូពិសេសបារាំង នៅក្នុងយប់ថ្ងៃព្រហស្បត្តិ ចូលមកព្រឹកថ្ងៃសុក្រ នាតំបន់ភាគខាងជើងនៃប្រទេស ប៊ួគីណាហ្វាសូ ។»

ទេសចរណ៍ជាតិបារាំងពីរនាក់ ត្រូវបានចាប់ជាចំណាប់ខ្មាំង នៅថ្ងៃទី១ ខែឧសភា  នៅពេលពួកគេ និងមគ្គុទេ្ទសក៍ទេសចរណ៍ម្នាក់ កំពុងដើរកំសាន្ដ នៅក្នុងប្រទេសបេណាំង (ក្នុងទ្វីបអាហ្វ្រិកខាងលិច) ដែលពីមុនមក មិនធ្លាប់មានបញ្ហាអសន្តិសុខ កើតឡើងដូច្នេះទេ ខណៈស្ថានភាពតំបន់ ត្រូវបានញាំញីដោយក្រុមសកម្មប្រយុទ្ធជាច្រើន ដែលជាប់ទាក់ទង នឹងបណ្ដាញភេរវនិយម អាល់កៃដា (Al-Qaïda) និងរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS)។

កាលពីថ្ងៃសៅរ៍ សាកសពមគ្គុទេ្ទសក៍ទេសចរណ៍ ត្រូវបានរកឃើញ នៅក្នុងរមណីដ្ឋានជាតិ «Pendjari» នៃប្រទេសបេណាំង។ បន្ទាប់មករថយន្ដទេសចរណ៍​របស់អ្នកទាំងបី ត្រូវបានរកឃើញជាបន្ត នៅតំបន់មួយ ស្ថិតនៅភាគខាងកើត នៃប្រទេសប៊ួគីណាហ្វាសូ ដែលនៅជាប់ព្រំដែនប្រទេស បេណាំង។

ចំណាប់ខ្មាំងពីរនាក់ទៀត ពីក្នុងចំណោម ចំណាប់ខ្មាំង​៤នាក់ មិនត្រូវបានបញ្ចេញ​ឲ្យដឹង ពីអត្តសញ្ញាណទេ។

វិមានប្រធានាធិបតីបារាំង បានបន្តទៀតថា៖

«នៅក្នុងប្រតិបត្តិការរំដោះចំណាប់ខ្មាំង ទាហានពីរនាក់បានទទួលមរណភាព គឺលោកសាស្ត្រាចារ្យ “Cédric de Pierrepont” និងលោកសាស្ត្រាចារ្យ “Alain Bertoncello” ដែលសុទ្ធសឹងជាទាហានជំនាញ នៅក្នុងបញ្ជាការដ្ឋាន នៃកងកម្លាំងពិសេស។»

មេទ័ពបារាំង លោក «François Lecointre» បានបញ្ជាក់​នៅក្នុង​សេចក្ដី​ប្រកាសព័ត៌មាន​មួយដែរ​ថា៖

«ប្រតិបត្តិការដ៏សម្បើមមួយនេះ អាចធ្វើទៅបាន តាមរយៈការចល័តមធ្យោបាយ ដែលមាននៅក្នុងបេសកកម្ម “Barkhane” របស់កងទ័ពបារាំង រួមបញ្ចូលទាំងកងទ័ពរបស់ប្រទេសប៊ួគីណាហ្វាសូ និងការគាំទ្រផ្នែកចារកម្ម របស់សហរដ្ឋអាមេរិកផង។»

តាំងពីឆ្នាំ២០១៤មក ប្រទេសបារាំងបានដាក់ពង្រាយកងទ័ព ប្រមាណជា ៤៥០០នាក់ សម្រាប់បំពេញបេសកកម្ម «Barkhane» ក្នុងគោលដៅវាយប្រយុទ្ធ ទល់នឹងក្រុមសកម្មប្រយុទ្ធអ៊ីស្លាមនិយម នៅតាមប្រទេសជាច្រើន ដែលស្ថិតនៅលើខ្សែបន្ទាត់ «Sahel»។

បើតាមអ្នកជំនាញ​ផ្នែកភូមិសាស្ត្រ និងប្រភពពីផ្នែកសន្តិសុខតំបន់ បានអះអាងថា ក្នុងប៉ុន្មានខែចុងក្រោយនេះ ប្រទេសមួយចំនួន​​នៅក្នុង​ទ្វីបអាហ្វ្រិក​ខាងលិច ដូចយ៉ាងប្រទេសតូហ្គោ និងបេណាំងជាដើម បានក្លាយខ្លួន​ងាយរងគ្រោះ​ជាទីបំផុត នឹងយុទ្ធសាស្ត្រពង្រីកកម្លាំង នៃក្រុមប្រដាប់អាវុធជាច្រើន និងខុសៗគ្នា នៅក្នុងតំបន់៕



លំអិតបន្ថែមទៀត

ដំណឹង

រូបភាព​ចុងក្រោយ នៅ​ពេល​ខ្មាន់កាំភ្លើង​ត្រូវ​បាន​បង្ក្រាប

ការតាមប្រមាញ់ជនសង្ស័យ ដែលមានរយៈពេល២ថ្ងៃ ត្រូវបានបញ្ចប់ កាលពីយប់ថ្ងៃព្រហស្បត្តិ៍ម្សិលម៉ិញ។ ជនសង្ស័យ ជាខ្មាន់កាំភ្លើង ឈ្មោះ «Chérif Chekatt» ត្រូវបានអាជ្ញាធរបង្ក្រាប ដោយបានបាញ់សម្លាប់ នៅនឹងកន្លែង។ រដ្ឋអាជ្ញាបារាំង ...
ដំណឹង

ISIS ចេញមុខ​ទទួលស្គាល់​ភេរវកម្ម​អត្តឃាត​ផ្ទួនគ្នានៅ ទួរនេស៊ី

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខទទួលស្គាល់ ភេរវកម្មអត្តឃាតផ្ទួនគ្នា នៅប្រទេស ទួរនេស៊ី ...
ដំណឹង

មេដឹកនាំ​ដ៏សំខាន់​ម្នាក់​របស់ អាល់កៃដា ត្រូវបាន​សម្លាប់​ដោយកងទ័ព​បារាំង

មេដឹកនាំដ៏សំខាន់ម្នាក់ នៃអង្គការភេរវនិយម «AQMI» ដែលជាសាខាមួយ របស់បណ្ដាញ អាល់កៃដា (Al-Qaïda) ប្រចាំក្នុងទ្វិបអាហ្វ្រិកខាងជើង ត្រូវបានសម្លាប់ ដោយកងទ័ពបារាំង ក្នុងទឹកដីភាគខាងជើង នៃប្រទេសម៉ាលី ជាប់នឹងព្រំដែន ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...