ដំណឹងបារាំង

ជនសង្ស័យ​បង្កៃគ្រាប់បែក​បាន​«សារភាព» និង​ត្រូវបញ្ជូន​ឲ្យ​ចៅក្រម​សម្រេច

ជនសង្ស័យសំខាន់ជាងគេ នៅក្នុងហេតុការណ៍ បំផ្ទុះកញ្ចប់ផ្លុងចោល កណ្ដាលក្រុងលីយ៉ុង (ភាគខាងត្បូងបារាំង) កាលពីថ្ងៃសុក្រសប្ដាហ៍មុន បាន«សារភាព»ទង្វើរបស់ខ្លួន នៅចំពោះអ្នកស៊ើបអង្កេត។

បន្ទាប់ពីត្រូវបានអាជ្ញាធរចាប់ខ្លួន កាលពីថ្ងៃទីចន្ទ ទី២៧ ខែឧសភារួច យុវជនជាតិអាហ្សេរី ឈ្មោះ «Mohamed Hichem M.» អាយុ២៤ឆ្នាំ បានបដិសេធយ៉ាងដាច់អហង្កា នូវរាល់ការជាប់ពាក់ព័ន្ធ នៅក្នុងការបង្កៃគ្រាប់បែក ដែលបណ្ដាលឲ្យមនុស្ស ១៣នាក់រងរបួស ក្នុងមានម្នាក់ ជាកុមារីអាយុ១០ឆ្នាំ។

ទស្សនាវដ្ដីបារាំង «Le Point» បានអះអាងថា ប៉ុន្តែភស្ដុតាងជាច្រើន ដែលក្រុមអ្នកស៊ើបអង្កេត បានយកទៅបង្ហាញជនសង្ស័យ បានតម្រូវឲ្យជននេះ បង្ខំចិត្តត្រូវសារភាព ថាគ្រាប់បែកបង្កៃនោះ ពិតជាត្រូវខ្លួនផលិតឡើង នៅក្នុងផ្ទះរបស់ខ្លួន ដែលស្ថិតនៅតំបន់ជាយក្រុង ភាគខាងត្បូង​ក្រុង លីយ៉ុង។

«សារភាព»ថាបានបំផ្ទុះគ្រាប់បែក ក្នុងនាម ISIS…

ចម្លើយ«សារភាព»របស់និស្សិត ជាតិអាហ្សេរីរូបនេះ ដែលបានចូលមកសិក្សា នៅក្នុងប្រទេសបារាំង កាលពីរដូវក្ដៅឆ្នាំ២០១៧ បានធ្វើឲ្យគេគិតថា ការផលិត និងការបង្កៃគ្រាប់បែក របស់ជននេះ មានគម្រោងរៀបចំ តាំងពីច្រើនសប្ដាហ៍ហើយ។ យុវជន «Mohamed Hichem M.» បានអះអាងថា បានទិញ និងទទួលបានសម្ភារៈជាបន្តបន្ទាប់ ដើម្បីផលិតគ្រាប់បែក ពីគេហទំព័រលក់ទំនិញ នៅលើអ៊ិនធើណែត ដូចយ៉ាងគេហទំព័រ​«Amazon» ជាដើម។

នៅក្នុងការចូលទៅឆែកឆេរ នៅក្នុងគេហដ្ឋាន របស់ឪពុកម្ដាយជនសង្ស័យ (ជនសង្ស័យរស់នៅ​ ជាមួយ​ឪពុកម្ដាយខ្លួន) ភ្លាមៗក្រោយការចាប់ខ្លួននោះ អាជ្ញាធរបានរកឃើញ សម្បកកញ្ចប់ថ្មពិល ដូចគ្នានឹងថ្មពិល ដែលប្រើក្នុងគ្រាប់បែក – សារធាតុអាម៉ូញ៉ាក់ – សារធាតុអាស៊ីតក្លរីដ្រីច និងទឹកអ៊ុកស៊ីសែន ជាច្រើនដប ព្រមទាំងរកឃើញឧបករណ៍ សម្រាប់វាស់កម្លាំងអគ្គិសនី (Ampèremètre) មួយសម្រាប់ផង។

ជនសង្ស័យត្រូវបានបញ្ជូនខ្លួន ទៅឲ្យចៅក្រមបារាំងជំនាញខាងភេរវកម្ម កាលពីថ្ងៃសុក្រម្សិលម៉ិញ ដើម្បីឲ្យចៅក្រមរូបនោះ សម្រេចពីវាសនាជននេះ ក្នុងជំហានបឋម។

នៅក្នុងការសារភាពជាបន្តបន្ទាប់ ជនសង្ស័យបានអះអាងថា បានស្បថស្បែរធ្វើការឲ្យអង្គការភេរវនិយម រដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS)។ អ្នកស៊ើបអង្កេតបារាំង ក៏បានរកឃើញស្លាកស្នាមជាច្រើន នៅក្នុងកំព្យូទ័ររបស់ជននេះ ដែលជាទំនាក់ទំនង ជាមួយអង្គការភេរវនិយម ខាងលើដែរ។

យ៉ាងណា មកដល់ម៉ោងនេះ គេមិនទាន់រកឃើញថា មានក្រុមណា ឬអង្គការភេរវនិយមណាមួយ ចេញមុខមកទទួលស្គាល់ ការបំផ្ទុះគ្រាប់បែកបង្កៃ ខាងលើទេ៕



លំអិតបន្ថែមទៀត

ដំណឹង

ហ្សាក់ ឈៀរ៉ាក់ អតីតប្រធានាធិបតីបារាំងបានទទួលមរណភាព

ប្រធានាធិបតីជំនាន់ទី២២ នៃសាធារណរដ្ឋបារាំង លោក ហ្សាក់ ឈៀរ៉ាក់ (Jacques Chirac) បានទទួលមរណភាពហើយ ក្នុងជន្មាយុ៨៦ឆ្នាំ។ លោកបានលាចាកលោក ក្នុងព្រឹកថ្ងៃព្រហស្បត្តិ៍ ទី២៦ ខែកញ្ញា ...
កម្រមាន

បាតុកម្មអាវកាក់លឿង៖ បាតុករជាស្ត្រីដោះអាវបង្ហាញទ្រូង ដើម្បីតវ៉ា

រលកបាតុកម្មលើកទី៥ ក្នុងថ្ងៃសៅរ៍ទី១៥ ខែធ្នូ ឆ្នាំ២០១៨នេះ មិនមានសន្ទុះខ្លាំងក្លា ដូចសប្ដាហ៍កន្លងទៅទេ ក្នុងប្រទេសបារាំងទាំងមូល។ បាតុករចូលរួមមិនមានច្រើន ក៏ពិតមែន តែរឿងដ៏លេចធ្លោជាងមុន ក៏រហ័សឆាប់ត្រូវបាន អ្នកកាសែតមើលឃើញដែរ។ បាតុករជាស្ត្រីប្រាំរូប ...
កីឡា និងបច្ចេកវិទ្យា

Euro Cup 2020៖ ស្វីស ទម្លាក់ បារាំង ម្ចាស់ពាន​ពិភពលោក​ឆ្នាំ២០១៨

ក្រុមជម្រើសជាតិ បារាំង ម្ចាស់ពាន​ពិភពលោក​ឆ្នាំ២០១៨ បាន«ហាលអាវ»ត្រឹមវគ្គ១/៨ ក្នុងការប្រកួតទល់នឹងក្រុម ស្វីស នាយប់ថ្ងៃចន្ទ ទី២៩ ខែមិថុនា ឆ្នាំ២០២១ ដោយគ្រាប់បាល់កាត់សេចក្ដី ៤-៥ បន្ទាប់ពីទទួលលទ្ធផលស្មើ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...