ដំណឹងបារាំង

រដ្ឋាភិបាល​បារាំង​ហៅ​«កងទ័ព» ឲ្យជួប​ទប់​បាតុកម្ម​អាវកាក់​លឿង

ក្រុមដើរល្បាតនៃ«កងទ័ព»បារាំង ប្រឆាំងភេរវកម្ម នឹងត្រូវដាក់ពង្រាយ ដើម្បីជួយពង្រឹកសណ្ដាប់ធ្នាប់ នៅថ្ងៃសៅរ៍ខាងមុខ ក្នុងក្របខណ្ឌនៃបាតុកម្ម របស់បណ្ដាជនអាវកាក់លឿង ជាពិសេសដើម្បីការពារអាគារសាធារណៈ និងចំណុចសំខាន់ៗ ផ្សេងទៀត។

អ្នកនាំពាក្យរដ្ឋាភិបាលបារាំង លោក «Benjamin Griveaux» បានថ្លែងឲ្យដឹងដូច្នេះ កាលពីល្ងាចថ្ងៃពុធម្សិលម៉ិញ។ លោកថា ការសម្រេចនេះ ដែលប្រកាសឡើង ដោយលោកប្រធានាធិបតី អេម៉ានុយអែល ម៉ាក្រុង (Emmanuel Macron) នៅក្នុងអង្គប្រជុំគណៈរដ្ឋមន្ត្រីនោះ នឹងអនុញ្ញាតឲ្យកងកម្លាំងនគរបាល ផ្ចង់ប្រតិបត្តិការរបស់ខ្លួន តែជាមួយបាតុកម្មរបស់ក្រុមអាវកាក់លឿង និងការថែរក្សាសណ្ដាប់ធ្នាប់សាធារណៈ។

អ្នកនាំពាក្យបានបន្តថា៖

«យើងមាននៅក្នុងសមត្ថកិច្ចរបស់យើង នូវការដើល្បាតបែបនេះរបស់កងទ័ព ហើយដែលអាចឆ្លើយតបតាមតម្រូវការ យ៉ាងត្រឹមត្រូវ ដើម្បីរក្សាសុវត្ថិភាពទីកន្លែងទាំងឡាយ ដូចដែលប្រជាពលរដ្ឋយើង ធ្លាប់បានឃើញរួចមកហើយ។»

មិនត្រឹមតែប៉ុណ្ណឹងទេ តែដូចលោក អេឌូអារ ហ្វីលីព (Edouard Philippe) បានប្រកាសតាំងពីដើមសប្ដាហ៍នេះមក ជុំវិញវិធានការរឹតបន្តឹងជាច្រើន នឹងត្រូវសម្រេចយកមកប្រើ ដើម្បីឆ្លើយតបនឹងអំពើហិង្សា ដែលកើតមានបន្ទាប់ពីបាតុកម្ម ដូចបាតុកម្មថ្ងៃសៅរ៍ទី១៦ ខែមិនា ចុងសប្ដាហ៍កន្លងទៅ។

វិធានការទាំងនោះ មានដូចជា ការហាមឃាត់បាតុកម្ម នៅលើដងមហាវិថី «Champs Elysées» និងនៅក្នុងសង្កាត់ខ្លះនៃក្រុងធំៗ – ការផ្ទេរតំណែងរបស់ស្នងការនគរបាលរដ្ឋធានីប៉ារីស និងការពិន័យដែលកើនឡើង ធ្ងន់ធ្ងរជាងមុននោះជាដើម។

ការដើរល្បាតរបស់កងទ័ពបារាំង ត្រូវបានដាក់ឲ្យបំពេញប្រតិបត្តិការ បន្ទាប់ពីហេតុការណ៍ភេរវកម្ម នៅកណ្ដាលរដ្ឋធានីប៉ារីស ក្នុងខែមករា ឆ្នាំ២០១៥។ នៅឆ្នាំ២០១៧ កងទ័ពបានបន្ថែមកម្លាំងជាច្រើនទៀត រហូតដល់៧០០០នាក់ នៅគ្រប់ចំណុចសំខាន់ៗ នៃប្រទេសបារាំង។ ចំនួននេះ មិនធ្លាប់មានពីមុនមកទេ បើរាប់ពីសង្គ្រាមក្នុងប្រទេសអាហ្សេរីនោះមក៕



You may also like

លោក សាម៉ុយអែល ប៉ាទី (Samuel Paty) សាស្ត្រាចារ្យបារាំងដែលរងការធ្វើឃាត ដោយភេរវជន កាលពីថ្ងៃសុក្រ ទី១៧ ខែតុលា ឆ្នាំ២០២០។ (រូបថតសាលាក្រុង Conflans)
ដំណឹង

បារាំង៖ សាស្ត្រាចារ្យ​ដែលរង​ការធ្វើឃាត ទទួលបាន​មេដាយកិត្តិយសជាតិ

លោក «Samuel Paty» សាស្ត្រាចារ្យ​ភូមិសាស្ត្រ-ប្រវត្តិវិទ្យា ដែលរងការធ្វើឃាត​ដោយ​«កាត់ក» ពីសំណាងភេរវជន កាលពីថ្ងៃសុក្រសប្ដាហ៍មុន ទទួលបាន​មេដាយកិត្តិយសជាតិ ជុំវិញភាពក្លាហាន ក្នុងការបំពេញភារកិច្ច ជាគ្រូបង្រៀន​របស់លោក កាលពីពេលលោក​នៅមានជីវិត។ បើទោះជាលោក ...
ដំណឹង

ប្រទេស​បារាំង​ត្រៀម​ទទួល​រលក​បាតុកម្ម​អាវ​កាក់​លឿង ជា​លើក​ទី៥

ក្នុងថ្ងៃសៅរ៍ ទី១៥ ខែធ្នូ ឆ្នាំ២០១៨នេះ ក្រុមបាតុករអាវកាក់លឿង បានគ្រោងធ្វើបាតុករ នៅសឹងតែគ្រប់តំបន់ទាំងអស់ នៃប្រទេសបារាំង។ វារលកបាតុកម្មលើកទី៥ សម្រាប់៥សប្ដាហ៍ជាប់ៗគ្នា។ ខាងអាជ្ញាធរវិញ បានត្រៀមវិធានការ ដើម្បីទប់ទល់ ...
ដំណឹង

ប៉េកាំង ឆ្លើយតប ម៉ាក្រុង ជុំវិញ​«ជំនួញការទូតចិន តាមរយៈ​ថ្នាំវ៉ាក់សាំង»

ថ្នាំវ៉ាក់សាំងរបស់ចិន ពិតជាមាន«ប្រសិទ្ធិភាព និងសុវត្ថិភាព»។ នេះ ជាប្រតិកម្ម​របស់រដ្ឋាភិបាលក្រុង ប៉េកាំង ដើម្បីឆ្លើយតប​ទៅនឹង​ការរិះគន់ របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...