ជួប​ជាមួយប្រធានាធិបតី​អាមេរិក តាមរយៈទូរស័ព្ទ លោក ស៊ី ជិនពីង (Xi Jinping) ប្រធានាធិបតីចិន បានអះអាងថា ប្រទេសរបស់លោក «មិនចង់ឃើញសង្គ្រាម» នៅក្នុងប្រទេសអ៊ុយក្រែនទេ ដោយគូសបញ្ជាក់ថា ជម្លោះតាមផ្លូវយោធា «មិនបានផ្ដល់ផលប្រយោជន៍» ដល់នរណាទាំងអស់។

ដកស្រង់ការឆ្លើយឆ្លង កាលពីថ្ងៃទី១៨ ខែមីនា ដែលមានរយៈពេលសរុប​ ដល់ទៅ២ម៉ោង ដោយទូរទស្សន៍រដ្ឋចិន «CCTV» លោក ស៊ី ជិនពីង បានថ្លែងឡើងថា៖

«វិបត្តិក្នុងប្រទេសអ៊ុយក្រែន មិនមែនជាអ្វីមួយ ដែលយើងចង់ឃើញ​នោះឡើយ។»

«ក្នុងនាមជាសមាជិកអចិន្ត្រៃយ៍ នៃក្រុមប្រឹក្សាសន្តិសុខអង្គការសហប្រជាជាតិ និងក្នុងនាមជាមហាអំណាចសេដ្ឋកិច្ចទី២ របស់ពិភពលោក ​តួនាទី​របស់​យើង ​មិនមាន​ត្រឹម​តែធ្វើឲ្យ​ទំនាក់ទំនង ​ចិន​-​អាមេរិក​ ​ដើរ​លើ​ផ្លូវ​ត្រូវ​ប៉ុណ្ណោះ​ទេ ប៉ុន្តែ​យើងត្រូវមានបន្ទុកបន្ថែម នៃ​ទំនួល​ខុសត្រូវ​អន្តរជាតិ នៅក្នុង​ការងារ​ដើម្បី​សន្តិភាព និង​ភាពស្ងប់ស្ងាត់ ​ក្នុង​ពិភពលោក​។»

លោកប្រធានាធិបតីចិន បានអះអាងទៀតថា៖

«ទំនាក់ទំនងរវាងរដ្ឋនិងរដ្ឋ មិនអាចឈានទៅដល់​ការប្រឈមមុខគ្នា តាមផ្លូវអាវុធនោះឡើយ។»

រដ្ឋបាលអាមេរិក បានអះអាងថា លោក ចូ បៃដិន (Joe Biden) ប្រធានាធិបតីអាមេរិក បានទាក់ទងទូរស័ព្ទ ទៅកាន់ប្រមុខរដ្ឋចិន ដោយធ្វើចេញ​ពីបន្ទប់ស្ថានភាព «Situation Room» នៃសេតវិមាន ដែលជាបន្ទប់ដ៏មានសុវត្ថិភាព និងសម្ងាត់បំផុត។ បន្ទប់សុវត្ថិភាព តែងត្រូវបានប្រធានាធិបតីអាមេរិក យកមកប្រើប្រាស់ ដើម្បីធ្វើការជួបប្រជុំជាមួយមន្ត្រីជាន់ខ្ពស់ និងសំខាន់ៗ ដើម្បីដោះស្រាយប្រតិបត្តិការ ឬការចរចាណា ដែលមានហានិភ័យខ្ពស់បំផុត។

គោលដៅសំខាន់ នៃការជួបជជែកគ្នានោះ ត្រូវបានអ្នកស្រី «Wendy Sherman»​ អនុរដ្ឋមន្ត្រី​ក្រសួង​ការបរទេស​សហរដ្ឋ​អាមេរិក ពន្យល់តាមប្រព័ន្ធទូរទស្សន៍ «CNN» ឲ្យដឹងថា៖

«យើងចង់ឱ្យគណបក្សកុម្មុយនិស្តចិន ដែលជាមហាអំណាចដ៏សំខាន់មួយ នៅលើឆាកអន្តរជាតិ យល់ថា អនាគតរបស់ខ្លួន គឺនៅជាមួយសហរដ្ឋអាមេរិក ជាមួយអឺរ៉ុប ជាមួយប្រទេសអភិវឌ្ឍន៍ និងជាមួយ​ប្រទេសកំពុងអភិវឌ្ឍន៍​ផ្សេងទៀត។ អនាគត​របស់​ពួកគេ​ទាំងអស់គ្នានេះ គឺ​មិន​គាំទ្រ​លោក វ្លាឌីមៀរ ពូទីណ (Vladimir Poutine) ឡើយ។»

នៅមុនការជួបគ្នា​តាមទូរស័ព្ទ រវាងប្រមុខរដ្ឋ​នៃមហាអំណាចទាំងពីរ លោក«Antony Blinken» រដ្ឋមន្ត្រីការបរទេសអាមេរិក បានតម្លើងសម្លេងធ្ងន់ៗ ព្រមានក្រុងប៉េកាំង នៅចំពោះព័ត៌មានដែលថា ប្រទេសចិននឹងជួយជាសព្វាវុធ ទៅដល់កងទ័ពរ៉ុស្ស៊ី ដែលកំពុងព្យាយាមវាយលុក ទៅលើក្រុងសំខាន់ៗ របស់ប្រទេសអ៊ុយក្រែន តែមានភាពមិនចាញ់មិនឈ្នះ។

ប្រមុខការទូតអាមេរិក បានថ្លែងក្នុងសន្និសីទសារព័ត៌មានកាលពីព្រហស្បត្តិ៍ (មួយថ្ងៃមុនជំនួបតាមទូរស័ព្ទ) ថា៖

«យើងមានការព្រួយបារម្ភថា ប្រទេសចិនមានគម្រោងជួយរុស្ស៊ីដោយផ្ទាល់ នូវសព្វាវុធ ដែលនឹងត្រូវយកទៅប្រើប្រាស់ ក្នុងប្រទេសអ៊ុយក្រែន។ លោក​ប្រធានាធិបតី បៃដិន នឹងនិយាយទៅកាន់លោក​ប្រធានាធិបតី ស៊ី នៅថ្ងៃស្អែក ហើយបញ្ជាក់ឱ្យច្បាស់​ទៅលោកថា ប្រទេសចិននឹងទទួលខុសត្រូវ ចំពោះទង្វើណាមួយ ដែលមានបំណងគាំទ្រការឈ្លានពានរបស់រុស្ស៊ី ហើយថាយើងនឹងមិនស្ទាក់ស្ទើរ ក្នុងការអនុវត្តនោះទេ ទោះក្នុងតម្លៃណាក៏ដោយ៕»



លំអិតបន្ថែមទៀត

ដំណឹង

វីដេអូដ៏តក់ស្លុត នៃការទន្ទ្រានវិមានសភាអាមេរិក បញ្ចាំងក្នុងសវនាការ ត្រាំ

វីដេអូដ៏តក់ស្លុត នៃការទន្ទ្រានវិមានកាពីតូល ដែលមានរយៈពេលច្រើនជាង១៣នាទី ត្រូវបានក្រុមរដ្ឋអាជ្ញា មកពីគណបក្ស​ប្រជាធិបតេយ្យ ចាក់បញ្ចាំងក្នុងសវនាការថ្ងៃដំបូង ដើម្បីឈានទៅ​បណ្ដេញលោក ដូណាល់ ត្រាំ (Donald Trump) ចេញពី​អំណាច ដែលប្រព្រឹត្តិទៅ​ក្នុងព្រឹទ្ធសភាអាមេរិក ...
ដំណឹង

ចិន​ទាមទារ​ឲ្យ​កាណាដា​ដោះលែង​នាយិកា​ហិរញ្ញវត្ថុ ក្រុមហ៊ុន​«Huawei»

ក្រសួងការបរទេសចិន បានទាមទារកាលពីម្សិលម៉ិញ ឲ្យមានការដោះលែងជាបន្ទាន់ អ្នកស្រី «Meng Wanzhou» នាយិកា​ទទួលបន្ទុក​ហិរញ្ញវត្ថុ របស់ក្រុមហ៊ុនទូរស័ព្ទចិន យីហោ «Huawei» និងជាកូនស្រី របស់ស្ថាបនិកក្រុមហ៊ុនយក្សមួយនេះ។ អ្នកស្រីនាយិការូបនេះ ...
កម្ពុជា

ស្ថានទូត​ចិន​តប​ទៅ​ស្ថានទូត​អាមេរិក ពី«ពាណិជ្ជកម្ម​កម្ពុជា-ចិន»

ស្ថានទូតនៃសាធារណរដ្ឋប្រជាមានិតចិន ប្រចាំនៅកម្ពុជា បានប្រតិកម្មនៅមុននេះ តបទៅការបង្ហោះមួយ កាលពីម្សិលម៉ិញ នៅលើទំព័រហ្វេសប៊ុក របស់ស្ថានទូតសហរដ្ឋ​អាមេរិក ដែលអះអាងថា ទំនាក់ទំនង«ពាណិជ្ជកម្ម​កម្ពុជា-ចិន» ផ្ដល់ប្រយោជនដ៏ច្រើន សម្រាប់ប្រទេសចិន ជាងសម្រាប់ប្រទេស​កម្ពុជា​ខ្លួនឯង។ ស្ថានទូតចិនបានប្រើប្រាស់ទំព័រហ្វេសប៊ុករបស់ខ្លួន ...

Comments are closed.

យល់ស៊ីជម្រៅផ្នែក ដំណឹង

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...
ដំណឹង

ហ្វាំងឡង់ ប្រកាសចូលអង្គការ«NATO»​ដោយ​«មិនបង្អង់ពេល»

នេះ ជាផលវិបាកមួយទៀត ដែលទំនងជារដ្ឋាភិបាលរ៉ុស្ស៊ី របស់លោក វ្លាឌីមៀរ ពូទីន (Vladimir Poutine) មិនបានគិតដល់ នៅមុនសម្រេចលើកទ័ព វាយឈ្លានពានចូលក្នុងប្រទេសអ៊ុយក្រែន កាលពីថ្ងៃទី២៤ ខែកុម្ភៈ។ ...