ដំណឹងអាស៊ី-ប៉ាស៊ីភិក

តារាចម្រៀង​ថៃម្នាក់​ឡើង​សំដែង​​ពាក់អាវ​សញ្ញា​«ហ៊ីត្លែ»​ ​ផ្ទុះរឿង​អាស្រូវ

រឿងអាស្រូវ​បានផ្ទុះឡើង បន្ទាប់ពីស្ថានទូតអ៊ីស្ត្រាអែល ប្រចាំក្នុងប្រទេសថៃ កាលពីថ្ងៃសៅរ៍ បានសម្ដែង«ភាពតក់ស្លុត» និង«ការខ្វល់ខ្វាយ»របស់ខ្លួន នៅពេលបានឃើញតារាចម្រៀងម្នាក់ ដ៏មានប្រជាប្រិយ​របស់ប្រទេសថៃ បានឡើងហាត់សម​នៅលើឆាក ដោយពាក់អាវយឺតមួយ ដែលមានសញ្ញាទង់ជាតិ របស់ក្រុមណាស៊ី«ហ៊ីត្លែ»។

អ្នកចម្រៀង «Pichayapa Namsai Natha» អាយុ១៩ឆ្នាំ ដែលជាសមាជិកមួយរូប នៃក្រុម «girls band – BNK48» បានពាក់អាវយឺតនេះ ឡើងសមនៅលើឆាក កាលពីថ្ងៃសុក្រ។ បញ្ហានៅត្រង់ថា រូបភាពនៃការសមសំដែងនេះ ត្រូវបានផ្តិតជារូបភាព ហើយផ្សាយតាមកញ្ចក់ទូរទស្សន៍។

ភារធារីអមស្ថានទូតអ៊ីស្ត្រាអែល អ្នកស្រី «Smadar Shapira» បានសរសេរនៅលើបណ្ដាញសង្គមទ្វីសធើរ កាលពីថ្ងៃសៅរ៍ សំដែងភាពតក់ស្លុត និងកាខ្វល់ខ្វាយ ដោយរំឭកជាពិសេសថា នៅថ្ងៃអាទិត្យនេះ គឺជាថ្ងៃរំលឹកវិញ្ញាណក្ខន្ធ ទៅដល់ជនរងគ្រោះជីហ្វ ដែលត្រូវបានទាហានណាស៊ីហ៊ីត្លែ (អាល្លឺម៉ង់) យកទៅកម្ទេច ក្នុងសង្គ្រាមលោក។

អ្នកស្រីបានសរសេរថា៖

«ការណ៍ដែលអ្នកចម្រៀងស្លៀកពាក់ ដែលមានសញ្ញារបស់ ណាស៊ី បានបង្កការភ្ញាក់ផ្អើលខ្លាំង​ណាស់ ទៅដល់បណ្ដាជន​រាប់លាននាក់ ក្នុងពិភពលោក។»

ក្រោយប្រតិកម្មនោះ កញ្ញា «Pichayapa Namsai Natha» បានចេញមុខមកសុំទោស ក្នុងយប់ថ្ងៃសៅរ៍ និងអះអាងទទួលខុសត្រូវទាំងស្រុង ចំពោះទង្វើខុសឆ្គងរបស់នាង។ នៅទំព័រហ្វេសប៊ុករបស់នាង តារាចម្រៀងបានសរសេរដែរថា៖

«ខ្ញុំមិនអាចជុសជុល កំហុសឆ្គងរបស់ខ្ញុំបានទេ តែខ្ញុំសន្យាថា កំហុសនេះនឹងមិនកើតឡើងជាថ្មី ក្នុងពេលក្រោយៗឡើយ។»

នៅថ្ងៃអាទិត្យ តារាចម្រៀងក៏បានជួបជាមួយឯកអគ្គរដ្ឋទូតអ៊ីស្ត្រាអែល ដើម្បីសុំការអភ័យទោសដោយផ្ទាល់ផង និងសំដែងការគោរព ដល់វិញ្ញាណក្ខន្ធ នៃជនរងគ្រោះជីហ្វរាប់លាននាក់នោះផង។

សម្លៀកបំពាក់ដែលមានរូប របស់ជនផ្ដាច់ការ អាដុហ្វ ហ៊ីត្លែ (Adolf Hitler) និងសញ្ញាទង់ជាតិ ណាស៊ី របស់ ហ៊ីត្លែ តែងត្រូវបានយកពាក់ជារឿយៗ។ តែការនិយមពាក់​ខោអាវរបៀបនេះ មិនមែនដោយសារបណ្ដាជនថៃ មានសមានចិត្តជាមួយលទ្ធិណាស៊ីទេ តែបណ្ដាលមកពីកង្វះចំណេះដឹង ផ្នែកប្រវត្តិសាស្ត្រពិភពលោក នៅក្នុងប្រទេសនេះ៕



លំអិតបន្ថែមទៀត

ដំណឹង

រដ្ឋាភិបាលហុងគ្រីថា ​ប្រមុខការទូត​ខ្លួន​«អវិជ្ជមានកូវីដ»​មុនមកដល់​កម្ពុជា

រដ្ឋាភិបាលហុងគ្រី បានអះអាងថា លោក ភីតធ័រ ស្ស៊ីយ៉ាតូ (Peter Szijjarto) ​​រដ្ឋមន្ត្រី​ការបរទេស និង​ពាណិជ្ជកម្ម​ របស់ខ្លួន មានលទ្ធផលតេស្ដិ៍​«អវិជ្ជមានកូវីដ» នៅមុនលោក​ធ្វើដំណើរ មកបំពេញទស្សនកិច្ចផ្លូវរដ្ឋ ...
កម្ពុជា

សម រង្ស៊ី៖ កម្ពុជាខុសពីថៃ គឺព្រះមហាក្សត្រខ្មែរ ជា«អាយ៉ងសុទ្ធសាធ»

សម្រាប់លោក សម រង្ស៊ី បានលើកឡើងថា ចំណុចខុសគ្នា​រវាងរបបដឹកនាំ នៅថៃនិង​កម្ពុជា គឺព្រះមហាក្សត្រខ្មែរសព្វថ្ងៃ ជា«អាយ៉ងសុទ្ធសាធ» ខណៈព្រះមហាក្សត្រថៃ មាន​អំណាចខ្លាំងក្លា តែអ្វីដែលប្រទេសថៃ មានរបបដឹកនាំ​ដូចនៅកម្ពុជា គឺ«របបផ្ដាច់ការ​ ...
កម្ពុជា

ហ៊ុន សែន បង្ហើបរឿង​«សម្ងាត់»​ថា ធ្លាប់ចរចា​ឲ្យថៃ​ប្រកាន់​ជំហរ​អព្យាក្រឹត្យ

នាយករដ្ឋមន្ត្រីដ៏ចាស់វស្សា​នៅកម្ពុជា លោក ហ៊ុន សែន បានអះអាងនៅថ្ងៃអង្គារទី២១ ខែឧសភានេះថា រូបលោក និងមន្ត្រីជំនិតរបស់លោក ធ្លាប់ចេញទៅប្រទេសថៃ តាមច្រកប៉ោយប៉ែតយ៉ាង«សម្ងាត់» ក្នុងខែកញ្ញា ឆ្នាំ១៩៨៩ ដើម្បីទៅជួបចរចាជាមួយមេទ័ពថៃ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...