បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។

ហេតុការណ៍កើតឡើង ក្នុងក្រុង«Mianwali» ដែលជាក្រុងតូចមួយ នៃខេត្ត«Pendjab» ស្ថិតនៅភាគកណ្ដាលនៃប្រទសេប៉ាគីស្ដង់។ សារព័ត៌មានក្នុងស្រុក ឈ្មោះ«Dawn» បានរាយការណ៍ថា បុរស«Shahzaib Khan» ដែលជាឪពុកវ័យក្មេង បានរងការសង្ស័យ ថាបានសម្លាប់នាងតូច «Jannat» ដែលមានអាយុទើបតែ១សប្ដាហ៍ កាលពីថ្ងៃអាទិត្យ (ទី៦ ខែមីនា ឆ្នាំ២០២២) កន្លងមក ភ្លាមៗក្រោយជននេះ បានវិលត្រឡប់​មកដល់ផ្ទះវិញ។

សារព័ត៌មានបន្តថា នៅមុនពេលកើតហេតុ «Shahzaib Khan» បានកំហិតឲ្យភរិយា ប្រគល់កូនស្រីមកឲ្យខ្លួន។ ញាតិមិត្តដែលនៅក្នុងហេតុការណ៍ បានព្យាយាមរារាំងដែរ ដោយហេតុ​ឃើញ «Shahzaib Khan» មានកាំភ្លើង​នៅក្នុងដៃរ តែឪពុកវ័យក្មេង​រូបនេះ បានគម្រាមសម្លាប់ពួកគេ ប្រសិនជាពួកគេហ៊ានធ្វើការរារាំង។

លោក «Hidayatullah Khan» ដែលជាឪពុកមាររបស់ទារិកា (ខាងម្ដាយ) បានឲ្យដឹងថា៖

«វាបានបីកូន នៅក្នុងដៃ រួចបានសម្លាប់នាង ដោយគ្រាប់កាំភ្លើង ៥គ្រាប់ ។»

លោកឪពុកមារ​បានបញ្ជាក់ថា បុរស«Shahzaib Khan» បានសម្ដែងការក្រេវក្រោធយ៉ាងខ្លាំង ព្រោះភរិយាខ្លួនបានផ្ដល់កំណើត នូវទារិកាមួយរូប។ ចាប់ពីពេលប្រសូតមក ឪពុកវ័យក្មេងមិនបានវិលត្រឡប់មកផ្ទះទេ និងបានបដិសេធការទទួលស្គាល់កូនរបស់ខ្លួន ដែលទើបនឹងឃើញពន្លឺថ្ងៃ។

អ្នកនាំពាក្យនគរបាល បានឲ្យដឹងដែរថា ជនសង្ស័យ«Shahzaib Khan» មានបំណងចង់បានកូនដំបូង ជាកូនប្រុស។ ហើយបន្ទាប់ពីបានធ្វើសកម្មភាពរួច ជនសង្ស័យបានគេចខ្លួន ប៉ុន្តែត្រូវបានអាជ្ញាធរស្រាវជ្រាវ និងចាប់ខ្លួនបានវិញ នៅថ្ងៃព្រហស្បត្តិ៍ទី១០ ខែមីនា ឆ្នាំ២០២២។

ហេតុការណ៍ជុំវិញ​ការផ្ដល់ឥទ្ធិពល ទៅលើកូនប្រុសច្រើនជាងកូនស្រី បានកើតឡើងជារឿយៗ នៅក្នុងប្រទេសប៉ាគីស្ដង់។ កាលពីខែមុន ក្រុមគ្រូពេទ្យ នៅក្នុងមន្ទីរពេទ្យមួយ បានសង្គ្រោះ​ស្ត្រីមានផ្ទៃពោះមួយរូប បន្ទាប់ពីបានរកឃើញ ដែកគោលមួយត្រូវបានបោះ​ចូលក្នុងក្បាលនាង ដោយគ្រូធ្មប់ម្នាក់ ដើម្បីអ្វីមួយ ដែលគ្រូធ្មប់រូបនោះ អះអាងថា ជាការធានាឲ្យស្ត្រីមានផ្ទៃពោះ នឹងប្រសូតចេញបានកូនប្រុស៕



លំអិតបន្ថែមទៀត

ដំណឹង

អ្នកជំនាញ​ស្នើ អ.ស.ប ឲ្យស៊ើប​ពីឃាតកម្ម​លើអ្នកកាសែត Khashoggi

តើឃាតករសម្លាប់លោក «Jamal Khashoggi» ដែលជាអ្នកសារព័ត៌មានដ៏ល្បី របស់ប្រទេសអារ៉ាប៊ីសាអ៊ូឌីត នឹងត្រូវផ្ដន្ទាទោស នៅថ្ងៃណាមួយក្នុងពេលខាងមុខឬទេ? បើតាមអ្នកជំនាញអង្គការសហប្រជាជាតិ (អ.ស.ប) ជំនាញខាងសិទ្ធិមនុស្ស បានអះអាងថា មានភស្ដុតាងគ្រប់គ្រាន់ ដើម្បីអនុញ្ញាតឲ្យស្ថាប័នពិភពលោកមួយនេះ ...
កម្រមាន

រំលោភបូកនៅហ្វីលីពីន៖ អាជ្ញាធរ​បាន​ឃាត់ខ្លួន មនុស្ស១១នាក់

អាជ្ញាធរហ្វីលីពីន​បានឃាត់ខ្លួន មនុស្ស១១នាក់ ក្នុងសំណុំរឿងសង្ស័យរំលោភបូក ទៅលើស្ត្រីបម្រើការលើយន្ដហោះមួយរូប ដែល ត្រូវបានរកឃើញ​ស្លាប់ នៅក្នុងចានងូតទឹក ក្នុងយប់ថ្ងៃឆ្លងឆ្នាំ (៣១ធ្នូ ឆ្នាំ២០២០ ចូលមកព្រឹកថ្ងៃ១មករា ឆ្នាំ២០២១) ក្នុងសណ្ឋាគារ​មួយ ...
កម្រមាន

ចាប់ខ្លួន​គិលានុបដ្ឋាក​ម្នាក់ ព្រោះ​ទារករបស់អ្នកជំងឺ​មាន «DNA ដូច»

ក្នុងរដ្ឋអារីហ្សូណា (Arizona) ភាគខាងលិចសហរដ្ឋអាមេរិក គិលានុបដ្ឋាកមួយរូប ត្រូវបានអាជ្ញាធរចាប់ខ្លួន បន្ទាប់ពីបានសង្ស័យ​បុរសថែទាំអ្នកជំងឺរូបនេះ ថាបានចាប់រំលោភស្ត្រីអ្នកជំងឺម្នាក់ ដែលសន្លប់ស្ដូកស្ដឹងមិនដឹងស្មារតី តាំងពីច្រើនជាង១០ឆ្នាំមកហើយ ខណៈទារកដែលកើតមក ត្រូវបានរកឃើញថាមាន «DNA ដូច»ជនសង្ស័យ។ ...

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...
កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...

Comments are closed.