ដំណឹងអាស៊ី-ប៉ាស៊ីភិក

Covid-19៖ ចិនបិទក្រុងមួយ បន្ទាប់ពី​រកឃើញ​ករណីឆ្លង ៣៤នាក់

ក្នុងក្រុង «Shulan» អាជ្ញាធរសុខាភិបាល បានរកឃើញករណីឆ្លងជំងឺ «Covid-19» មានចំនួន ៣៤នាក់ កាលពីសប្ដាហ៍កន្លងមក។ ចំនួននេះ ទោះបីជានៅតិចក៏ដោយ តែអាជ្ញាធរចិន បានប្រកាស បិទក្រុងមួយនេះទាំងមូល ដើម្បីធ្វើការលាងសម្អាត។

ដូចទស្សនាវដ្ដីមនោរម្យ.អាំងហ្វូ បានជូនដំណឹង កាលពីប៉ុន្មានថ្ងៃមុនហើយ ថាប្រទេស​ចិន​ទាំងមូល បាន​រកឃើញ​ករណីឆ្លង ជាច្រើននាក់ឡើងវិញ រាប់ទាំងក្នុងក្រុង វូហាន (Wuhan) ដែលជាបេះដូងដំបូង នៃការរាតត្បាតនោះផង។

សម្រាប់ប្រទេសចិន ការរកឃើញជាថ្មីនេះ បង្កក្ដីកង្វល់ អំពីការរាតត្បាត ជាលើកទីពីរ​ទៀត។ ដោយហេតុនេះ ទើបការរកឃើញ ករណីឆ្លងថ្មីចំនួន ៣៤នាក់ នៅក្នុងក្រុង «Shulan» នៃខេត្ត «Jilin» ដែលស្ថិតនៅភាគខាងជើង នៃប្រទេស បានតម្រូវឲ្យអាជ្ញាធរ ចាត់វិធានការ​ បិទក្រុងមួយនេះទាំងស្រុង ជាថ្មីឡើងវិញ។

គេបានដឹងទៀតថា ការឆ្លងរាតត្បាតជាថ្មីនេះ ទំនងជាមានប្រភព ចេញពី​បុគ្គលិកម្នាក់ នៃហាង​​បោកគក់មួយ នៅកណ្ដាលក្រុង «Shulan» ដែលមានប្រជាជនរស់នៅ ប្រមាណ​ជា ៦៧០ ០០០នាក់។

សាលារៀនទាំងអស់ បានបិទទ្វា – រថយន្ដក្រុង និងរថភ្លើង បានផ្អាកដំណើរការ ហើយ​សមាជិក​ម្នាក់ ក្នុងមួយគ្រួសារ ត្រូវបានអនុញ្ញាត និងមានសិទ្ធិ អាចចេញ​ទៅទិញទំនិញ ឬម្ហូបចំណី នៅជារៀងរាល់ ​ពីរថ្ងៃម្ដង។

ករណីឆ្លងសរុប នៅក្នុងខេត្ត «Jilin»ទាំងមូល មានចំនួនត្រឹមតែ ១២៧នាក់ប៉ុណ្ណោះ រាប់តាំង​ពីការរាតត្បាត ដំបូងមក។

ក្រុងធំមួយ នៅក្បែរនោះ គឺក្រុង ​«Shenyang» បានដាក់កំហិត ឲ្យបណ្ដាជនណាក៏ដោយ ដែលធ្វើដំណើរ មកពីខេត្ត «Jilin» ត្រូវនៅដាច់​ដោយឡែក ពីគេឯង ចំនួន២១ថ្ងៃសិន ពោលគឺ៣សប្ដាហ៍ បើធៀបនឹងរយៈពេលទូទៅ ដែលមានត្រឹម​តែ១៤ថ្ងៃ៕



លំអិតបន្ថែមទៀត

កម្រមាន

Covid-19៖ តម្រូវ​ឲ្យ​សំងំ​ក្នុង​ផ្ទះ និស្សិត​ស្រី​អ៊ីតាលី​ម្នាក់​ត្រូវ​សង្សា​ខ្លួន​សម្លាប់

និស្សិតស្រីមួយរូប ត្រូវបានសង្សារបស់នាង ច្របាច់កសម្លាប់ កាលពីថ្ងៃអង្គារ នៅលើកោះ «Sicile» ភាគខាងត្បូងនៃប្រទេសអ៊ីតាលី ខណៈពលរដ្ឋទូទាំងប្រទេស ជាប់បម្រាមរបស់រដ្ឋាភិបាល ដែល តម្រូវ​ឲ្យ​សំងំ​ក្នុង​ផ្ទះ ដើម្បីទប់ទល់​នឹងការរាលដាល នៃជំង«Covid-19»។ ...
ដំណឹង

យន្ដហោះ​យោធាចិន​«២១គ្រឿង»​ហោះចូលលំហការពារអាកាសតៃវ៉ាន់

ដំណើរទស្សនកិច្ចរបស់ប្រធានសភាអាមេរិក អ្នកស្រី ណេនស៊ី ផេឡូស៊ី (Nancy Pelosi) នៅលើកោះតៃវ៉ាន់ បង្កឲ្យមានប្រតិកម្មពីក្រុង ប៉េកាំង ដោយបានតំឡើងសាច់ដុំយោធា តាមរយៈការហោះរំលោភចូល ក្នុងលំហការពារដែនអាកាស របស់កោះមួយនេះ ...
ដំណឹង

ហ្វីលីពីន បញ្ជូនវ៉ាក់សាំង «Sinopharm» ទៅឲ្យ​ប្រទេសចិ​នវិញ

កោះហ្វីលីពីន បានបញ្ជូនវ៉ាក់សាំងចិន បង្ការជំងឺកូវីដ-១៩ (Covid-19) ទៅឲ្យ​ប្រទេសចិ​នវិញ បើទោះជាប្រធានាធិបតី លោក រ៉ូឌ្រីចូ ឌូតែតេ (Rodrigo Duterte) បានចាក់វ៉ាក់សាំងនេះ ដើម្បីបង្ហាញពីភាពជឿជាក់របស់លោក ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.