ស្ត្រីជាគ្រូពេទ្យបារាំងមួយរូប បានបង្ហោះរូបភាព នៃអ្នកជំងឺម្នាក់ ដែលកំពុងស្ថិតក្នុងសភាពស្ដូកស្ដឹង ដើម្បីពន្យល់​ប្រាប់អ្នកផង អំពី​គ្រោះ​«Covid-19» ថាគេមិនត្រូវមើលស្រាល ចំពោះមេរោគ​មួយនេះឡើយ។

បង្ហោះនៅលើបណ្ដាញសង្គម ស្ត្រីគិលានុបដ្ឋាកបានថ្លែងឡើង ជាបឋមថា៖

«វីដេអូដ៏ខ្លីមួយនេះ សម្រាប់ជូនដល់បណ្ដាជនទាំងឡាយ ដែលខ្ញុំស្គាល់ និងដែលរអ៊ូរទាំ ពីការដាក់បង្ខាំងខ្លួន ឲ្យនៅក្នុង​ផ្ទះពួកគេ។ ខ្ញុំសូមបង្ហាញអំពីអ្វី ដែលអ្នករាល់គ្នា មិនដែលជួប។»

បន្ទាប់មក អ្នកគ្រូពេទ្យបានបង្វិលទូរស័ព្ទរបស់គាត់ ថតឆ្ពោះទៅកាន់អ្នកជំងឺ «Covid-19» មួយរូប នៅក្បែរនោះ ដែលគេងផ្កាប់មុខ និងហាក់បាត់ស្មារតីទៅហើយ។ អ្នកជំងឺដែលមាននៅលើខ្លួន នូវបំពង់ដកដង្ហើម និងខ្សែចរន្ត​ឲ្យសញ្ញា​បេះដូង យ៉ាងស្អេកស្កះ។

ប្រទេសជាច្រើន នៅអ៊ឺរ៉ុបខាងលិច រួមនឹងប្រទេសបារាំងផង បានប្រកាសបម្រាម ដាក់ពលរដ្ឋទូទាំងប្រទេស ឲ្យ​បង្ខាំងខ្លួននៅក្នុងផ្ទះ និងកំហិតរាល់ការធ្វើដំណើរ ដែលមិនចាំបាច់ ដើម្បីកាត់ផ្ដាច់ រាល់ការទាក់ទងដោយផ្ទាល់។ ការទាក់ទងដោយផ្ទាល់ រវាងបណ្ដាជន ដែលអនុញ្ញាតឲ្យមេរោគ«កូរូណា» ឬ«Covid-19» អាចចម្លង និងរាតត្បាត​បាន។

ក្រោយការដាក់បម្រាមនោះ មានបណ្ដាជន​ជាច្រើន បានសំដែងការរអ៊ូរទាំ និងការត្អូញត្អែរ អំពីអ្វី​ដែលពួកគេយល់ថា សិទ្ធិសេរីភាពរបស់ពួកគេ ត្រូវបានរឹតត្បិត។ ខ្លះទៀត ថែមទាំងឆ្លៀតឱកាស នៃការបង្ខាំងខ្លួននេះ ដើម្បីធ្វើដំណើរ​កំសាន្ដ ឬធ្វើវិសមកាលចុងសប្ដាហ៍ យ៉ាងរំភើយនោះទៀត។

ជាមួយនឹងវីដេអូរបស់ខ្លួន គិលានុបដ្ឋាកកំពុងអះអាង អំពីសភាពដ៏តក់ស្លុត ដែលកំពុងកើតឡើង សម្រាប់អ្នកជំងឺ​ទាំងឡាយ ដែលបានឆ្លងរោគ«កូរូណា»ដ៏ចង្រៃ។ អ្នកគ្រូពេទ្យបានថ្លែងបន្តថា៖

«នេះ ជាការពិត នៃមេរោគកូរូណា។ ហើយដើម្បីអនុញ្ញាតឲ្យអ្នកឯង (អ្នកដែលឈឺ) អាចដកដង្ហើមបាន វាលែង​ជាសួត របស់អ្នកទៀតហើយ តែគឺម៉ាស៊ីននៅខាងឆ្វេងដៃនេះ។ ហើយអ្នកជំងឺ ដែលនៅខាងក្រោយខ្ញុំនេះ យើង​មិនដឹងថា តើយើងអាចសង្គ្រោះគាត់បាន ឬយ៉ាងណាទេ តែគាត់នឹងស្ថិត​ក្នុងសភាព​បែបនេះ សម្រាប់ច្រើនសប្ដាហ៍​ទៅមុខទៀត។»

ស្ត្រីគិលានុបដ្ឋាក បានបញ្ចប់វីដេអូ ជាមួយនឹងឃ្លាចុងក្រោយ ដូច្នេះ៖

«បើអញ្ចឹង សូមថែរក្សាខ្លួន នៅក្នុងផ្ទះ !»



លំអិតបន្ថែមទៀត

កម្ពុជា

កម្ពុជាធ្វើតេស្ដិ៍មនុស្ស ៩៤៤នាក់ ដែលអាចប៉ះពាល់​ប្រមុខការទូត​ហុងគ្រី

រហូតមកដល់ថ្ងៃនេះ មន្ត្រីរដ្ឋាភិបាលកម្ពុជា មន្ត្រីរាជការ និងក្រុមគ្រួសាររបស់ពួកគេ ចំនួនសរុប ៩៤៤នាក់ ត្រូវបានធ្វើតេស្ដិ៍ ដើម្បីស្វែងរកមេរោគ «Covid-19» បន្ទាប់ពី​ពួកគេ រងការសង្ស័យ ពីការជាប់ប៉ះពាល់ ដោយផ្ទាល់​និងមិនផ្ទាល់ ...
កម្ពុជា

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» ...
ដំណឹង

កូរ៉េខាងជើងសាទរខ្លួនឯង អំពី​«ជ័យ​ជម្នះ​ដ៏អស្ចារ្យ»​លើ​«Covid-19»

មេដឹកនាំកូរ៉េខាងជើង លោក គីម ជុង-អ៊ុន (Kim Jong Un) បានធ្វើការ​កោតសរសើរ​ខ្លួនឯង ដោយអះអាងថា ជា«ជ័យ​ជម្នះ​ដ៏អស្ចារ្យ» ចំពោះការទប់ស្កាត់ និងប្រយុទ្ធទល់​នឹងរោគរាតត្បាត «Covid-19»។ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.