វីដេអូមួយ ដែលត្រូវបានសមាគមការពារសត្វ «RSPCA» ក្នុងប្រទេសអង់គ្លេស ផ្សាយក្នុងដើមសប្ដាហ៍នេះ បានធ្វើឲ្យ​មនុស្ស​ជាច្រើននាក់ ស្រយតស្រយង់ និងមាន«ការរំជួលចិត្ត»ជាខ្លាំង។ នៅក្នុងវីដេអូនោះ គេឃើញបុរសម្នាក់ បាន​បើកឡាន មកចតនៅលើវិថី «Stoke-on-Trent» ភាគខាងត្បូង នៃក្រុងមេឆេស្ទ័រ (Manchester) ដើម្បីយកសត្វឆ្កែ​របស់ខ្លួន មកបោះបង់ចោល។

គេឃើញបុរសបានចុះពីរថយន្ដ ជាមួយនឹងសត្វឆ្កែដ៏កំសត់ ដែលមិនបានដឹងខ្លួនថា វានឹងត្រូវម្ចាស់វា យកមក​បោះបង់​ចោលឡើយ។ បន្ទាប់ពីព្រលែងខ្សែប្រឡៅ ពីកវារួច និងឆ្លៀតឱកាសសុនខ កំពុងសប្បាយរត់ទៅឆ្ងាយបន្តិចនោះ បុរសរូប នេះ​បានរត់ត្រឡប់សំដៅរថយន្ដខ្លួន និងបិទទ្វារថយន្ដ ដោយទុកឲ្យសត្វឆ្កែ រត់ចុះរត់ឡើង នៅជុំវិញរថយន្ដ ដើម្បីស្វែងរក​ច្រក​ឡើងទៅជិះ ជាមួយម្ចាស់វិញ ទាំងក្ដីអស់សង្ឃឹម។

បន្ទាប់ពីម្ចាស់វា បានចាកចោលបាត់ ប្រមាណជាមួយម៉ោងក្រោយមក សត្វសុនខត្រូវបានអ្នកដើរកាត់នោះរកឃើញ និង​នាំទៅកាន់ផ្ទះពេទ្យសត្វមួយ នៅក្នុងតំបន់។ បើតាមសារព័ត៌មាន «Evening Standard» បានឲ្យដឹងថា គ្រូពេទ្យសត្វ​បានរកឃើញអតីតម្ចាស់ឆ្កែ ចំនួនពីរនាក់ តែពួកគេ មិនមែនជាបុរស ដែលយកបើកឡាន យកសត្វចិញ្ចឹម​មួយក្បាលនេះ មកបោះបង់ចោលទេ។

នៅក្នុងពេលបច្ចុប្បន្ន សត្វសុនខកំពុងត្រូវការម្ចាស់ថ្មី។ សមាគម «RSPCA» បានអះអាងថា វាជាសត្វ ដែល​«រួសរាយ​រាក់ទាក់ និងគួរឲ្យស្រឡាញ់»ខ្លាំងណាស់។ មកដល់ម៉ោងនេះ មនុស្សជាង១០០នាក់ បានស្នើសុំវា​មកចិញ្ចឹម ក្នុងនោះ​មាន​ពិធីកររបស់ទូរទស្សន៍ «BBC» លោក «Andrew Neil» ម្នាក់ផង៕ 

Dog Abandoned before Christmas

This heartbreaking CCTV shows a dog being abandoned by the side of a road. The Staffordshire bull terrier type dog chases desperately after the car as it drives off. https://bit.ly/2GDsIW8

Posted by ITV Central on Monday, December 24, 2018


លំអិតបន្ថែមទៀត

កំសាន្ដ

ពស់ថ្លាន់ លេប (កូន)​ក្រពើរស់​ទាំងមូល

នៅក្នុង​វីដេអូខាងក្រោម យើងនឹងឃើញថា ពស់ថ្លាន់ ដ៏ធំមួយ អាច«លេប»សត្វក្រពើមួយក្បាលនេះ បានទាំងរស់ ហើយទាំងមូល​ទៀតផង។ តែវាគ្រាន់តែជាកូនក្រពើ ដែលមានបណ្ដោយ ប្រមាណជា២ម៉ែត្រប៉ុណ្ណោះ។ ជាធម្មតា សត្វក្រពើពេញរូបរាង  មានកម្លាំងខ្លាំងក្លា ...
កំសាន្ដ

«តើ​សត្វ​ស្វាឪ ស៊ី​សណ្ដែកដី​យ៉ាងដូច​ម្ដេច?» សំណើច​ខ្លី

«តើ​សត្វ​ស្វាឪ …»៖ ពីរនាក់ ឪពុក​និងកូនប្រុស កំពុងដើរកំសាន្ដ នៅក្នុងសួនសត្វមួយ ហើយបានមកឈប់មើល សត្វស្វា«ឪ»ដ៏ធំ ដែល​កំពុងអង្គុយចោងហោង នៅក្នុងទ្រុងរបស់វា។ កូនប្រុស ចង់ឃើញកាយវិការ ស៊ីចំណីរបស់សត្វស្វា«ឪ» ...
ដំរីសមុទ្រ​មួយក្បាល បានដើរឡើងគោក និងបានវង្វេងផ្លូវ ក្នុងក្រុង «Puerto Cisnes» ដែលជាក្រុងឆ្នេរសមុទ្រ ស្ថិតក្នុងភាគកណ្ដាល នៃប្រទេសឈីលី (អាមេរិកខាងត្បូង)។ (រូបថតផ្ដិតពីវីដេអូ)
កំសាន្ដ

ឈីលី៖ ដំរីសមុទ្រ​មួយក្បាល ឡើងដើរកម្សាន្ដ​ក្នុងក្រុង

ដំរីសមុទ្រ​មួយក្បាល បានដើរឡើងគោក និងបានវង្វេងផ្លូវ ដោយបានដើរចុះដើរឡើង ឆ្លងពីផ្លូវមួយទៅផ្លូវមួយ បង្កការភ្ញាក់ផ្អើល ដល់អ្នកភូមិមិនតិចទេ។ ហេតុការណ៍កើតឡើង កាលពីយប់ថ្ងៃទី៦ ខែតុលា ក្នុងក្រុង «Puerto Cisnes» ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.