កំសាន្ដវីដេអូ ពីនេះពីនោះ

យន្ដហោះ​ប៊ែលហ្សិក ដេញ​​យន្ដហោះ​​រ៉ូស្ស៊ី ដែលហោះ​ឆាឆៅ​នាវា​អាមេរិក

យន្ដហោះរ៉ូស្ស៊ីច្រើនគ្រឿង ដែលហោះឆាឆៅ​នាវា​អាមេរិក ហៅ ឆ្មាំពិឃាត «USS Donald Cook» កាលពីពាក់កណ្ដាលខែមេសា ត្រូវបានទទួលស្វាគមន៍ នៅពេលនោះភ្លាមៗ ដោយ​យន្ដហោះ​ប្រដេញ ប្រភេទ «F-16» របស់ប្រទេសប៊ែលហ្សិក ដែលហោះចេញពីមូលដ្ឋានយោធា របស់អង្គការណាតូ (Nato /Otan) ដែលស្ថិតក្នុងប្រទេសលីទុយអានី។

និយាយទៅ នាវាពិឃាតអាមេរិក ដែលកំពុងល្បាតសមុទ្របាល់ទិក តែងត្រូវបាន​យន្ដហោះ​ប្រដេញ របស់ប្រទេសរ៉ុស្ស៊ី តាមឆាឆៅ ឬតាមគម្រាម មិនសូវលោះពេលទេ។ ប៉ុន្តេលើកនេះ យន្ដហោះទាំងនេះរបស់កងទ័ពអាកាសរ៉ុស្ស៊ី ត្រូវបានទទួលស្វាគមន៍ភ្លាមៗ ដោយយន្ដហោះចម្បាំង ប្រភេទ «F-16» របស់ប្រទេសប៊ែលហ្សិក ដែលចេញធ្វើអន្តរាគមន៍ ក្នុងក្របខណ្ឌល្បាត និងកិច្ចការពារលំហំសមុទ្រ នៃបណ្ដាប្រទេសបាល់ទិក ដែលជាសមាជិករបស់អង្គការណាតូ។

រដ្ឋសមាជិកមួយចំនួន របស់អង្គការណាតូ មិនមានសមត្ថភាព​ការពារដែនអាកាស របស់ផងខ្លួនទេ។ សមាជិកទាំងនោះ មានដូចយ៉ាង ប្រទេសលុចហ្សំប៊ួរ អ៊ីស្លង់ ស្លូវេនី និងក្រុមប្រទេស ​នៅក្នុងសមុទ្របាលទិក (អេស្តូនី លីទុយអានី និងឡេតូនី)។

តែនៅក្នុងសន្ធិសញ្ញា នៃអង្គការណាតូ មានចែងពីកិច្ចការពារ សមាជិករបស់ខ្លួន ប្រឆាំងទល់នឹងការឈ្លានពាន ជាយថាហេតុណាមួយ ជាពិសេស​ដើម្បីរក្សាសន្តិភាព សម្រាប់រដ្ឋជាសមាជិកផង និងនៅក្នុងតំបន់ផង។

ដូច្នេះហើយ ទើបមានវត្តមាន របស់នាវាពិឃាត «USS Donald Cook» ដែលដើរល្បាតនៅក្នុងសមុទ្របាល់ទិក ក៏ដូចជាយន្ដហោះប្រដេញ របស់ប្រទេសប៊ែលហ្សិកជាដើម ដែលត្រូវបានបញ្ចូន ទៅដាក់ពង្រាយ នៅក្នុងប្រទេសទាំងនោះ ដើម្បីងាយស្រួល ក្នុងការធ្វើអន្តរាគមន៍៕



You may also like

កីឡា និងបច្ចេកវិទ្យា

ក្រុម«Anonymous»​ពង្រីក​«សង្គ្រាម​លើអ៊ិនធើណិត»​ប្រឆាំងរ៉ុស្ស៊ី

តាំងពីថ្ងៃដំបូង នៃសង្គ្រាមឈ្លានពានអ៊ុយក្រែន ដោយកងទ័ពរ៉ុស្ស៊ី ក្រុម«Anonymous»​បានប្រកាស​«សង្គ្រាម​លើអ៊ិនធើណិត» ហើយរហូតមកដល់ថ្ងៃនេះ ក្រុម«Hacker»ដែលអះអាងដោយខ្លួនឯង អំពីបុព្វហេតុ«សេរីភាព» កំពុងបង្កើនសកម្មភាពរបស់ខ្លួន កាន់តែច្រើនឡើងប្រឆាំងផលប្រយោជន៍រ៉ុស្ស៊ី និងលោក​ប្រធានាធិបតី វ្លាឌីមៀរ ពូទីន (Vladimir ...
ដំណឹង

Covid-19៖ តុល្យភាព​អ្នកជំងឺ​ស្លាប់ បាន​កើនឡើង​ នៅ​ប្រទេស​រុស្ស៊ី

នៅ​ប្រទេស​រុស្ស៊ី អ្នកជំងឺ «Covid-19» ដែលបានស្លាប់ កាលពីម្សិលមិញ បានកើនឡើង​ដល់ចំនួន ១៧៤នាក់ ដែលជាចំនួនច្រើនបំផុត រាប់តាំងពីការរាតត្បាតដំបូង នៅក្នុង​ប្រទេសនេះ។ អ្នកជំងឺដែលស្លាប់ មកទល់នឹងថ្ងៃនេះ មានចំនួនសរុប ...
ដំណឹង

EU ត្រៀមបន្ថែមទណ្ឌកម្ម​ចំពោះ​ការរំលោភ​សិទ្ធិមនុស្ស ក្នុងពិភពលោក

របបដឹកនាំជាច្រើន ដែលល្បីល្បាញខាងការរំលោភសិទ្ធិមនុស្ស ក្នុងពិភពលោក ដូចយ៉ាងការដឹកនាំ​ក្នុងប្រទេសរ៉ុស្ស៊ី ភូមា ចិន វេណេស៊ុយអេឡា ប៊េឡារ៉ូ និងក្នុងប្រទេស​កម្ពុជា​ជាដើម នឹងរងទណ្ឌកម្មបន្ថែមទៀត និងយ៉ាងធ្ងន់ធ្ងរ ពីសំណាក់សហភាពអ៊ឺរ៉ុប «EU» ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...