កំសាន្ដវីដេអូ ពីនេះពីនោះ

អេស្ប៉ាញ៖ នៅពេល​ដែលកូន​​«ឌីណូស័រ»​មួយក្បាល ចេញដើរ​យកខ្យល់…

បម្រាមដែលហាមពលរដ្ឋ មិនឲ្យដើរចេញក្រៅផ្ទះ បើគ្មានការចាំបាច់នោះ ទំនងជាមិនត្រូវបានកូន«ឌីណូស័រ»មួយក្បាលនេះ គោរពតាមនោះទេ នៅក្នុងប្រទេសអេស្ប៉ាញ រហូតលុះត្រាមានអន្តរាគមន៍ ពីកងកម្លាំងនគរបាល ទើបកូនសត្វដ៏ចម្លែកមួយនេះ វិលត្រឡប់ចូលគេហដ្ឋានវិញ។

រឿងរ៉ាវនេះ កើតឡើងកាលពីថ្ងៃចន្ទ ដើមសប្ដាហ៍នេះ ក្នុងក្រុង «Murcie» ភាគខាងត្បូងនៃប្រទេសអេស្ប៉ាញ ខណៈប្រទេសនេះ បានប្រកាសអាសន្នផ្នែកសុខភាព ដើម្បីប្រយុទ្ធប្រឆាំងនឹងជំងឺ «Covid-19» តាំងពីសប្ដាហ៍មុនមក។ គឺយុវតីវ័យក្មេងមួយរូប ដែលចង់លេងសើច ហើយបានចូល ទៅក្នុងរូប«ឌីណូស័រ» មុននឹងដើរចេញក្រៅផ្ទះ ដើម្បីយកខ្យល់ត្រជាក់។

ដូចបានបង្ហាញ នៅក្នុងវីដេអូខាងក្រោម ដែលត្រូវអ្នកជិតខាងថតបាន ហើយត្រូវកងកម្លាំងនគរបាល យកមកបង្ហោះ នៅលើទំព័រទ្វីសធើររបស់ខ្លួន។ ឈុតឆាកបានបញ្ចប់ ក្រោយពីកូន«ឌីណូស័រ» ត្រូវនគរបាលប្រាប់ ឲ្យចូលផ្ទះវិញ។

តែឆ្លៀតឱកាសនេះ នគរបាលអេស្ប៉ាញ បានរំលឹកទៅកាន់ពលរដ្ឋថា ក្នុងរយៈពេល នៃការបង្ខាំងខ្លួន នៅក្នុងផ្ទះ រាល់សត្វចិញ្ចឹមទាំងឡាយ អាចចេញដើរ នៅតាមវិថីសាធារណៈ តែចាំបាច់ត្រូវដឹកខ្សែ ដោយម្ចាស់របស់វា។ ទាំងម្ចាស់ ទាំងសត្វចិញ្ចឹមនោះ មានសិទ្ធិអាចចេញដើរ នៅខាងក្រៅលំនៅដ្ឋានបាន ក្នុងរយៈពេលខ្លីមួយ។

យ៉ាងណា អមជាមួយវីដេអូដដែល នគរបាលបានសរសេរកំប្លែងតបវិញថា៖

«ការស្លៀកពាក់ ជាកូនសត្វឌីណូស័រ ដើម្បីចេញដើរយកខ្យល់ មិនរាប់បញ្ចូលក្នុងក្រឹត្យក្រមខាងលើទេ។»

តែបន្ទាប់ពីវីដេអូខាងលើ ត្រូវបានបង្ហោះចេញ និងមានមនុស្សមិនតិចជាង៥លាននាក់ បានទស្សនានោះ ក្រុមអ្នកប្រើប្រាស់បណ្ដាញសង្គមផ្សេងទៀត ក៏បានបង្ហោះឡើងមកដែរ នូវរូបភាពផ្សេងទៀត នៃកូន«ឌីណូស័រ» ដែលចេញដើរ នៅក្រៅផ្ទះ ក្នុងតំបន់ដែលពួកគេរស់នៅ។ សូមទស្សនាដូចតទៅ៖



លំអិតបន្ថែមទៀត

លោក សម រង្ស៊ី ឈរថតរូប នៅកណ្ដាលសង្កាត់ទី៦ នៃរដ្ឋធានីប៉ារីស ក្នុងថ្ងៃទី៣០ ខែតុលា ឆ្នាំ២០២០។ (រូបថតលើហ្វេសប៊ុក)
កម្ពុជា

សម រង្ស៊ី អះអាង​មិនងាយឈឺ នឹងជំងឺ​កូវីដ-១៩ ព្រោះលោក​ជាខ្មែរ

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានអះអាងថា លោកមិនងាយធ្លាក់ខ្លួនឈឺ នឹងជំងឺ​កូវីដ-១៩ (Covid-19) នោះឡើយ ដោយសារលោក​មានឈាមជ័រ ជាជនជាតិខ្មែរ។ លោក សម រង្ស៊ី ...
កម្ពុជា

កម្ពុជាប្រកាស​«ករណីស្លាប់​ដំបូង»​បន្ទាប់ពី ហ៊ុន សែន ឲ្យត្រៀម​«ប៉ាឆា»

ប្រទេសកម្ពុជាបានប្រកាសឲ្យដឹង ពីមរណភាព​របស់អ្នកជំងឺកូវីដ-១៩ម្នាក់ ដែលបានសម្រាក​ព្យាបាល នៅមន្ទីរពេទ្យ​រុស្ស៉ី (ភ្នំពេញ) និងដែលជា«ករណីស្លាប់​ដំបូង» រាប់ចាប់ពីពេលកម្ពុជា រកឃើញករណីឆ្លង​ទីមួយ ក្នុងខែមករា​ឆ្នាំ២០២០​នោះមក។ នេះ បើតាម​សេចក្ដីប្រកាសព័ត៌មាន របស់ក្រសួងសុខាភិបាល ដែលចេញផ្សាយ​នៅព្រឹកថ្ងៃ​ព្រហស្បត្តិ៍ ...
ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.