កំសាន្ដវីដេអូ ពីនេះពីនោះ

ពេលដែល​គ្មានទេសចរណ៍ សត្វសមុទ្រ​មាន​«ជីវិតរីករាយ»​ណាស់!

សត្វជ្រូកទឹក​សមុទ្រ (Dugong) ដែលជិតផុតពូជ ប្រមាណជា៣០ក្បាល ហាក់មាន«ជីវិតរីករាយ»ណាស់ ដោយបានចេញមកលេងទឹករាក់ៗ ក្បែរតំបន់ឆ្នេរ នៃកោះមួយ​ ស្ថិតនៅភាគខាងត្បូង ប្រទេសថៃ កាលពីថ្ងៃពុធកន្លងមក។

រូបភាព ដែលថតពីលើអាកាស ដោយមជ្ឈមណ្ឌលប្រតិបត្តិការជាតិ នៃរមណីដ្ឋានសមុទ្រ របស់ប្រទេសថៃ បានបង្ហាញពីហ្វូងសត្វសមុទ្រទាំងនេះ នៅក្នុងតំបន់ឆ្នេរ នៃកោះ «Libong» ដែលធ្លាប់បាន​ពេញប្រៀប ដោយទេសចរណ៍។

ប៉ុន្តែវិបត្តិជំងឺ «Covid-19» ដែលកំពុងរាតត្បាតពិភពលោក រួមទាំងប្រទេសថៃ បានបណ្ដាល​ឲ្យវិស័យទេសចរណ៍​​ដួលរំលំ សឹងតែដល់ចំណុចសូន្យ។ បណ្ដាជនបរទេស ដែលជាអ្នកទេសចរណ៍ សឹងតែទាំងអស់ បានលប់ចោលដំណើរកំសាន្ដ របស់ពួកគេ ខណៈទេសចរណ៍ដែលនៅផ្ទាល់កន្លែង ត្រូវជាប់បម្រាម ឲ្យសំងំនៅក្នុងផ្ទះ។

ផ្ទុយទៅវិញ ការដួលបះជើងរបស់វិស័យទេសចរណ៍ បានផ្ដល់សុភមង្គល សម្រាប់បរិស្ថានពិភពលោក ជាពិសេសសម្រាប់សត្វសមុទ្រ ក្នុងការរស់នៅ និងមាន​«ជីវិតរីករាយ»​​ តាមធម្មជាតិ​របស់ពួកវា។

សូមជម្រាបដែរថា សត្វជ្រូកទឹកសមុទ្រ ត្រូវបានចាត់ទុក ជាប្រភេទសត្វដ៏កម្រ ដែលអាចនឹងផុតពូជ ពីភពផែនដី។ ក្នុងពេលកន្លងមក គេធ្លាប់បានឃើញសត្វសមុទ្រ មួយប្រភេទនេះ ម្ដងម្កាល និងរស់នៅជាហ្វូង នៅក្នុងតំបន់ឆ្នេរ នៃប្រទេសមួយចំនួន ក្នុងមហាសមុទ្រឥណ្ឌា៕



លំអិតបន្ថែមទៀត

ដំណឹង

គីម ជុងអ៊ុន ផ្ញើរសារសំដី​អបអរ​ប្រធានាធិបតី​ចិន អំពី«Covid-19»

មេដឹកនាំវ័យក្មេង របស់ប្រទេសកូរ៉េកុម្មុយនីស្ដិ៍ លោក គីម ជុងអ៊ុន (Kim Jong-un) បានផ្ញើរសារជាពាក្យសំដី ទៅកាន់ប្រធានាធិបតីចិន លោក ស៊ី ជិនពីង (Xi ...
កម្ពុជា

Covid-19៖ កម្ពុជាមានអ្នកជំងឺ​ក្នុងសហគមន៍​ ៤នាក់ទៀត សរុប៣៨នាក់

អ្នកជំងឺកូវីដ-១៩ (Covid-19) ដែលឆ្លងក្នុងសហគមន៍ ត្រូវបានរកឃើញវិជ្ជមានបន្ថែម ៤នាក់ទៀត ដែលធ្វើឲ្យចំនួនអ្នកឆ្លង ក្នុងសហគមន៍សរុប មានចំនួនកើនឡើង ដល់៣៨នាក់។ នេះបើតាមសេចក្តីប្រកាសព័ត៌មាន របស់ក្រសួងសុខាភិបាល ដែលទើបនឹងចេញផ្សាយ ក្នុងព្រឹកថ្ងៃពុធទី៩ ...
ដំណឹង

​ស្ដេចថៃ​អាចត្រូវ​បណ្ដេញចេញ បើទ្រង់​«ដឹកនាំ​ព្រះរាជកិច្ច»​ពីអាល្លឺម៉ង់

រដ្ឋសភាអាល្លឺម៉ង់​បានប្រកាស ក្នុងចុងខែវិច្ឆិកានេះថា បើព្រះមហាក្សត្រថៃ​ ព្រះបាទ មហា វិជ្ជរាឡុងកន (Maha Vajiralongkorn) ត្រូវបានរកឃើញ ថាបាន«ដឹកនាំ​ព្រះរាជកិច្ច» ចេញពីទឹកដីអាល្លឺម៉ង់ នោះរដ្ឋអាល្លឺម៉ង់ មាន​អំណាច​ក្នុងការបណ្ដេញទ្រង់ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.