កំសាន្ដតារា ជនល្បី

«មាជ សុវណ្ណារ៉ា នាំស្រីទៅនៅផ្ទះ​ចំការ​ខាង​ប្រពន្ធ ?»

ភ្ញាក់ព្រើត… តែវាជាអ្វី ដែលកំពុងកើតឡើង ! «មាជ សុវណ្ណារ៉ា នាំស្រីទៅនៅផ្ទះ​ចំការ​ខាង​ប្រពន្ធ» គឺជាសាររបស់អ្នកស្រី មាជ ជេមី (Meach Jamie) ភរិយាលោក មាជ សុវណ្ណារ៉ា ដែលបានបង្ហោះ​នៅលើបណ្ដាញសង្គម មុននេះបន្តិច។

សំណេររបស់អ្នកស្រី ជេមី មានអមមកជាមួយ នូវរូបភាពផ្តិតអេក្រង់ (PrintScreen) មួយ ដែល​បង្ហាញពី​គណនេយ្យស្ត្រីម្នាក់ ដែលសរសេរថា «ចាប់ផ្ដើមកវែកកឆ្នាំង មកនៅក្នុង​ព្រៃ​ហើយ មកចិញ្ចឹមមាន់ទា​គោក្របី គ្រាន់បានដោះបំណុលគេ»។

អ្នកស្រី មាជ ជេមី ដែលគេស្គាល់ថា បានពុះពារ និងតស៊ូមតិយ៉ាងខ្លាំងក្លា ក្នុងអំឡុងពេលលោក មាជ សុវណ្ណារ៉ា ជាប់ក្នុងពន្ធនាគារនោះ បានបង្ហោះរូបភាពខាងលើ រួមនឹងសំណេររៀបរាប់ ដូចការដកស្រង់ទាំងស្រុង ខាងក្រោម៖

«មាជ សុវណ្ណារ៉ា នាំស្រីទៅនៅផ្ទះ​ចំការ​ខាង​ប្រពន្ធ ដោយគ្មានក្រែងរអែងចិត្ត​ក្រុមគ្រួសារ​ខាង​ប្រពន្ធអី​បន្តិចសោះ។ ឯនាងស្រីល្អខំធ្វើគ្រប់យ៉ាង ខំបង្ហោះបង្អួតឲ្យម្ចាស់ផ្ទះ​ទាំង​គ្រួសារ​ឈឺចាប់ ថាគេគ្រប់គ្រង​ប្រុសនោះ បានទាំងស្រុង​ហើយ។»

អ្នកស្រីសរសេរបន្តថា៖

«ខ្ញុំទ្រាំខ្លាំងណាស់ថា មិននិយាយទេ​ ទុកកិត្តិយសឲ្យ។ នាំយកទៅដេក ក្នុងផ្ទះនៅផ្សារ ផឹកសុីច្រៀង lives ក្នុង​បន្ទប់​ដេក បន្ទប់ធ្វើការខ្ញុំគ្រប់យ៉ាង។ បើប្រុសឬខ្ញុំ ហ៊ាន​បង្ហោះ​រូប[ក្នុង]គ្រួសារ ដឹងតែប្រុស​ត្រូវគេជេប្រមាថ​គ្រប់យ៉ាង?»

«ភាពអត់ធ្មត់មានដែនកំណត់ ឃើញឯងមិននិយាយៗ ស្រីនោះវាកាន់តែផ្គើនដាក់ឯង [ខ្លាំង]ឡើងៗ ជារៀង​រាល់ថ្ងៃ។»

គ្មាននរណាដឹងពីរឿងរ៉ាវផ្ទៃក្នុង នៃស្វាមីភរិយាលោក មាជ សុវណ្ណារ៉ា ពីមុនមកទេ រហូត​មកទល់​នឹង​សារបង្ហោះ របស់អ្នកស្រី មាជ ជេមី។ ប៉ុន្តែប្រតិកម្ម តបនឹងសំណេរភរិយា​ខាងលើ លោក មាជ សុវណ្ណារ៉ា ដែលធ្លាប់ជាមន្ត្រី​ជាន់ខ្ពស់​មួយរូប របស់គណបក្សសង្គ្រោះ​ជាតិ បានសរសេរ​ក្នុងផ្នែកដាក់មតិ (Comment) ឡើងថា៖

«កុំជ្រុលពេក ក្រែងនិយាយគ្នាអស់ហើយតើ

តែការអះអាងនេះ ត្រូវអ្នកស្រី មាជ ជេមី ឆ្លើយតបវិញថា៖

«និយាយពីកាលណា ម្ដេចមិនដឹង? សួរថា តើកំហុសអ្នកណា? តើគ្រប់រឿង អ្នកណាជា​អ្នកបង្ក?»

អ្នកស្រីបន្តព្រមានថា៖

«នៅមានបន្ត រហូតដល់ថ្ងៃឡើងតុលាការ លែងគ្នា។»

ទស្សនាវដ្ដីមនោរម្យ.អាំងហ្វូ បានព្យាយាមទាក់ទងលោក មាជ សុវណ្ណារ៉ា ដើម្បីចង់បាន​ប្រតិកម្មផ្ទាល់របស់លោក តែទាក់ទងក្នុងពេលភ្លាមៗ នេះមិនបាន។

ដោយឡែក គណនេយ្យស្ត្រីម្នាក់ ដែលស្ថិតក្នុងរូបភាពផ្ដិតអេក្រង់ បានសរសេរតបភ្លាមៗ ដោយមិនចំឈ្មោះថា៖

«និយាយតទល់គ្នាបាន កុំលេងវ៉ៃពីក្រោយ ភស្តុតាងនៅមានច្រើនណាស់ ផ្ទះអ្នកណា ដី​អ្នកណា? បើអ្នកឯង​ពិតជាថ្លៃថ្នូរ ចេញមកតទល់គ្នា។ នេះដោយសារតែខ្ញុំ ទុកកិត្តិយស​ឲ្យអ្នកផ្សេង។ បើអ្នកឯង​មិនស្រឡាញ់​កិត្តិយស ខ្ញុំក៏ដូចគ្នា៕»



លំអិតបន្ថែមទៀត

រូបថតជំនួស៖ អំណោយបេះដូង សម្រាប់គូស្នេហ៍ប្រចាំជីវិត។ (រូបថត Rawpixel/Unsplash)
របាយការណ៍

ប្រវត្តិ​បុណ្យ ស៊ាំងវ៉ាឡង់តាំង ឬ​ទិវានៃ​ក្ដី​«ស្រឡាញ់»

ក្នុងសម័យកាលបច្ចុប្បន្ន ច្រើនគ្នាណាស់ដែលគិតថា បុណ្យ ស៊ាំងវ៉ាឡង់តាំង (Saint Valentin day) គ្រាន់តែជា​បុណ្យ​​សង្សា ឬ​បុណ្យនៃក្ដីស្រឡាញ់ ហើយអ្នកខ្លះពីក្នុងចំណោមនេះ បានឆ្លៀតឱកាសពីបុណ្យស៊ាំងវ៉ាឡង់តាំង ដើម្បី​រក​ទទួលទាន ដូច​ជាលក់ផ្កា ...
វប្បធម៌ និងជីវិត

ហេតុអ្វី​ការប្រេះឆា​ស្នេហា​ដំបូង ធ្វើ​ឱ្យ​«ឈឺចាប់»​ខ្លាំង?

បើនិយាយពីសេចក្តីស្រលាញ់រវាងប្រុសនារី គឺមានភាគីតិចណាស់ ដែលពួកគេបានជួបគ្នា​ជាស្នេហាដំបូង រហូត​ដល់​បានរៀបការជាមួយគ្នា។ ទោះបីជាយ៉ាងណាក៏ដោយ ស្នេហាដំបូង មិនប្រាកដថាជោគជ័យគ្រប់គ្នានោះទេ ឬដូច​ពាក្យគេថា មនុស្សដំបូងមិនប្រាកដថាជាមនុស្សចុងក្រោយនោះឡើយ។ ប៉ុន្តែវាគឺជារឿង«ឈឺចាប់»បំផុត​សម្រាប់អ្នក​ដែលបានឆ្លងកាត់ ហើយក៏ជាអារម្មណ៍មួយដែលពិបាកទ្រាំ។ ហេតុអ្វីបានជាស្នេហាដំបូង ធ្វើឱ្យមនុស្សឈឺចាប់ខ្លាំង? ...
វប្បធម៌ និងជីវិត

គន្លឹះ៥យ៉ាង ក្នុង​ការដោះស្រាយ​ជម្លោះ​ជាមួយ​គូស្នេហ៍

[ គន្លឹះ៥យ៉ាង ] មនុស្សពីរនាក់ដែលស្រលាញ់គ្នា ទោះបីផ្អែមល្ហែមខ្លាំងយ៉ាងណា មិនប្រាកដថា មិនធ្លាប់ឈ្លោះគ្នានោះទេ។ ទោះបីជាយ៉ាងណាក៏ដោយ របៀបនៃការដោះស្រាយបញ្ហា របស់គូស្នេហ៍នីមួយៗ អាចមានលក្ខណៈខុសគ្នា តែក៏ក្នុងបំណងមួយ គឺចង់រក្សាទំនាក់ទំនង ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...