«កំសាក»​៖ កញ្ញា«Amanda Obdam» បវរកញ្ញាចក្រវាឡ (Miss Univers Thailand 2020) របស់ប្រទេសថៃ បានបន្ត​បង្ហោះសារ​ជាថ្មីទៀត រិះគន់​រដ្ឋាភិបាលរបស់ប្រទេសនេះ បន្ទាប់ពីអាជ្ញាធរ-បានបើកការបង្ក្រាប ទៅលើពលរដ្ឋអ្នកតវ៉ា កាលពីចុង​សប្ដាហ៍​កន្លងមក។

នៅលើ​បណ្ដាញសង្គមទ្វីសធើរ បវរកញ្ញា​កូនកាត់​ថៃ-កាណាដា បានបង្ហោះសារខ្លី តែមានន័យវែង​ដូច្នេះថា៖

«ការប្រើការភ័យខ្លាច ការគម្រាមកំហែង ដើម្បីបំបិទមាត់អ្នកដទៃ គឺជាទង្វើរបស់ជនកំសាក។»

កាលពីថ្ងៃអាទិត្យ កម្លាំងអាជ្ញាធរថៃ បានប្រើកាំភ្លើងគ្រាប់ជ័រ ឧស្ម័នបង្ហូរទឹកភ្នែក និងកាណុងទឹក ដើម្បីបាញ់​បង្ក្រាប​ក្រុមបាតុករ​និយមលទ្ធិប្រជាធិបតេយ្យ ដែលបានប្រមូលគ្នានៅកណ្ដាលរាជធានីបាងកក ក្នុងបំណងទាមទារ​ឲ្យ​នាយករដ្ឋមន្ត្រីថៃ លោក ប្រយុទ្ធ ចន្ទអស្ចារ្យ (Prayut Chan-O-Cha) ចុះចេញពីតំណែង។

លោក ប្រយុទ្ធ និងរដ្ឋាភិបាលរបស់លោក បានរងការចោទប្រកាន់ថា​«អសមត្ថភាព» ចំពោះការគ្រប់គ្រង និង​ទប់ស្កាត់​ជំងឺរាតត្បាត កូវីដ-១៩ (Covid-19) ដែលចេះតែឆ្លងរាលដាលខ្លាំងឡើង នៅក្នុងប្រទេសថៃ បង្កឲ្យមាន​មនុស្សស្លាប់ ប្រមាណជាង៣ពាន់នាក់ រាប់មកដល់ថ្ងៃនេះ។ កាលពីម្សិលមិញ អ្នកជំងឺស្លាប់ មានចំនួន១០៨នាក់ ដែលជាចំនួនច្រើនទីពីរ បន្ទាប់ពីចំនួនអ្នកជំងឺស្លាប់ ក្នុងថ្ងៃទី១៧ ខែកក្កដា ឆ្នាំ២០២១ ដែលមានរហូតដល់​១៤១នាក់។

សាររបស់រាជនីសម្ផស្ស«ចក្រវាឡ» ត្រូវបានបណ្ដាជនចុច«Like» និងចែករំលែករាប់ពាន់-ម៉ឺននាក់/ដង ក្នុងនោះ​បណ្ដាជនខ្លះ បានសរសេរ​កោតសសើរបវរកញ្ញា ថាមានភាពក្លាហាន គួរឲ្យគោរព។

សារដែលមានទំនោរ​គាំទ្រលទ្ធិប្រជាធិបតេយ្យ និងរិះគន់រដ្ឋាភិបាលលោក ប្រយុទ្ធ ត្រូវបានកញ្ញា«Amanda Obdam» បង្ហោះចេញ​​ជា​ហូហែ​ និងមានទម្ងន់ធ្ងន់ៗណាស់។ ក្នុងពេលកន្លងមក ក្រុមអ្នកគាំទ្ររដ្ឋាភិបាលថៃ បាន​ប្រតិកម្មខ្លាំងៗ​តបនឹង​សារទាំងនោះ ហើយថែមទាំងស្នើ ឲ្យដក​«ម្កុដរាជនីសម្ផស្ស តំណាងឲ្យប្រទេសថៃ» និងតំណែង​បវរកញ្ញា ចេញពីរូបនាង​ទៀតផង៕



លំអិតបន្ថែមទៀត

សកម្មភាពតវ៉ា របស់ពលរដ្ឋថៃ ជាពិសេសក្រុមនិសិត្ស កណ្ដាលរាជធានី បាងកក។ (រូបថតប្រិយមិត្ត Twitter)
ដំណឹង

ថៃ៖ បាតុកម្ម​ដើម្បី​លទ្ធិប្រជាធិបតេយ្យ បន្ត​«សន្ទុះខ្លាំងក្លា» នៅបាងកក

ផ្ទុយពីបម្រាមរដ្ឋាភិបាល ក្នុងការធ្វើបាតុកម្ម ក្រុមបាតុករជាច្រើនពាន់នាក់ បានបន្ត​ជួបជុំគ្នា និងនៅតែមាន«សន្ទុះខ្លាំងក្លា» នៅកណ្ដាលរាជធានីបាងកក ប្រទេសថៃ ក្នុងថ្ងៃ​អាទិត្យនេះ។ គោលបំណង របស់ក្រុមបាតករ​និយមលិទ្ធិប្រជាធិបតេយ្យទាំងនេះ មិនបានផ្លាស់ប្ដូរទេ នោះគឺស្នើឲ្យនាយករដ្ឋមន្ត្រីសព្វថ្ងៃ ចុះចេញពីតំណែង ...
ដំណឹង

Covid-19៖ ថៃសាក​វ៉ាក់សាំងចម្រាញ់​ពីរុក្ខជាតិ លើមនុស្ស​នៅខែមេសា

សហគ្រាសផលិត​ឱសថ «Baiya Phytopharm» របស់ប្រទេសថៃ នឹងធ្វើការសាកល្បង លើមនុស្ស​នៅខែមេសា ខាងមុខ នូវ​វ៉ាក់សាំង​បង្ការជំងឺកូវីដ-១៩ (Covid-19) របស់ខ្លួន ដែលត្រូវបានចម្រាញ់ចេញ ពីរុក្ខជាតិ។ នេះ ...
ដំណឹង

ញត្តិមួយ គ្រោង​បញ្ជូនឡើង​«UN» ក្នុង​ករណី​ពង្រត់​​សកម្មជន​​ថៃ នៅ​ភ្នំពេញ

ញត្តិមួយ ទាក់ទងនឹងករណី ចាប់ពង្រត់សកម្មជន​នយោបាយថៃ ក្នុងរាជធានីភ្នំពេញ ត្រូវបានបង្កើតឡើង កាលពីមុននេះបន្តិច នៅលើគេហទំព័រ «Change.org» ដើម្បីស្វែង​រកហត្ថលេខា ក្នុងបំណងនាំយកញត្តិនេះ ដាក់បញ្ជូនឡើងទៅអង្គការ «UNHCR» របស់​អង្គការសហប្រជាជាតិ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...