ភរិយានាយករដ្ឋមន្ត្រី អ្នកស្រី ប៊ុន រ៉ានី ហ៊ុន សែន នៅចង់តែងខ្លួនប្រណាំងកូនចៅនៅឡើយ និងមិនទាន់ស្លៀកពាក់ បែបអាចារ្យ (ឬដូនជី) នោះទេ។ នេះ បើតាមការអះអាងឡើង របស់លោក ហ៊ុន សែន នៅថ្ងៃអាទិត្យមុននេះបន្តិច ខណៈពេលលោកកំពុងត្រៀម ចេញទៅចូលរួមមង្គលការចៅរបស់លោក។
អមជាមួយនឹងរូបថតពីរសន្លឹក ដែលលោកបានបង្ហោះ នៅលើបណ្ដាញសង្គម គេឃើញលោក ហ៊ុន សែន ស្លៀកពាក់អាវធំ តែគ្មានក្រវ៉ាត់ក ថតអមនឹងភរិយាលោក ដែលស្លៀកពាក់បែបទំនៀមខ្មែរ ពណ៌ស៊ីចំប៉ាខ្ចី យ៉ាងទំនងសមសួន។
លោក ហ៊ុន សែន អាយុ៦៨ឆ្នាំ បានសរសេរអបនឹងរូបថតទាំងនេះ ដោយទំនងជាចំអន់ដាក់ភរិយាលោក អាយុ៦៦ឆ្នាំថា៖
«ថតរូបមុនចេញដំណើរ ទៅចូលរួមរៀបការចៅ។ យាយនិងតា មិនទាន់ចង់ស្លៀកពាក់ តាមបែបអាចារ្យទេ ព្រោះយាយនៅចង់តែងខ្លួនប្រណាំងជាមួយកូននិងចៅ៕»
