ក្នុងពេលកន្លងមក តារាស៊ិចស៊ី ជំនាញខាងបង្ហាញម៉ូដ និងសំដែងដ៏ល្បី នាង«Emily Ratajkowski» គ្រាន់តែ​បានប្រាប់​ប្រិយមិត្​តរបស់នាង ថានាងមានផ្ទៃពោះប៉ុណ្ណោះ និងមិនបាលបញ្ជាក់ថា កូនក្នុងផ្ទៃរបស់នាង ជាកូនប្រុស​ឬស្រី ហើយថា ផ្ទៃពោះនឹងត្រូវ«គ្រប់ខែ» នៅពេលណាឡើយ។

តែនៅថ្ងៃព្រហស្បត្តិ៍ ទី១១ ខែមីនាម្សិលម៉ិញ តារាសំដែងនិងបង្ហាញម៉ូដ ដែលមិនញញើត ក្នុងការបង្ហាញរាងកាយ​ដ៏ទ្រលុកទ្រលន់ បានបង្ហោះរូបភាព​អំពីកូនដំបូងរបស់នាង ដែលទើបនឹងចេញពីឧទរ ដោយប្រាប់ឲ្យដឹងពីភេទ ឈ្មោះ និងថ្ងៃខែកំណើត។ នៅលើ​បណ្ដាញសង្គម​អ៊ិនស្តាហ្គ្រាម នាង «Emily Ratajkowski» បានបង្ហោះរូបភាព បង្ហាញពីការបំបៅដោះកូន និងសរសេរអមថា៖

«កូនប្រុសខ្ញុំ ឈ្មោះ “Sylvester Apollo Bear” ទើបនឹងចាប់កំណើត មករួមរស់ នៅក្នុងពិភពលោកយើងនេះ។ “Sly” (ឈ្មោះហៅកាត់) បានកើតនៅថ្ងៃទី៨ ខែមីនា ឆ្នាំ២០២១ វេលាពេលព្រឹក ដ៏អស្ចារ្យបំផុត ដែលពោរពេញ​ដោយ​សេចក្ដីស្នេហា នៅក្នុងឆាកជីវិតរបស់ខ្ញុំ។»

រូបភាពបង្ហោះ មិនបានប៉ុន្មានម៉ោងផង ការចូលរួមអបអរពីសំណាក់ប្រិយមិត្តរបស់នាង បានផ្ទុះឡើងជាបន្តបន្ទាប់ រហូតមិនតិចជាង​៣លាន​ដងទេ។ ក្នុងនោះ តារាល្បីៗជាច្រើនផ្សេងទៀត ក៏បានបង្ហាញការសាទរ ចំពោះរូបនាងដែរ ដូចយ៉ាងនាង «Bella Hadid» និងនាង «Kim Kardashian» ជាដើម។

យ៉ាងណា នាង«Emily Ratajkowski»​ ដែលមានអាយុ២៩ឆ្នាំ ធ្លាប់ឲ្យដំណឹងខ្លះដែរ ពីដំណាក់កាល នៃ​ការពរពោះ​របស់នាង។ ដូចជា​នៅថ្ងៃទី៤ ខែកុម្ភៈកន្លងមក តារាស៊ិចស៊ី បានបង្ហោះរូបថត ដែលគ្មាន​សម្លៀកបំពាក់ច្រើនសន្លឹក ដោយអះអាង​ភ្ជាប់នឹងរូបថតទាំងនេះថា៖

«ពេលខ្លះ ខ្ញុំមានអារម្មណ៍ថា​ខ្លួនដូចខ្លាឃ្មុំតុក្កតា “Winnie” ដែលស្ថិតក្នុងស្រោមខ្លួន​ជាមនុស្ស។ ពេលខ្លះទៀត ខ្ញុំមានអារម្មណ៍​ជាទេពធីតា​ក្នុងសុបិន្តមួយអង្គ ដែលមានកំប៉េះគូថ​យ៉ាង​ទ្រលុកទ្រលន់។ ខ្ញុំបានថតរូបទាំងនេះ នៅពេល​ខ្ញុំមានអារម្មណ៍ ជាទេពធីតា។ យ៉ាងណាក្ដី ខ្ញុំដឹងថា ផ្ទៃពោះដ៏ធំ និងគល់ភ្លៅដ៏ធាត់នេះ នឹងបាត់ទៅវិញ ក្នុង​ពេលដ៏ខ្លីខាងមុខ៕»



You may also like

កំសាន្ដ

សុន្ទរកថា​ដំបូង​នៃ​អភិបាល​រដ្ឋ​កាលីហ្វ័នី ឆាឆៅដោយ… កូនប្រុស​លោក

អភិបាលថ្មី នៃរដ្ឋកាលីហ្វ័នី (ភាគខាងលិចសហរដ្ឋអាមេរិក) បានធ្វើសុន្ទរកថាដំបូង កាលពីថ្ងៃចន្ទកន្លងមក ប៉ុន្តែកូនប្រុស របស់លោកអភិបាល ក៏បានឆ្លៀតឱកាស ដើម្បីឡើងបង្ហាញខ្លួន ជាមួយឪពុក នៅលើវេទិកាដែរ។ ដោយទំនងជាជក់អារម្មណ៍ នឹងសំដីរបស់ស្វាមី ...
កំសាន្ដ

អេស្ប៉ាញ៖ នៅពេល​ដែលកូន​​«ឌីណូស័រ»​មួយក្បាល ចេញដើរ​យកខ្យល់…

បម្រាមដែលហាមពលរដ្ឋ មិនឲ្យដើរចេញក្រៅផ្ទះ បើគ្មានការចាំបាច់នោះ ទំនងជាមិនត្រូវបានកូន«ឌីណូស័រ»មួយក្បាលនេះ គោរពតាមនោះទេ នៅក្នុងប្រទេសអេស្ប៉ាញ រហូតលុះត្រាមានអន្តរាគមន៍ ពីកងកម្លាំងនគរបាល ទើបកូនសត្វដ៏ចម្លែកមួយនេះ វិលត្រឡប់ចូលគេហដ្ឋានវិញ។ រឿងរ៉ាវនេះ កើតឡើងកាលពីថ្ងៃចន្ទ ដើមសប្ដាហ៍នេះ ...
កម្រមាន

បារាំង៖ យុវតី​ជំទង់​ម្នាក់​រង​ការសង្ស័យ​ថា បានគ្រវាត់​ទារកខ្លួន​តាមបង្អួច

បារាំង៖ ទារកតូចមួយ ដែលទើបនឹងកើត ត្រូវបានរកឃើញស្លាប់ នៅក្នុងសួនច្បារ នៃសង្កាត់មួយ ក្នុងក្រុង​ «Martinet» ដែលស្ថិតក្នុងតំបន់ «Gard» ភាគខាងត្បូង ប្រទេសបារាំង។ សារព័ត៌មានប្រចាំតំបន់ ...

Comments are closed.

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...