លោក «Ian McKellen» ដែលជាតួសំដែង ដ៏ចាស់វស្សា និងបានដើរតួ ជាគ្រូធ្មប់«Gandalf» នៅភាពយន្ដ«The Lord of the Rings» បន្តភាគមកភាពយន្ដ «The Hobbit» ដ៏ល្បីល្បាញ បានទទួលបានវ៉ាក់សាំង ការពារជំងឺកូវីដ-១៩ (Covid-19) រួចហើយ កាលពីថ្ងៃពុធទី១៦ ខែធ្នូ ឆ្នាំ២០២០។

ជាមួយនឹងស្នាមញញឹមប្រិមប្រិយ លោក«គ្រូធ្មប់» បានចូលចាក់វ៉ាក់សាំង នៅក្នុងមន្ទីរពេទ្យ​​សាកលវិទ្យាល័យ «Queen Mary» នៃរាជធានីឡុងដ៍ ចក្រភពអង់គ្លេស។ នៅចំពោះម៉ាស៊ីនថត របស់ក្រុមអ្នកសារព័ត៌មាន លោក«Ian McKellen» បានថ្លែងចាត់ទុកថ្ងៃ ដែលលោក​ទទួលបាន​វ៉ាក់សាំងនេះ ថាមានលក្ខណៈពិសេសបំផុត។

តារាភាពយន្ដ ដែលមានអាយុ៨១ឆ្នាំ បានបន្តថា៖

«គ្រប់មនុស្សចាស់ដូចខ្ញុំ ដែលរស់នៅយូរឆ្នាំអញ្ចឹង អាចបន្តជីវិតរស់ទៅមុខបាន ដោយហេតុថា ពួកយើងបានចាក់ថ្នាំវ៉ាក់សាំងរួចរាល់ ដើម្បីបង្ការរាល់ជំងឺតម្កាត់នានា។»

ស្ថាប័នសុខាភិបាល​សាធារណៈ របស់ចក្រភពអង់គ្លេស «NHS» បានចែករំលែករូបថត របស់តារាភាពយន្ដ ដែលបានចូលទៅ​ចាក់វ៉ាក់សាំង នៅនឹងមន្ទីរពេទ្យ។ លោក «Ian McKellen» ថ្លែងឲ្យដឹងទៀតថា៖

«ខ្ញុំសង្ឃឹមថា នៅពេលដែលមនុស្ស កាន់តែច្រើន បានទទួលវ៉ាក់សាំងរួច នោះយើងអាចនឹងវិលត្រឡប់ ទៅរកជីវិតធម្មតាវិញ។ ខ្ញុំមានអារម្មណ៍ ដូចទទួលបានការប្រោះព្រំដូច្នេះ បន្ទាប់ពីបានទទួលវ៉ាក់សាំង។»

តារាភាពយន្ដវ័យចំណាស់ បាននិយាយសរសើរក្រុមគ្រូពេទ្យ និងស្ថាប័នសុខាភិបាលសាធារណៈអង់គ្លេសថា៖

«ពួកគេបានធ្វើការងារ ខ្លាំងក្លាសម្បើមណាស់ អញ្ចឹងពួកគេស័ក្ដិសមនឹងទទួលបាន ការដឹងគុណ និងការលើកទឹកចិត្ត៕»



លំអិតបន្ថែមទៀត

កម្ពុជា

COVID-19៖ កម្ពុជា​មាន​១ករណី​ថ្មី បន្ថែម​តួលេខ​សរុប ដល់​១២៦នាក់

មកដល់ព្រឹកថ្ងៃអាទិត្យនេះ រាជាណាចក្រកម្ពុជា មានករណីឆ្លងជំងឺ«Covid-19» កើនឡើង ដល់​១២៦នាក់ បន្ទាប់ពីបានរកឃើញ​ករណីឆ្លងមួយទៀត នៅក្នុង​សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ។ នេះ បើតាមសេចក្ដីប្រកាសព័ត៌មាន របស់​ក្រសួង​សុខាភិបាលកម្ពុជា។ សេចក្ដីប្រកាសព័ត៌មាន ...
កម្ពុជា

Covid-19 ៖ កម្ពុជាបន្ត​មានអ្នកជំងឺ​ស្លាប់​ម្នាក់ទៀត សរុប«៤នាក់»

បុរសវ័យ៧៥ឆ្នាំម្នាក់ទៀត បានទទួលមរណភាព ដោយសារជំងឺកូវីដ-១៩ (Covid-19) ក្នុងព្រឹកថ្ងៃទី២២ ខែមីនា ឆ្នាំ២០២១ ធ្វើឲ្យ​ចំនួនអ្នកជំងឺស្លាប់ ដោយសារជំងឺរាតត្បាតនៅម្ពុជា កើនឡើងដល់«៤នាក់»។ នេះ បើតាម​សេចក្ដី​ប្រកាសព័ត៌មាន របស់ក្រសួង​សុខាភិបាល​កម្ពុជា ...
កំសាន្ដ

Covid-19៖ វីដេអូ​បង្ហាញថា គម្លាត​សុវត្ថិភាព​រវាងគ្នា មានសារសំខាន់​បំផុត

អាជ្ញាធរសុខាភិបាល នៃរដ្ឋអូហៃយ៉ូ (Ohio – USA) បានពន្យល់តាម​រយៈវីដេអូមួយ​ខាងក្រោម បង្ហាញពីសារសំខាន់ នៃ«គម្លាត​សុវត្ថិភាព​រវាងគ្នា» ដើម្បីការពារ និងបង្ការ​ការឆ្លង​មេរោគ «Covid-19» ដ៏ចង្រៃ។ នោះ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.