លោក កូហ្វី អាណាន់ (Kofi Annan) អតីត​អគ្គលេខាធិការ​នៃអង្គការ​សហប្រជាជាតិ និងជាម្ចាស់​ពានរង្វាន់​ណូបែល​សន្តិភាព បានលាចាកលោក​យើងនេះ កាលពីថ្ងៃសៅរ៍ ទី១៨ ខែសីហា ឆ្នាំ២០១៨ ដោយបន្យល់ទុក នូវស្នាដៃ និង​បេសកកម្មជាច្រើន ទាំងសម្រេចបាន និងមិនសម្រេចបាន នៅក្នុងតំណែងដ៏កំពូលរបស់លោក ក៏ដូចជា នៅក្នុងវិស័យ​ការទូតពិភពលោក។

ទស្សនាវដ្ដីមនោរម្យ.អាំងហ្វូ សូមសង្ខេបជូនដូចខាងក្រោម ពីវីរភាព ស្នាដៃ ដ៏សំខាន់ៗមួយចំនួន របស់លោក កូហ្វូ អាណាន់ (Kofi Annan) ឥស្សរជនការទូតជាន់ខ្ពស់ មានដើមកំណើតពីប្រទេសហ្គាណា (ទ្វីបអាហ្វ្រិកខាងលិច) ហើយដែលត្រូវបានជ្រើសតាំង ឲ្យក្លាយជាអគ្គលេខាធិការទី៧ នៃអង្គការសហប្រជាជាតិ៖

ស្នាដៃដ៏ធំជាងគេ របស់លោក កូហ្វី អាណាន់ គឺការកែទម្រង់ស្ថាប័នពិភពលោកមួយនេះ ទាំងក្នុងដំណើរការខាងក្នុង និង​នៅលើឆាកអន្តរជាតិ។ ចាប់ពីលោកបានឡើងកាន់កាប់តំណែង ជាមេដឹកនាំកំពូល នៃស្ថាប័ននេះមក អង្គការ​សហប្រជា​ជាតិ បានដើរតួនាទីយ៉ាងសំខាន់ នៅក្នុងជម្លោះ-សង្គ្រាម រវាងប្រទេសជាច្រើន ជាពិសេស​នៅអៀរ៉ាក់  រួមនឹងសំនុំរឿង​អន្តរជាតិ​ផ្សេងៗទៀត។

លោកបានកាន់កាប់តំណែង ជាអគ្គលេខាធិការ អ.ស.ប ចំនួន២អាណត្តិ រាប់ពីថ្ងៃទី១ ខែមករា ឆ្នាំ១៩៩៧ មកទល់​​នឹង​ថ្ងៃទី៣១ ខែធ្នូ ឆ្នាំ២០០៦។ ប៉ុន្តែនៅពេល​លោក​បានបញ្ចប់តំណែង ដ៏កំពូលនេះទៅ លោកបានរង​ការចោទ​ប្រកាន់ ថាមានជាប់ពាក់ព័ន្ធ ឬប្រើឥទ្ធិពលរបស់ខ្លួន នៅក្នុងសំនុំរឿងអំពើពុករលួយ ជុំវិញកម្មវិធី «ប្រេងកាត ប្ដូរជាចំណីអាហារ (Oil-for-Food Programme)» ដែលជាកម្មវិធីមនុស្សធម៌មួយ របស់អង្គការសហប្រជាជាតិ ដើម្បីជួយដល់ប្រជាជន នៅអៀរ៉ាក់។

យ៉ាងណា ការចោទប្រកាន់នេះ មិនមានមូលដ្ឋានច្បាស់លាស់ ដែលអនុញ្ញាតឲ្យតុលាការ នៅក្នុងប្រទេសបារាំង អាច​ដាក់​កំហុស ឬផ្ដន្ទាទោស ដោយផ្ទាល់ទៅលើរូបលោកឡើយ។

សំដីមាស

សកម្មភាព និងស្នាដៃរបស់លោក ត្រូវបានទទួលស្គាល់ និងទីបំផុត លោកត្រូវបានជ្រើសរើស ឲ្យទទួល​ពានរង្វាន់​ណូបែល​សន្តិភាព ក្នុងឆ្នាំ២០០១ ចំពោះ​ស្នាដៃ​នៃ«ការខិតខំប្រឹងប្រែងរបស់លោក ដើម្បីធ្វើឲ្យពិភពលោក មានការ​រៀបចំ​ប្រសើរជាងមុន និងមានសន្តិភាពជាងមុន»។

នៅពេលលោក បានទៅទទួល​ពានរង្វាន់​នេះ ក្នុងរាជធានី អូស្លូ នៃរាជាណាចក្រ​ណ័រវេស លោក កូហ្វី អាណាន់ បានថ្លែងឡើងថា៖

«ខ្ញុំបានព្យាយាម រៀបចំទុកដាក់​មនុស្ស​លោក ឲ្យនៅជាស្នូល​នៃអ្វីដែលយើង​កំពុង​ធ្វើ៖ នោះគឺការទប់ស្កាត់ជម្លោះ ដែលជាឧបសគ្គ​ដល់​ការអភិវឌ្ឍ និងសិទ្ធិមនុស្ស»។

នៅក្នុងប្រវត្តិការងាររបស់លោក ដំបូងឡើយ អតីតមេដឹកនាំរូបនេះ ធ្លាប់បានធ្វើជា​នាយកគ្រប់គ្រង ផ្នែកទេសចរណ៍ នៅក្នុង​ប្រទេស​ហ្គាណា ដែលជាមាតុភូមិ​របស់លោក​ ដែលមានរយៈពេល តែប៉ុន្មានឆ្នាំ​ប៉ុណ្ណោះ។

បន្ទាប់ពីនោះមក លោកបានចំណាយពេល សឹងតែទាំងស្រុង ប្រមាណជា៤០ឆ្នាំ នៃជីវិតលោក ដើម្បីបម្រើការ​​នៅក្នុងអង្គការ​សហប្រជាជាតិ។ លោកបានដឹកនាំ ផ្នែក​ធនធានមនុស្ស  បន្ទាប់មក ផ្នែកកិច្ចការហិរញ្ញវត្ថុ របស់អង្គការសហប្រជាជាតិ មុននឹងចូលប្រឡូក ចាប់តាំង​ពីឆ្នាំ១៩៩៣ ក្នុងកិច្ចការថែរក្សាសន្តិភាព និងដាក់បេក្ខភាពរបស់លោក នៅបួនឆ្នាំក្រោយមក ដើម្បីក្លាយខ្លួន​ជាអគ្គលេខាធិការ នៃស្ថាប័ន​ពិភពលោក​ដ៏កំពូលមួយនេះ។



លំអិតបន្ថែមទៀត

កម្ពុជា

អ.ស.ប ស្នើ​កម្ពុជា​ឲ្យគិតដល់ ជនពិការ ក្នុង​ការទប់ស្កាត់​ជំងឺ​«Covid-19»

ជនពិការ ក៏ជាពលរដ្ឋម្នាក់ដែរ។ ដូច្នេះ «មិនគួរទុក នរណាម្នាក់ចោលឡើយ»។ នេះ ជាការលើកឡើងរបស់ ការិយាល័យឧត្តមស្នងការ អ.ស.ប ទទួលបន្ទុកសិទ្ធិមនុស្ស (OHCHR) ប្រចាំនៅប្រទេសកម្ពុជា ក្នុងខណៈរដ្ឋាភិបាលកម្ពុជា ...
ពីឆ្វេងទៅស្ដាំ៖ អ្នកស្រី រ៉ូណា ស្មីត និងអ្នកស្រី ម៉ារី លោវល័រ អ្នករាយការណ៍ពិសេស អង្គការសហប្រជាជាតិ ស្ដីទីស្ថានភាពសិទ្ធិមនុស្ស។ (រូបថត UN)
កម្ពុជា

អ្នកជំនាញ អ.ស.ប ៦រូប ប្រតិកម្មនឹង​ការចាប់ខ្លួន​មនុស្ស​នៅកម្ពុជា

អ្នកជំនាញសិទ្ធិមនុស្ស របស់អង្គការសហប្រជាជាតិ (អ.ស.ប) ចំនួន ៦រូប បានផ្ញើលិខិតរួម ដ៏វែងអន្លាយមួយ ជូនរដ្ឋមន្រ្តីក្រសួងការបរទេសកម្ពុជា ទាក់ទងនឹងការចាប់ខ្លួន ការឃុំខ្លួន ការបំភិតបំភ័យ ការឈ្លបមើល ការគំរាមកំហែង ...
កម្ពុជា

អ្នកជំនាញ អ.ស.ប៖ ការឃុំខ្លួនយុវជន៧រូប ធ្វើឡើងដោយ​«បំពាន»

ការឃុំខ្លួនយុវជន៧រូប (ក្នុងនោះមានព្រះសង្ឃ១អង្គ) ទំនងជាត្រូវបានធ្វើ ដោយ«បំពាន»។ នេះ បើតាម​ការលើក​ឡើង របស់ក្រុមអ្នកជំនាញ​ខាងសិទ្ធិមនុស្ស របស់អង្គការសហប្រជាជាតិ ដោយជំរុញ​ទៅអាជ្ញាធររបប​ក្រុងភ្នំពេញ ឲ្យដោះលែងពួកគេ​ឲ្យនៅក្រៅឃុំ ដោយអនុលោម​​តាមច្បាប់ជាតិ និងអន្តរជាតិ។ ក្រុមអ្នកជំនាញទាំងនោះ ...

យល់ស៊ីជម្រៅផ្នែក របាយការណ៍

របាយការណ៍

ម៉ារីលីន ម៉ុនរ៉ូ ៖ មរណភាព​ដែលពោរពេញ​ដោយអាថ៌កំបាំង

របាយការណ៍

ពេលដែលទូរទស្សន៍​របស់កូនស្រី​នាយករដ្ឋមន្ត្រី ផ្សាយតួលេខខុស …

ដំរីជើងបួន… សម្រាប់ទូរទស្សន៍បាយ័ន្ដ «BTV» របស់អ្នកស្រី ហ៊ុន ម៉ាណា កូនស្រីនាយករដ្ឋមន្ត្រី ដែលបាន​«ផ្សាយតួលេខខុស» ជុំវិញការឆ្លងរាតត្បាត នៃជំងឺកូវីដ-១៩ (Covid-19) នៅក្នុងជួរកងទ័ព ដែលជាការស្រង់​សំដី​លោក ...
របាយការណ៍

នេត សាវឿន និង​គ្រួសារ​«ទិញ​ផ្ទះ​នៅក្រៅ​ប្រទេស ថ្លៃជាង​១៥លាន​ដុល្លារ»

លោកនាយឧត្ដមសេនីយ នេត សាវឿន និងគ្រួសារ ដែលជាសាច់ឈាម ជិតដិតនឹងលោកនាយករដ្ឋមន្ត្រី ហ៊ុន សែន ត្រូវបានស្រាវជ្រាវ​រកឃើញថា បានដើរ«ទិញ​ផ្ទះ​នៅក្រៅ​ប្រទេស ដោយប្រើទឹកប្រាក់ ប្រមាណជាង ១៥លានដុល្លារ​អាមេរិក»។ ...

Comments are closed.