នរណាខ្លះគាំទ្រប្រធានាធិបតីទាំងពីរនៅ វេណេស៊ុយអេឡា

Loading...

(ចុចលើទំព័រមុន ដើម្បីអានរបាយការណ៍នេះ ពីដំបូងមកវិញ)

រ៉ន់ ហ្គេឌូ ប្រធានាធិបតីស្ដីទី

– រដ្ឋសភាជាតិ

រដ្ឋសភាជាតិ ដែលមានសមាជិកសភាភាគច្រើន ចេញពីគណបក្សប្រឆាំង មាននីតិកាលថ្មី ក្នុងឆ្នាំ២០១៥ និងបានជ្រើសតាំងលោក រ៉ន់ ហ្គេឌូ ឲ្យធ្វើជាប្រធានរដ្ឋសភា ក្នុងថ្ងៃទី៥ ខែមករា ឆ្នាំ២០១៩ថ្មីៗនេះ។ បន្ទាប់មក លោក ហ្គេឌូ បានអំពាវនាវ​ឲ្យបង្កើត​រដ្ឋាភិបាលអន្តរកាល​មួយ និងស្នើឲ្យមានការលើកលែងទោស ទៅដល់យោធា ដើម្បីបំបែកភក្ដីភាពរវាងកងទ័ព និងលោក នីកូឡា ម៉ាឌូរ៉ូ។

ក្នុងឋានៈលោក ជាប្រធានរដ្ឋសភា លោក ហ្គេឌូ បានចាត់ទុកលោក ម៉ាឌូរ៉ូ ថាជា«ចោរប្លន់អំណាច» ដែលប្រើអំណាចខ្លួន គ្រប់សង្កត់ទៅលើការសម្រេច របស់តុលាការកំពូល។

– ប្រព័ន្ធយុត្តិធម៌នៅក្រៅប្រទេស

តុលាការកំពូលមួយផ្សេងទៀត ត្រូវបានជ្រើសតាំងឡើង ដោយរដ្ឋសភាជាតិបច្ចុប្បន្ន តែមានទីតាំងនៅក្រៅប្រទេស។ ប្រព័ន្ធយុត្តិធម៌មួយនេះ បានប្រកាសគាំទ្រលោក រ៉ន់ ហ្គេឌូ កាលពីពុធ សប្ដាហ៍មុនភ្លាមៗ ក្រោយមេបក្សប្រឆាំងរូបនេះ បានប្រកាសខ្លួន ធ្វើជាប្រធានាធិបតីស្ដីទី។

អតីតអគ្គរដ្ឋអាជ្ញាជាតិ លោក «Luisa Ortega» ដែលធ្លាប់ជាមនុស្សជំនិត របស់អតីតប្រធានាធិបតី លោក ហ៊ុយហ្គោ ឆាវេស និងដែលបានងាក​មកប្រឆាំង នឹងរបបដឹកនាំលោក នីកូឡា ម៉ាឌូរ៉ូ ក៏បានប្រកាសគាំទ្រលោក រ៉ន់ ហ្គេឌូ ពីក្រៅប្រទេសដែរ៕

1 2 3
Loading...

មតិយោបល់