កីឡា និងបច្ចេកវិទ្យាបច្ចេកវិទ្យា

ហ្វេសប៊ុក​អះអាងថា ពិតជាមាន​ចោរ​«លួចចូលទៅគ្រប់គ្រង»​ទំព័រ ហ៊ុន សែន

ទំព័រហ្វេសប៊ុករបស់លោកនាយករដ្ឋមន្ត្រី ហ៊ុន សែន ដែលមានអ្នកតាមដានប្រមាណជា ១១លាននាក់ ពិតជាត្រូវបានចោរ នៅលើបណ្ដាញអ៊ិនធើណែត លួចចូលទៅគ្រប់គ្រង នោះមែន។ នេះ បើតាមការអះអាងរបស់ក្រុមហ៊ុនហ្វេសប៊ុក ពីសហរដ្ឋអាេមរិក ដែលត្រូវបានស្រង់សំដីដោយវិទ្យុអាស៊ីសេរី។

កាលពីថ្ងៃទី២៥ ខែកុម្ភៈ ឆ្នាំ២០១៩កន្លងទៅ សារព្រមានដ៏ចម្លែកមួយ ត្រូវបានបង្ហោះចេញពីទំព័រហ្វេសប៊ុកលោក ហ៊ុន សែន និងមានខ្លឹមសារជាអាទិ៍ថា៖

«ក្រុមហ៊ុន ហ្វេសប៊ុក បានលុបនិងព្យាយាមបិទគណនីរបស់ខ្ញុំ។ តែខ្ញុំ ហ៊ុន សែន សូមប្រាប់ទៅវិញថា “បើអ្នកឯងហ៊ានបិទហ្វេសប៊ុករបស់ខ្ញុំ ខ្ញុំនិងបិទលែងឲ្យប្រើហ្វេសប៊ុកនៅស្រុកខ្មែរ”។»

ក្រោយបន្តិចមក សារខាងលើត្រូវបានជំនួស ដោយសារមួយទៀត មានសេចក្ដីថា៖

«នៅមុននេះបន្តិច មានក្រុមឧក្រិដ្ឋកម្មបច្ចេកវិទ្យា (Hacker) បានចូលមកលួច “Account Facebook” ខ្ញុំ ហើយបានលួចលុបទិន្នន័យព័ត៌មាន អស់មួយចំនួនធំ។ ពេលនេះ ខាងក្រុមហ៊ុន “Facebook” កំពុងសើបអង្កេតជនអគតិ ដែលមានចេតនាអាក្រក់បំពុល និងបំផ្លាញព័ត៌មាននៅក្នុងសង្គមជាតិយើង។»

«លួចចូលទៅគ្រប់គ្រង» ញឹកពេកទេដឹង?

ការលើកឡើងដែលថា មាន«ក្រុមឧក្រិដ្ឋកម្មបច្ចេកវិទ្យា (Hacker) បានចូលមកលួច “Account Facebook”»របស់លោកនោះ ត្រូវបានបញ្ជាក់ដោយក្រុមហ៊ុន ហ្វេសប៊ុក កាលពីម្សិលម៉ិញ។ វិទ្យុអាស៊ីសេរីបានស្រង់ការបញ្ជាក់នោះ មកសរសេរថា៖

«ទំព័រ​ហ្វេសប៊ុក​របស់​លោក ហ៊ុន សែន ពិតជា​មាន​គេ​ចូល​លួច​កាន់កាប់​មែន។ មន្ត្រី​ព័ត៌មាន​របស់​ក្រុមហ៊ុន​ហ្វេសប៊ុក បាន​បញ្ជាក់​ថា ក្រុមហ៊ុន Facebook ក៏បាន​ធ្វើការ​ជាមួយ​ក្រុមការងារ​គ្រប់គ្រង​ទំព័រ​ហ្វេសប៊ុក​ផ្លូវការ​ របស់​លោក ហ៊ុន សែន ដើម្បី​ជួយ​ពួកគេ​ឱ្យ​មាន​លទ្ធភាព​ អាច​មក​គ្រប់គ្រង​ទំព័រ​ហ្វេសប៊ុក​របស់​លោក ហ៊ុន សែន ឡើងវិញ​បាន​ ដោយ​ជោគជ័យ។»

យ៉ាងណា ហេតុការណ៍នៃការលួចទំព័រ យកទៅគ្រង់គ្រង់នេះ ហាក់កើតឡើងជាញឹកញាប់ណាស់ ទៅលើទំព័រហ្វេសប៊ុកលោក ហ៊ុន សែន ដែលបង្កឲ្យមានមន្ទិល ជុំវិញសមត្ថភាពផ្នែកបច្ចេកវិទ្យា របស់ក្រុមការងារហ្វេសប៊ុក​របស់លោក។ កន្លងមកលោក ហ៊ុន សែន ខ្លួនឯង ថែមទាំងបានប្រកាស​អួតអាងទៀតថា រដ្ឋាភិបាលរបស់លោក ប្រើពេលតែ៧នាទីប៉ុណ្ណោះ ក្នុងការរកមុខជនប្រព្រឹត្តិបទល្មើស នៅតាមបណ្ដាញសង្គម៕



លំអិតបន្ថែមទៀត

កម្ពុជា

សម រង្ស៊ី ថាហ្វេសប៊ុក​គ្រោង​«បិទគណនី ហ៊ុន សែន»

មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានឲ្យដឹងថា ក្រុមហ៊ុនម្ចាស់បណ្ដាញសង្គមធំជាងគេ មានគម្រោង«បិទគណនី»របស់លោក ហ៊ុន សែន ដែលជាហេតុធ្វើឲ្យបុរសខ្លាំងកម្ពុជា ដែលអង្គុយក្នុងតំណែងជានាយករដ្ឋមន្ត្រី ជាច្រើនសិបឆ្នាំមកនោះ ក្ដៅក្រហាយរហូតធ្វើការព្រមាន ...
កម្ពុជា

សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ...
កម្ពុជា

ការតែងតាំង ហុ៊ន ម៉ាណែត «តាម​ទំនើងចិត្ត» ជា​«លក្ខន្តិកៈ​ឧក្រិដ្ឋកម្ម»

ការតែងតាំងលោក ហ៊ុន ម៉ាណែត ជាកូន ឲ្យមានតំណែងឡើងខ្ពស់ ជាបន្តបន្ទាប់ ពី​សំណាក់​លោក ហ៊ុន សែន ជាឪពុកត្រូវបានអ្នកវិភាគ មើលឃើញជាការតែងតាំង តាមតែ​អំណាចទំនើងចិត្ត ដែលជា«លក្ខន្តិកៈ​ឧក្រិដ្ឋកម្ម»ប្រជាធិបតេយ្យផ្ទៃក្នុង។ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.