ដូចប្រព័ន្ធផ្សព្វផ្សាយអង់គ្លេស បានជូនដំណឹងមុនខ្លះៗរួចហើយ គ្រូបង្វឹកជាតិព័រទុយហ្គាល់ លោក «Nuno Espirito Santo» ត្រូវបានក្រុម«មាន់ខ្នាយមាស» ថូថេនហាម (Tottenham FC – អង់គ្លេស) បណ្ដេញចេញពីតំណែង នៅព្រឹកថ្ងៃចន្ទ ទី១ ខែវិច្ឆិកា ឆ្នាំ២០២១នេះ។

ការបញ្ឈប់តំណែង របស់គ្រូបង្វឹកជាតិព័រទុយហ្គេ អាយុ៤៧ឆ្នាំ ធ្វើឡើងពីរថ្ងៃក្រោយក្រុម មាន់ខ្នាយមាស បានប្រកួតចាញ់ក្រុម មែនឆេស្ទ័រយូណាយធីត (Manchester United – អង់គ្លេស) ដោយពិន្ទុ៣-០ នៅក្នុងកីឡដ្ឋានរបស់ខ្លួន ក្របខណ្ឌ«Premier League»។

លោក«Nuno Espirito Santo» ត្រូវបានតែងតាំង ជាគ្រូបង្វឹករបស់ក្រុម នៅចុងខែមិថុនា ឆ្នាំ២០២១ បន្តពីលោក «José Mourinho» ដែលត្រូវបានបណ្ដេញចេញ តាំងពីពាក់កណ្ដាលខែមេសា ឆ្នាំដដែល។ ក្នុងរយៈពេលប៉ុន្មានខែមកនេះ លោក«Nuno» បានដឹកនាំក្រុមមាន់ខ្នាយមាស ឲ្យទទួលបានចំណាត់ថ្នាក់ត្រឹមតែលេខ៨ នៃក្របខណ្ឌ«Premier League» និងឈរនៅលេខ៣ ក្នុងពូលប្រកួត នៃក្របខណ្ឌ «Europa Conference League»។

នៅក្នុងសេចក្ដីប្រកាសព័ត៌មាន របស់ក្រុមថូថេនហាម ដែលប្រកាសពីការបញ្ឈប់គ្រូបង្វឹក ចេញផ្សាយនៅមុននេះបន្តិច អគ្គនាយកបាល់ទាត់របស់ក្រុម លោក «Fabio Paratici» បានលើកឡើងថា៖

«ខ្ញុំដឹងថា លោក”Nuno” និងក្រុមការងាររបស់គាត់ មានបំណងយ៉ាងមុតមាំ ដើម្បីស្វែងរកភាពជោគជ័យ មកឲ្យក្រុម។ តែខ្ញុំសោកស្ដាយ ដោយសារយើងចាំបាច់ ត្រូវធ្វើការសម្រេចចិត្ត (ក្នុងការបញ្ឈប់លោក ពីតំណែង)។ លោក”Nuno” គឺជាសុភាពបុរស ដ៏អស្ចារ្យម្នាក់ ហើយលោកនឹងទទួលបាន ការស្វាគមន៍ជានិច្ច នៅទីនេះ។ យើងសូមថ្លែងអរគុណលោក និងក្រុមការងារ ជាពិសេសជូនពរពួកគេ ឲ្យមានសំណាងល្អ នាពេលអនាគត។»

សម្រាប់បេក្ខជន ដែលអាចមកបន្តតំណែង​ជាគ្រូបង្វឹក ត្រូវបានប្រព័ន្ធផ្សព្វ​ផ្សាយអង់គ្លេសបង្ហើបថា គឺទំនងជាលោក«Antonio Conte» អតីតគ្រូបង្វឹកមាត់ដាច ជាតិអ៊ីតាលី របស់ក្រុមតោខៀវ ឆែលស៊ី (Chelsea FC – អង់គ្លេស)។ នៅវេលានេះ លោក«Antonio Conte» កំពុងនៅទំនេរនៅឡើយ៕



You may also like

កីឡា និងបច្ចេកវិទ្យា

លីវើភូល បំបាក់ គ្រីស្ដាល់ផាឡាស យ៉ាងចាស់ដៃ ៧-០

៧-០ ជាគ្រាប់បាល់ ដែលក្រុមហង្សក្រហម លីវើភូល (Liverpool) បានបំបាក់ក្រុម គ្រីស្ដាល់ផាឡាស (Crystal Palace) ដល់ផ្ទះក្រុមនេះ កាលពីយប់​​ថ្ងៃទី១៩ ខែធ្នូ ក្នុងការប្រកួតជុំទី១៤ ...
កីឡា និងបច្ចេកវិទ្យា

មេនស៊ីធី ចាញ់ ឆែលស៊ី ១-២ ធ្វើឲ្យ លីវើភូល ក្លាយជា​ជើងឯក​រដូវកាល​នេះ

ជ័យជំនះ២-១​របស់ក្រុម ឆែលស៊ី (Chelsea) លើក្រុម មេនឆេស្ទ័រស៊ីធី (Manchester City) ក្នុងយប់នេះ បានជួយឲ្យក្រុម លីវើភូល (Liverpool) ដែលមានពិន្ទុលើសក្រុម មេនស៊ីធី ...
កីឡា និងបច្ចេកវិទ្យា

«ឆ្មារមួយក្បាល ដើរបង្ហាញរាង»​នៅក្នុង​ការប្រកួត​បាល់ទាត់ នៅអង់គ្លេស

នៅខណៈពេលក្រុម «Everton» និងក្រុម «Wolverhampton» កំពុងប្រកួតសម្រាប់ក្របខណ្ឌបូកពិន្ទុ «Premier League» ដណ្ដើមជើងឯក​នៅអង់គ្លេស ឆ្មារមួយក្បាល បានដើរចូលក្នុងក្នុងទីលានប្រកួត នៃកីឡដ្ឋាន «Goodison Park» ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...