សម្រាប់ក្រុម​ជម្រើសជាតិ កំពូលខ្សែប្រយុទ្ធជាតិព័រទុយហ្គាល់ កីឡាករ គ្រីស្យ៉ាណូ រ៉ូណាល់ដូ (Cristiano Ronaldo) បានក្លាយជាកីឡាករ ដែលរកគ្រាប់បាល់​បាន១០៩គ្រាប់ ស្មើកីឡាករ«Ali Daei» អតីត​ខ្សែប្រយុទ្ធ​ជាតិអៀរ៉ង់ ដែល​មុន​មកដល់ថ្ងៃនេះ ជាកីឡាករដែលរកគ្រាប់បាល់​ បានច្រើនជាងគេ ក្នុងប្រវត្តិក្រុម​បាល់ទាត់​ជម្រើសជាតិ​នានា នៅក្នុង​ពិភពលោក។

គ្រាប់បាល់ទី១០៨ និងទី១០៩ ត្រូវបានកីឡាករ រ៉ូណាល់ដូ អាយុ៣៦ឆ្នាំ រកបាល់ក្នុងយប់ថ្ងៃពុធ ទី២៣ ខែមិថុនា​នេះ ពីក្នុងការប្រកួត វគ្គជម្រុះក្នុងពូល«F» រវាងក្រុមព័រទុយហ្គាល់ និងក្រុមមាន់គកបារាំង ដែលទទួលលទ្ធផល នៅទីបំផុត​ដោយគ្រាប់បាល់ ២-២។

លទ្ធផលស្មើខាងលើ អនុញ្ញាតឲ្យក្រុមទាំងពីរ (បារាំងជាប់លេខ១ ខណៈព័រទុយហ្គាល់ជាប់លេខ២ នៅក្នុងក្រុម) ទទួលបានសំបុត្រ ឡើងទៅទាត់នៅវគ្គ១/៨ (ឬវគ្គ១៦ក្រុម) ជាបន្តទៀត។

ចាប់ពីពេលនេះ ប្រសិនជាកំពូលខ្សែប្រយុទ្ធ ម្ចាស់បាល់មាស៥ជំនាន់ រកបានត្រឹមតែ១គ្រាប់បន្ថែមទៀត នៅក្នុង​ការប្រកួត​ខាងមុខ កីឡាកររូបនេះ នឹងក្លាយជាកីឡាករទាត់បាល់បញ្ចូលទី បានច្រើនជាងគេបំផុត ក្នុងប្រវត្តិ​បាល់ទាត់​ពិភពលោក (ក្របខណ្ឌក្រុមជម្រើសជាតិ)។

គ្រាន់តែនៅក្នុង​ព្រឹត្តិការណ៍ «Euro Cup 2020» ឆ្នាំ២០២១​នេះ កីឡាករ រ៉ូណាល់ដូ បានទាត់​បញ្ចូលទី បាន៥គ្រាប់ (១៤គ្រាប់ បើរាប់តាំង​ពីប្រកួតជម្រុះ​តាមតំបន់) ដែលជាគ្រាប់បាល់​​ច្រើនជាងគេ​បង្អស់ សម្រាប់ក្រុម​ជម្រើសជាតិ ។

ខាងក្រោមនេះ ជាឈ្មោះកីឡាករ ទាំង១០ និងតួលេខគ្រាប់បាល់ ដែលពួកគេររកបាន​ច្រើនជាងគេ ពីក្នុងការប្រកួត​ក្របខណ្ឌ​ក្រុម​ជម្រើសជាតិ៖

  • កីឡាករ«Ali Daei» ជាតិអៀរ៉ង់ រកបាន១០៩គ្រាប់ ពីចំណោម១៤៩ប្រកួត
  • កីឡាករ«Cristiano Ronaldo» ជាតិព័រទុយហ្គាល់ រកបាន់១០៩គ្រាប់ ពីចំណោម១៧៧ប្រកួត
  • កីឡាករ«Mokhtar Dahari» ជាតិម៉ាឡេស៊ី រកបាន៨៩គ្រាប់ ពីចំណោម១៤២ប្រកួត
  • កីឡាករ«Ferenc Puskás» ជាតិហុងគ្រី រកបាន៨៤គ្រាប់ ពីចំណោម៨៥ប្រកួត
  • កីឡាករ«Godfrey Chitalu» ជាតិហ្សំប៊ី រកបាន៧៩គ្រាប់ ពីចំណោម១១១ប្រកួត
  • កីឡាករ«Hussein Saeed» ជាតិអៀរ៉ាក់ រកបាន៧៨គ្រាប់ ពីចំណោម១៣៧ប្រកួត
  • កីឡាករ«Pelé» ជាតិប្រេស៊ីល រកបាន៧៧គ្រាប់ ពីចំណោម៩២ប្រកួត
  • កីឡាករ«Ali Mabkhout» ជាតិអារ៉ាប់អេមៀរ៉ាត់ រកបាន៧៦គ្រាប់ ពីចំណោម៩២ប្រកួត
  • កីឡាករ«Sándor Kocsis» ជាតិហុងគ្រី រកបាន៧៥គ្រាប់ ពីចំណោម៦៨ប្រកួត
  • កីឡាករ«Kunishige Kamamoto» ជាតិជប៉ុន រកបាន៧៥គ្រាប់ ពីចំណោម៧៦ប្រកួត៕


លំអិតបន្ថែមទៀត

កីឡា និងបច្ចេកវិទ្យា

មែន-ស៊ីធី អាចត្រូវ​«UEFA»​ព្យួរចេញ​ពីការប្រកួត​ក្របខណ្ឌ​អ៊ឺរ៉ុប

ម្ចាស់ជើងឯកពីរជំនាន់ ក្របខណ្ឌបូកពិន្ទុ របស់ចក្រភពអង់គ្លេស ក្រុមបាល់ទាត់ មែនឆេស្ទ័រ-ស៊ីធី (Manchester City) អាចត្រូវបណ្ដេញចេញមួយរដូវកាល ពីការប្រកួតក្របខណ្ឌអ៊ឺរ៉ុប ជាពិសេសពីក្របខណ្ឌ «Champions League» បន្ទាប់ពីក្រុមមួយនេះ ...
កីឡា និងបច្ចេកវិទ្យា

«UEFA» ​បណ្ដេញ​ក្រុមរ៉ុស្ស៊ី​ទាំងអស់ ចេញពី​រាល់ការប្រកួត​ឆ្នាំក្រោយ

សង្គ្រាមនៅ​អ៊ុយក្រែន៖ សង្គ្រាមឈ្លានពានអ៊ុយក្រែន បន្តធ្វើឲ្យខាតបង់ កាន់តែធ្ងន់ធ្ងរថែមទៀត ដល់វិស័យកីឡាបាល់ទាត់របស់ប្រទេសរ៉ុស្ស៊ី។ សហភាពបាល់ទាត់អ៊ឺរ៉ុប ហៅកាត់ថា«UEFA» បានសម្រេចនៅថ្ងៃចន្ទនេះ បណ្ដេញ​ក្រុមរ៉ុស្ស៊ី​ទាំងអស់ (ទាំងក្រុមអាជីព ក្រុមជម្រើសជាតិ ទាំងបុរស ទាំងស្ត្រី ...
កីឡា និងបច្ចេកវិទ្យា

«FIFA» មិនទទួលស្គាល់ «SuperLeague» និងគម្រាម​ដាក់ទណ្ឌកម្ម

សហព័ន្ធបាល់ទាត់ពិភពលោក «FIFA» បានប្រកាសនៅថ្ងៃព្រហស្បត្តិ៍ ទី២១ ខែមករានេះ មិនទទួលស្គាល់ក្របខណ្ឌ «SuperLeague» ដែលត្រូវបានសារព័ត៌មាន យកមកផ្សាយថា ជាការផ្ដួចផ្ដើមឡើង របស់ក្រុមបាល់ទាត់យក្សមួយចំនួន នៅអ៊ឺរ៉ុប។ ស្ថាប័នអន្តរជាតិ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.