បន្ទាប់ពីបានធ្វើឲ្យទន្ទឹង តាំងពីរសៀលថ្ងៃអាទិត្យមក កំពូលខ្សែប្រយុទ្ធ ម្ចាស់បាល់មាស៦ជំនាន់ នឹងមកដល់​រដ្ឋធានី ប៉ារីស ក្នុងប៉ុន្មានម៉ោង​ខាងមុខ (ថ្ងៃអង្គារទី១០ ខែសីហា) តាមជើងយន្ដហោះឯកជនមួយ។ ជាព័ត៌មានក្ដៅ ដែល​បាន​​បង្កភាពរំជើបរំជួល នៅក្នុងពិភពបាល់ទាត់អ៊ឺរ៉ុប តាំងពីច្រើនថ្ងៃមក។

រូបភាពតាមកញ្ចក់ទូរស្សន៍នានា បានបង្ហាញថា កំពូលកីឡាករ លីយ៉ូនែល ម៉េស៊ី (Lionel Messi) និង​ក្រុមគ្រួសារ បានឡើងយន្ដហោះឯកជន ដើម្បីហោះចាកចេញ ពីព្រលានយន្ដហោះ នៃក្រុងបាសឺឡូន (Barcelonne – ប្រទេស​អេស្ប៉ាញ) ដើម្បីមកដល់ព្រលានយន្ដហោះ ប៊ួរហ្សេ (Bourget ព្រលានយន្ដហោះ ស្ថិតនៅ​ខាងជើង​រដ្ឋធានី ប៉ារីស) នៅម៉ោងប្រមាណជា១៥ រសៀលថ្ងៃដដែលនេះ។

ប្រព័ន្ធផ្សព្វផ្សាយធំៗ ទាំងក្នុងប្រទេសអេស្ប៉ាញ និងនៅក្នុងប្រទេសបារាំង បានអះអាងថា អតីតខ្សែប្រយុទ្ធ​របស់​ក្រុម បាសឺឡូន ទទួលភ្លើងខៀវ​ពីមេធាវីរបស់ខ្លួន ហើយនឹងចុះហត្ថលេខាទាត់ឲ្យក្រុម ប៉ារីស (Paris Saint Germain) របស់​ប្រទេសបារាំង សម្រាប់រយៈពេល២ឆ្នាំទៅមុខ ហើយអាចបន្តបាន​មួយឆ្នាំបន្ថែមទៀត។ កីឡាករនឹង​ទទួលបាន​ប្រាក់បៀវត្សរ៍ ប្រមាណជា៣៥លានអ៊ឺរ៉ូ ក្នុងមួយរដូវកាល។

បន្ទាប់ពីជាន់ជើង ដល់រដ្ឋធានីប៉ារីស កីឡាករនឹងត្រូវ​ឆ្លងកាត់​ការត្រួតពិនិត្យសុខភាព នៅមន្ទីរពេទ្យ«Americain» ដែល​ជំនាញខាងកីឡា មុននឹងចុះហត្ថលេខា ទៅលើកិច្ចសន្យាដែលបានព្រមព្រៀងគ្នារួច ជាមួយក្រុម​បាល់ទាត់​យក្សបារាំង ដែលសម្បូរដោយកីឡាករល្បីៗ ដូចយ៉ាងកីឡាករ ណីម៉ា (Neymar) អ៊ឹមបាពេ (Kylianne Mbappe) ឌីម៉ារីយ៉ា (Angel Di-maria) ឬ រ៉ាម៉ូស (Siergio Ramos) ជាដើម។

តារាបាល់ទាត់​អាយុ៣៤ឆ្នាំ នឹងបង្ហាញខ្លួនជាសាធារណៈ និងថ្លែងជាផ្លូវការ នៅក្នុងសន្និសីទសារព័ត៌មានមួយ ដែលរៀបចំ​ឡើង​ដោយក្រុម ប៉ារីស នៅព្រឹកថ្ងៃពុធស្អែក៕



You may also like

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...
កីឡា និងបច្ចេកវិទ្យា

លូកា ម៉ូឌ្រិក ឈ្នះ​ជា​ម្ចាស់​«បាល់មាស»​ឆ្នាំ២០១៨

ខ្សែបម្រើប្រកបដោយទេពកោសល្យ របស់ក្រុមរៀលម៉ាឌ្រីត (Real Madrid) និងក្រុមជម្រើសជាតិ នៃប្រទេសក្រូអាស៊ី កីឡាករ លូកា ម៉ូឌ្រិក (Luka Modric) បានបន្តតំណែង ពីកំពូលខ្សែប្រយុទ្ធ ...
កីឡា និងបច្ចេកវិទ្យា

គ្មាន​ព្រឹត្តិការណ៍​«បាល់មាស»​ទេ ក្នុងឆ្នាំ​២០២០នេះ ព្រោះ​«Covid-19»

ក្នុងឆ្នាំ​២០២០នេះ ព្រឹត្តិការណ៍«បាល់មាស» នឹងមិនប្រព្រឹត្តិទៅ ដូច​រៀងរាល់ឆ្នាំ​កន្លង​មក​ទេ ក្រោមហេតុផល បណ្ដាលពីវិបត្តិជំងឺរាតត្បាត «Covid-19»។ នេះ បើតាម​សេចក្ដី​ប្រកាស​ព័ត៌មាន របស់សហគ្រាស ទស្សនាវដ្ដី «France Football» ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...