កីឡា និងបច្ចេកវិទ្យាបាល់ទាត់

ក្រុម«ស្ពឺ»ហាលអាវ​ជាស្ថាពរ បន្ទាប់ពី​ចាញ់​«គោជល់»​អាល្លឺម៉ង់ ៣-០

៣-០ ៖ ខុសពីរដូវកាលមុន ដែលឈានដល់គផ្ដាច់ព្រ័ត្រ ក្នុងឆ្នាំនេះ ក្រុម ស្ពឺ (Tottenham FC – អង់គ្លេស) បានបញ្ចប់ក្របខណ្ឌ​ដណ្ដើមជើងឯកអ៊ឺរ៉ុប «Champions League» ប្រចាំរដូវកាល នៅត្រឹមតែក្នុងវគ្គ១ភាគ៨ផ្ដាច់ព្រ័ត្រ បន្ទាប់ពីចាញ់ក្រោមថ្វីជើង ដ៏ខ្លាំងអស្ចារ្យ របស់ក្រុម«គោជល់»អាល្លឺម៉ង់ (Red Bull Leipzig – អាល្លឺម៉ង់)។

នៅក្នុងការប្រកួត «ទៅ» កាលពី៣សប្ដាហ៍មុន នៅក្នុងកីឡដ្ឋាន «Tottenham Hotspur» ដែលជាផ្ទះខ្លួនឯង ក្រុម ស្ពឺ បានចាញ់ក្រុម ឡេបហ្សីព ដោយពិន្ទុ ១-០ រួចទៅហើយ។

តែក្រុមបាល់ទាត់អង់គ្លេសមួយនេះ បានចាញ់ក្រុមអាល្លឺម៉ង់ យ៉ាងជូរចត់ ដោយពិន្ទុ៣-០ ក្នុងយប់ថ្ងៃអង្គារ ទី១០ ខែមិនាម្សិលម៉ិញ នាកីឡដ្ឋាន «Red Bull Arena» ដែលជាផ្ទះរបស់គូប្រកួតខ្លួន។

នេះ ជាលទ្ធផលដ៏អាម៉ាសជាថ្មីទៀត សម្រាប់ក្រុម ស្ពឺ បន្ទាប់ពីត្រូវបានជម្រុះចេញ ពីក្របខណ្ឌដណ្ដើមពាន «FA Cup» កាលពីសប្ដាហ៍មុនរួច។ អ្វីដែលនៅសល់ គឺក្រុមនេះ ត្រូវដណ្ដើមកៅអីមួយ ពីក្នុងចំណោមកៅអីទាំងបួន នៅលើគេបំផុត សម្រាប់ក្របខណ្ឌ «Premier League» ដែលជាការប្រកួតបូកពិន្ទុ-វិលជុំ របស់ប្រទេសអង់គ្លេស។

ចំណាត់ថ្នាក់ខ្ពស់ទាំងបួននេះ អាចអនុញ្ញាតឲ្យក្រុមបាល់ទាត់ ចំនួនបួន ហក់ឡើងទៅទាត់ ក្នុងក្របខណ្ឌដណ្ដើមជើងឯកអ៊ឺរ៉ុប «Champions League» សម្រាប់រដូវកាលក្រោយ។

យ៉ាងណា ក្រុម ស្ពឺ ដឹកនាំដោយលោក មូរីនញ៉ូ (José Mourinho) នៅមានឱកាសច្រើននៅឡើយ។ ព្រោះថា ដើម្បីដណ្ដើមយកកៅអីលេខបួន (សព្វថ្ងៃជាតំណែង​របស់ក្រុម ឆែលស៊ី) ក្រុម ស្ពឺ ដែលមានពិន្ទុ៤១ (ចំណាត់ថ្នាក់លេខ៨) នៅក្រោមក្រុម ឆែលស៊ី (ចំណាត់ថ្នាក់លេខ៤) តែ៧ពិន្ទុទៀតប៉ុណ្ណោះ៕



លំអិតបន្ថែមទៀត

កីឡា និងបច្ចេកវិទ្យា

ណីម៉ា បន្ទោសអាជ្ញាកណ្ដាល ខណៈ ម៉ាគីញ៉ូស ថាជាពេលត្រូវ«ឆីលាមក»

«ពេលដែលត្រូវ… ឆីលាមក» – ក្ដីសុបិន្តដែលចង់ឈ្នះជាជើងឯកអ៊ឺរ៉ុប របស់ក្រុមប៉ារីស (Paris Saint-Germain – បារាំង) បានរលាយជាថ្មីទៀត ក្នុងឆ្នាំនេះ បន្ទាប់ពីប្រកួតចាញ់ក្រុម មែនញូ ...
កំសាន្ដ

អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង ...
កីឡា និងបច្ចេកវិទ្យា

[ផ្លូវការ] ក្រុមអ្នកមានបុណ្យ បញ្ឈប់គ្រូបង្វឹក «Setién»

ប៉ុន្មានថ្ងៃក្រោយការបាក់មុខ នៅក្នុងក្របខណ្ឌ «Champions League» ក្រុមបាសឺឡូន (FC Barcelone – អេស្ប៉ាញ) បានបញ្ឈប់គ្រូបង្វឹក «Quique Setién» នៅល្ងាច​ថ្ងៃចន្ទ​ទី១៧ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.