កីឡា និងបច្ចេកវិទ្យាបាល់ទាត់

Champions League ៖ លីយ៉ុង-បាសឺឡូន រកមួយគ្រាប់គ្មាន

បន្ទាប់ពីមិនបានឆ្លងវគ្គ សម្រាប់ក្របខណ្ឌ​ដណ្ដើមជើងឯកអ៊ឺរ៉ុប «Champions League» អស់រយៈពេល​ជាច្រើនឆ្នាំ​កន្លងមក ក្រុមតោបារាំង លីយ៉ុង (Olympique Lyonnais – បារាំង) បានឡើងមកប្រកួត ក្នុងវគ្គ១ភគ៨ផ្ដាច់ព្រ័ត្រ ក្នុងឆ្នាំនេះ កាលពី យប់ម៉ិញ ទល់នឹងក្រុម បាសឺឡូន (FC Barcelona) នាកីឡាដ្ឋាន «Groupama Stadium» របស់ក្រុមលីយ៉ុង។

តែបើទោះជាក្រុម បាសឺឡូន ជាក្រុមបាល់ទាត់យក្សមួយ នៅអ៊ឺរ៉ុបក្ដី តែក្រុម លីយ៉ុង បានប្រកួតយ៉ាងប្ដូរផ្ដាច់ និងទប់ទល់រហូតដល់ទទួលបានលទ្ធផលស្មើ នៅទីបំផុត ហើយក្រុមទាំងសងខាង រកមិនបានសូម្បីតែមួយគ្រាប់។

លទ្ធផលក្នុងការប្រកួត«ទៅ»នេះ (០-០) នឹងអនុញ្ញាតឲ្យក្រុមតោបារាំង នៅមានក្ដីសង្ឃឹម​ច្រើននៅឡើយ ក្នុងការប្រកួត«ត្រឡប់» រវាងក្រុមទាំងពីរ នៅ៣សប្ដាហ៍ខាងមុខ ដោយទម្លាក់ក្រុមអ្នកមានបុណ្យ បាសឺឡូន នៅក្នុងកីឡដ្ឋាន «Champ Nou» របស់ក្រុមនេះ។


សម្រាប់គូប្រកួត​«ទៅ»​មួយទៀត ក្នុងក្របខណ្ឌ«Champions League»តែមួយ រវាងក្រុម លីវើភូល (Liverpool FC – អង់គ្លេស) ទល់នឹងក្រុម បាយ៉ើន (Bayern Munich – អាល្លឺម៉ង់) នៅក្នុងកីឡដ្ឋាន «Anfield» របស់ក្រុមតោក្រហម ក៏រកមិនបានមួយគ្រាប់ ដូចគ្នាដែរ (០-០)។

ក្រុម លីវើភូល បានគ្រប់គ្រងសាច់បាល់បានច្រើន និងមានឱកាសរកគ្រាប់បាល់បានច្រើនដង តែខ្សែប្រយុទ្ធរបស់​ក្រុមតោក្រហមថ្ងៃនេះ មិនបានបង្ហាញថ្វីជើង ប្រកបដោយប្រសិទ្ធិភាព របស់ខ្លួនទេ។

ដូច្នេះ សម្រាប់ការប្រកួត«ត្រឡប់» នៅ៣សប្ដាហ៍ខាងមុខ ក្នុងកីឡដ្ឋាន «Allianz Arena» របស់ក្រុម បាយ៉ើន លទ្ធផលពិតជាពិបាកទាយដឹងណាស់ ហើយរឿងចាញ់ឈ្នះ អាចនឹងកើតមានសម្រាប់ក្រុមទាំងពីរ ដូចការប្រកួត លីយ៉ុង-បាសឺឡូន ដែរ៕



You may also like

កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...
កីឡា និងបច្ចេកវិទ្យា

ផ្អាក​ជាង​៣ខែ​ព្រោះ​«Covid-19» ក្រុមប៉ារីស​វិល​មកលត់​ក្រុម​អាវ្រ ៩-០

តែជ័យជំនះ ៩-០ មួយនេះ មិនគួរត្រូវបានអ្នកផងស្រែកអបអរទេ ដោយហេតុថា ក្រុម​អាវ្រ (Havre) ស្ថិតក្នុងក្របខណ្ឌ «Ligue 2» និងមានកីឡាករចូលទាត់ មិនគ្រប់​ជើង​ធំៗផងទេ ខណៈក្រុមប៉ារីស ...
កីឡា និងបច្ចេកវិទ្យា

ណីម៉ា សម្រេចបន្តនៅជាមួយក្រុម ប៉ារីស

បន្ទាប់ពីឆ្លងកាត់សង្គ្រាមប៉ាកកា អស់រយៈពេលជាច្រើនសប្ដាហ៍ ជុំវិញការវិលត្រឡប់ទៅក្រុម បាសឺឡូន (Barcelone FC) វិញនោះ នៅខណៈនេះ កីឡាករ ណីម៉ា ដែលមានតម្លៃខ្លួនខ្ពស់ជាងគេ បានសម្រេចបន្តនៅ ជាមួយក្រុម ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...