កីឡា និងបច្ចេកវិទ្យាបាល់ទាត់

អេដេន ហាហ្សា នាំ ឆែលស៊ី ឲ្យឈ្នះពាន «Europa League 2019»

បន្ទាប់ពីបានប្រកួត​បែបស្ទាក់ស្ទើរ នៅក្នុងពាក់កណ្ដាលម៉ោងដំបូង ក្រុមតោខៀវ ឆែលស៊ី (Chelsea – អង់គ្លេស) បានបង្កើនល្បឿន ក្នុងពាក់កណ្ដាលម៉ោងទីពីរ និងយកជ័យជំនះដាច់ឆ្ងាយ ពីលើក្រុមកាំភ្លើងធំ អាសឺណល់ (Arsenal – អង់គ្លេស) ដើម្បីដណ្ដើមបានពាន «Europa League» សម្រាប់រដូវកាលនេះ មកកាន់នៅក្នុងដៃ។

ជាការប្រកួតផ្ដាច់ព្រ័ត្រ រវាងក្រុមអង់គ្លេសទាំងពីរ ឆែលស៊ី-អាសឺណល់ នៅក្នុងកីឡដ្ឋានអូឡាំពិក នៃក្រុង «បៃគូ» ប្រទេសអាហ្សែបៃហ្សង់ ក្របខណ្ឌពានរង្វាន់កម្រិតទី៣ ឬហៅថា «C3» នៃពានរង្វាន់អ៊ឺរ៉ុប​ប្រចាំរដូវកាល)។

គ្រាប់បាល់ទាំង៤ របស់ក្រុម ឆែលស៊ី រកបានដោយកីឡាករ «Giroud» នៅនាទីទី៤៩ – កីឡាករ «Pedro» នៅនាទីទី៦០ កីឡាករ «Hazard» នៅនាទីទី៦៥ (គ្រាប់បាល់ពិន័យ១១ម៉ែត្រ) និងកីឡាករ «Hazard» ដដែល នៅនាទីទី៧២។

រីឯមួយគ្រាប់របស់ក្រុម អារសឺណល់ គឺរកបាននៅនាទីទី ៦៩ ដោយកីឡាករ «Iwobi» ដែលទើបនឹងចូលប្រកួត បានបីនាទីមុន។

ជ័យជំនះនេះ ធ្វើឲ្យក្រុម ឆែលស៊ី រកបានពានក្របខណ្ឌ «Europa League» ចំនួន៥ហើយ នៅក្នុងប្រវត្តិសាស្ត្រ នៃក្រុមមួយនេះ។

កីឡាករ «Giroud» ដែលជាខ្សែប្រយុទ្ធជាតិបារាំង របស់ក្រុមតោខៀវ បានទទួលបានតំណែង ជាកំពូលកីឡាករ​ដែលរកគ្រាប់បាល់ បាន១១គ្រាប់ ច្រើនជាងកីឡាករផ្សេងទៀត នៅក្នុងរដូវកាលនេះ។

តែកីឡាករ ដែលដឹកនាំសាច់បាល់ នៅក្នុងការប្រកួត និងដែលនាំជ័យជំនះ មកឲ្យក្រុម ឆែលស៊ី គឺកីឡាករ អេដេន ហាហ្សា (Eden Hazard) ខ្សែបម្រើជាតិប៊ែលហ្សិក ដែលក្រៅពីឲ្យចង្វាក់បាល់ សម្រាប់ក្រុមរបស់ខ្លួន កីឡាករខ្លួនឯងរកបានគ្រាប់បាល់ បានដល់ទៅពីរគ្រាប់ (នាទីទី៦៥ និងនាទីទី៧២)។

ជាពិសេស ការប្រកួតនេះ អាចជាការប្រកួតលាគ្នា រវាងកីឡាករ ហាហ្សា និងក្រុម ឆែលស៊ី។ តាំងពីច្រើនសប្ដាហ៍មកហើយ ពាក្យចចាមអារាមបានអះអាង និងកាន់តែឲ្យតំរុយកាន់តែច្បាស់ឡើង ពីការចាកចេញរបស់ខ្សែបម្រើរូបនេះ ទៅកាន់ក្រុមបាល់ទាត់យក្ស នៃប្រទេសអេស្ប៉ាញ គឺក្រុមរៀលម៉ាឌ្រីត (Real Mardrid)។

សារព័ត៌មានបារាំង «L’Equipe» ថែមទាំងអះអាង កាលពីសប្ដាហ៍មុន ថាក្រុមទាំងពីរ នៅចាំតែការប្រកួតផ្ដាច់ព្រ័ត្រនេះ បញ្ចប់ទៅ នឹងអាលប្រកាសជាផ្លូវការ ពីដំណឹងខាងលើនេះប៉ុណ្ណោះ៕



លំអិតបន្ថែមទៀត

កីឡា និងបច្ចេកវិទ្យា

អេដេន ហាហ្សា នឹងក្លាយ​ជាកីឡាករ​ក្រុមរៀល ចាប់ពី​ចុងខែ​នេះ

កីឡាករ អេដេន ហាហ្សា (Eden Hazard) ខ្សែបម្រើសព្វថ្ងៃ របស់ក្រុមតោខៀវអង់គ្លេស នឹងក្លាយជាកីឡាករក្រុមអធិរាជអាវស ចាប់ពី​ចុងខែ​នេះ ពោលគឺនៅក្រោយការប្រកួតផ្ដាច់ព្រ័ត្រ ក្របខណ្ឌ «Europa League» ...
កីឡាករក្រុម សេវីល (ខាងឆ្វេង) និងខ្សែប្រយុទ្ធរបស់ក្រុម អាំងទែមីឡង់ កីឡាករ លូកាគូ។ (រូបថត UEFA)
កីឡា និងបច្ចេកវិទ្យា

Europa League៖ សេវីល និង​អាំងទែមីឡង់ ជួបគ្នានៅ​ផ្ដាច់ព្រ័ត្រ

គូប្រកួតក្នុងវគ្គផ្ដាច់ព្រ័ត្រ សម្រាប់ក្របខណ្ឌ «Europa League» នៃរដូវកាលនេះ គឺក្រុម សេវីល (Sévilla FC – អេស្ប៉ាញ) និងក្រុម អាំងទែមីឡង់ ...
កីឡា និងបច្ចេកវិទ្យា

សារព័ត៌មានអេស្ប៉ាញថា អេដេន ហាហ្សា ត្រូវបានផ្ទេរទៅក្រុម រៀល

នៅព្រឹកនេះ សារព័ត៌មានកីឡារបស់ប្រទេសអេស្ប៉ាញ «Marca» បានអះអាង ពីការផ្ទេរកីឡាករ អេដេន ហាហ្សា (Eden Hazard) ពីក្រុមឆែលស៊ី (Chelsea FC – ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...