កីឡា និងបច្ចេកវិទ្យាបាល់ទាត់

បាយ៉ឺន សឹងតែ​បាន​ឆ្លងវគ្គ​រួចរាល់ បន្ទាប់ពី​​លត់ ឆែលស៊ី ដល់ផ្ទះ

CHAMPIONS LEAGUE ៖ ក្រុម បាយ៉ឺន មូនិឆ (Bayern Munich – អាល្លឺម៉ង់) សឹងតែបានឈានជើងទាំងពីរ ដើរឆ្លងវគ្គរួចជាស្រេចហើយ បន្ទាប់ពីបំបាក់ក្រុម ឆែលស៊ី (Chelsea FC – អង់គ្លេស) ដោយពិន្ទុ ៣-០ នាកីឡដ្ឋាន «Stamford Bridge» ក្នុងយប់ថ្ងៃអង្គារនេះ។

ពិតហើយថា ក្រុមតោខៀវដ៏ក្មេងវ័យ បានរៀបក្រឡាប្រកួត ដើម្បីទប់នឹងក្រុមជើងឯកច្រើនជំនាន់ របស់ប្រទេសអាល្លឺម៉ង់ តែយុទ្ធសាស្ត្រនេះ មានរយៈពេលត្រឹមតែ៥០នាទីដំបូងប៉ុណ្ណោះ សម្រាប់ការប្រកួត វគ្គ១ភាគ៨ផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ុប «Champions League» ឆ្នាំ២០២០។

នៅពេលត្រឡប់ ចូលមកទាត់ នៅក្នុងពាក់កណ្ដាលម៉ោងទី២ ក្រុម បាយ៉ឺន បានរកគ្រាប់បាល់ សឹងតែផ្ទួនៗគ្នា ពីរគ្រាប់ នៅនាទីទី៥១ និង៥៤ ដោយកីឡាករ «Serge Gnabry» ខណៈគ្រាប់បាល់ទីបី ត្រូវកីឡាករ «Robert Lewandowski» កំពូលខ្សែប្រយុទ្ធរបស់ក្រុមអាល្លឺម៉ង រកបាននៅនាទីទី៧៦។

បរាជ័យក្នុងផ្ទះខ្លួនឯងប៉ុណ្ណេះ មិនទាន់គ្រប់គ្រាន់នៅឡើយ ព្រោះខ្សែបម្រើស្លាបមួយរូបទៀត របស់ក្រុម ឆែលស៊ី គឺកីឡាករ «Marcos Alonso» ត្រូវបានអាជ្ញាកណ្ដាលបណ្ដេញ ចេញពីការប្រកួត នៅនាទីទី ៨៣ បន្ទាប់ពីកីឡាកររូបនេះ គ្រវាសដៃចំមុខគូប្រកួត។

ក្ដីសង្ឃឹម របស់ក្រុមតោខៀវ ហាក់អស់រលីងទៅហើយ បើទោះជាមានការប្រកួត «ត្រឡប់» នៅថ្ងៃទី១៨ ខែមិនាខាងមុខមួយទៀតក្ដី។ អស់សង្ឃឹម ព្រោះក្រុមបាល់ទាត់ របស់ចក្រភពអង់គ្លេសមួយនេះ ត្រូវរកគ្រាប់បាល់ឲ្យបាន៤គ្រាប់ លើសក្រុម បាយឺន ដើម្បីអាចឆ្លងវគ្គបាន។ តែនៅក្នុងកីឡដ្ឋាន «Allianz Arena» ដ៏ធំសម្បើម​ (របស់ក្រុម បាយ៉ឺន) ចង់យកជ័យជំនះ លើក្រុម បាយ៉ឺន គឺពិតជាពិបាកធ្វើបានណាស់៕



លំអិតបន្ថែមទៀត

កីឡា និងបច្ចេកវិទ្យា

Champions League៖ ក្រុមធំៗ​នៅអ៊ឺរ៉ុប​ជួបគ្នាទៀត ក្នុង​រដូវកាល​ថ្មី

ការប្រកួតសម្រាប់វគ្គជម្រុះ (ពូល) នៃក្របខណ្ឌដណ្ដើមពានអ៊ឺរ៉ុប (Champions League) ក្នុង​រដូវកាល​ថ្មី ២០២០-២០២១ ត្រូវបានចាប់ឆ្នោត ចេញជារូបរាងហើយ កាលពី​ប៉ុន្មាន​នាទី​មុន។ ជាពិធីចាប់ឆ្នោត ស្វែងរកគូប្រកួត នៅក្នុងពូល ...
កីឡា និងបច្ចេកវិទ្យា

Champions League៖ ក្រុម​ខ្លាំងៗ​បះ​គ្នា ក្នុង​វគ្គ១ភាគ៨

ក្របខណ្ឌដណ្ដើមពានអ៊ឺរ៉ុប (Champions League) ៖ ការចាប់ឆ្នោត សម្រាប់រកដៃគូប្រកួត គ្នុងវគ្គ១ភាគ៨ផ្ដាច់ព្រ័ត្រ (ឬវគ្គ១៦ក្រុម) ក្នុងថ្ងៃចន្ទទី១៧ ខែធ្នូ ឆ្នាំ២០១៨នេះ នាក្រុង «Nyon» ...
កីឡា និងបច្ចេកវិទ្យា

អ៊ឹមបាពេ ធ្វើតេស្ត​​ជំងឺ​«Covid-19» ព្រោះ​ធ្លាក់ខ្លួនឈឺ​«ក»​តាំងពី​ច្រើនថ្ងៃ

Covid-19 ៖ កំពូលខ្សែប្រយុទ្ធវ័យក្មេង​របស់ក្រុម ប៉ារីស (Paris Saint-Germain – បារាំង) កីឡាករ គីលីយ៉ាន អ៊ឹមបាពេ (Kylian Mbappé) ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.