ដំណឹងពិភពលោក

ការស្លាប់របស់ ជច៍ ផ្លយ៖ ស្ត្រីពិការ​ជិះ​រទេះ​ម្នាក់ រង​ការ​វាយប្រហារ

រូបភាពដ៏តក់ស្លុត នៅក្នុងវីដេអូជាច្រើន ដែលត្រូវបានយកមកបង្ហោះ នៅលើបណ្ដាញ​សង្គម បង្ហាញថា ស្ត្រីពិការ​ជិះ​រទេះ​ម្នាក់ ត្រូវបានក្រុមមនុស្ស វាយតប់ បន្ទាប់ពីស្ត្រីរូបនេះ ប៉ុនប៉ង​រារាំង​ពួកគេ មិនឲ្យចូលទៅលួចឆក់ឥវ៉ាន់ ឬទំនិញ នៅក្នុងហាង «Target» ក្នុង​ក្រុង «Minneapolis» ភាគខាងជើងសហរដ្ឋអាមេរិក

ហេតុការណ៍លួចឆក់នេះ បានផ្ទុះឡើង បន្ទាប់ពីបាតុកម្មរបស់មហាជន ដែលបាន​ប្រែក្លាយ ជាការប្រឈមមុខ រវាងក្រុមបាតុករ និងកងកម្លាំងនគរបាលក្រុង។

បាតុកម្ម​ជាច្រើននោះ ត្រូវបានរៀបចំ​ធ្វើ ដើម្បីសំដែងការក្ដៅក្រហារ នៅចំពោះ​មរណភាព របស់​បុរស​អាមេរិកាំង​-ស្បែកខ្មៅម្នាក់ លោក ជច៍ ផ្លយ (George Floyd) កាលពីយប់ថ្ងៃចន្ទ ទី២៥ ខែឧសភា ក្រោយពីបុរសអាយុ៤៦ឆ្នាំរូប ត្រូវបានឃាត់ខ្លួន យ៉ាងហិង្សា ដោយភ្នាក់ងារ​នគរបាល ៤នាក់។

មរណភាព នៃបុរសអាមេរិកាំង-ស្បែកខ្មៅ បានធ្វើឲ្យនាយនគរបាលក្រុង សម្រេចដក​នគរបាល​ទាំងបួននាក់ ចេញពីការងារ កាលពីថ្ងៃអង្គារ ទី២៦ ខែឧសភា ខណៈ​ការិយាល័យ ស៊ើបអង្កេត​សហព័ន្ធ «FBI» បានបើកសំនុំរឿងមួយឡើង ដើម្បីធ្វើការ​ស៊ើបអង្កេត ទៅលើ​មរណភាព​ខាងលើ។

ផ្ទុយពីចំណាត់ការខាងលើ បណ្ដាជនទំនងជាមិនបានបាត់បង់កំហឹង របស់ពួកគេទេ ដោយបាននាំគ្នា ចេញដើរតាមផ្លូវ ដង្ហែជាក្បួន ធ្វើបាតុកម្មជាច្រើន ទាំងនៅក្នុងក្រុង «Minneapolis» និងតំបន់មួយចំនួនទៀត នៃសហរដ្ឋអាមេរិក។ ប៉ុន្តែបាតុកម្មខ្លះ​ទាំងនោះ បានប្រែក្លាយ​ជាកុបកម្ម បង្កឲ្យមានការប៉ះទង្គិច យ៉ាងហិង្សា រវាងក្រុមបាតុករ និងកងកម្លាំង នៅវេលាល្ងាច និងយប់ឡើង៕



លំអិតបន្ថែមទៀត

ដំណឹង

សមាជិកបក្សប្រជាធិបតេយ្យ ទាមទារឲ្យ«FBI»ស៊ើបអង្កេត​លើសំដី ត្រាំ

ក្រុមមេដឹកនាំ-សមាជិក​​គណបក្សប្រជាធិបតេយ្យ បានទាមទារ​ឲ្យភ្នាក់ងារស៊ើបអង្កេត​​សហព័ន្ធ «FBI» បើកសំនុំរឿង ដើម្បីស៊ើបអង្កេត​​លើលោក ដូណាល់ ត្រាំ (Donald Trump) ជុំវិញសំដីរបស់​ប្រធានាធិបតី​ចប់អាណត្តិរូបនេះ ដែលបានជំរុញ ឲ្យលោក «Brad ...
ដំណឹង

ចិន​ឆេះដុំ​ដាក់​អាមេរិក ក្នុង​ការលក់​យន្ដហោះ​«F-16»​៦៦គ្រឿង​ឲ្យ​តៃវ៉ាន់

សហរដ្ឋអាមេរិកបានប្រកាស កាលពីថ្ងៃអង្គារម្សិលម៉ិញ ថាខ្លួនបានយល់ព្រមលក់យន្ដហោះប្រដេញ ប្រភេទ «F-16» ចំនួន៦៦គ្រឿង ដែលមានតម្លៃសរុប ប្រមាណជា៨ពាន់លានដុល្លារ ឲ្យទៅកោះតៃវ៉ាន់។ ច្បាស់ណាស់ហើយថា ការសម្រេចចិត្តនេះ បានបង្កការឆេះដុំ ដល់ក្រុងប៉េកាំង ...
កម្ពុជា

ថិក គ្រូស ឲ្យ​បន្ថែម​ល្បឿន​អនុម័ត​ច្បាប់​សើរើ​ប្រព័ន្ធ​អនុគ្រោះពន្ធ​ពីកម្ពុជា

លោក ថិក គ្រូស (Ted Cruz) សមាជិកព្រឹទ្ធសភាដ៏មានឥទ្ធិពល របស់សហរដ្ឋអាមេរិក បានព្រមានលោកនាយករដ្ឋមន្ត្រី ហ៊ុន សែន ថា លោកនឹងបន្ថែមល្បឿន ដើម្បីជំរុញឲ្យតំណាងរាស្រ្តអាមេរិកាំងទាំងអស់ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.