ដំណឹងពិភពលោក

បោះឆ្នោត​ប្រធានាធិបតីអាមេរិក៖ ត្រាំ ធ្លោយមាត់​អាចទទួលស្គាល់​«បរាជ័យ»

ប្រធានាធិបតីចប់អាណត្តិ លោក ដូណាល់ ត្រាំ (Donald Trump) ទំនងជាបាន​ទទួលស្គាល់​​ដោយប្រយោល «បរាជ័យ»របស់លោក ក្នុងការបោះឆ្នោតប្រធានាធិបតី ឆ្នាំ២០២០។ លោកបានធ្លោយមាត់​ដូច្នេះ នៅក្នុងសន្និសីទសារព័ត៌មាន ក្នុងរសៀលថ្ងៃសុក្រ​ទី១៣ ខែវិច្ឆិកានេះ ដែលជាការបង្ហាញមុខជាសាធារណៈ ជាលើកដំបូង រាប់ចាប់ពី​លទ្ធផល​ព្យាករណ៍ កាលពីសប្ដាហ៍មុន បង្ហាញថាលោកបាន​ចាញ់​លោក ចូ បៃដិន (Joe Biden) ដែលជា​បេក្ខជន មកពីគណបក្សប្រជាធិបតេយ្យ។

ក្នុងជំនួបជាមួយអ្នកសារព័ត៌មាន ដែលប្រព្រឹត្តិទៅ ក្នុងឧទ្យាននៃសេតវិមាន លោក ត្រាំ បានសង្កត់ធ្ងន់ជាមួយប្រធានបទ តែមួយរបស់លោក គឺជំងឺរាតត្បាត​«Covid-19» ដែល​កំពុង​បង្ហាញសន្ទុះ​ជាថ្មីទៀត នៅសហរដ្ឋអាមេរិក។ តែលោក បានធ្លោយមាត់ និយាយ​ចេញ ទាក់ទងនឹងលទ្ធផលនៃការបោះឆ្នោត ដែលខុសពីការរំពឹងទុក របស់លោក។

លោកប្រធានាធិបតីចប់អាណត្តិ បានលើកឡើងថា៖

«ខ្ញុំគិតថា ពេលវេលានឹងបញ្ជាក់ប្រាប់យើង ថាតើរដ្ឋបាលរបស់ប្រធានាធិបតីណា ដែលនឹងឡើងកាន់អំណាច ក្នុងពេលខាងមុខ។ តែទោះជាមានរឿងអ្វីក៏ដោយ ក៏ខ្ញុំអាច​បញ្ជាក់ប្រាប់លោកអ្នកដែរថា រដ្ឋបាលមួយនេះ (រដ្ឋបាលរបស់លោក) នឹងមិនដាក់បម្រាម ឲ្យបិទប្រទេសឡើយ។»

ការថ្លែងឡើង ក្នុងផ្លូវពីរមិនច្បាស់លាស់​បែបនេះ មានលក្ខណៈផ្ទុយគ្នាទាំងស្រុង ទៅនឹង​ជំហរ​របស់លោក ដែលបានប្រកាសជ័យជំនះភ្លាមៗ ក្នុងយប់ថ្ងៃបោះឆ្នោត និងប្រាប់ឲ្យ​ឈប់​រាប់​សន្លឹកឆ្នោត ដើម្បីអ្វីមួយ​ដែលលោកហៅថា សន្លឹកឆ្នោតដែលមិនទាន់រាប់ សុទ្ធសឹង​ជា​សន្លឹកឆ្នោត​ក្លែងក្លាយ ឬការលួចបន្លំ។

លទ្ធផល​ព្យាករណ៍​ចុងក្រោយ សរុបពីរដ្ឋទាំង៥០ រួមនឹងរដ្ឋធានី វ៉ាស៊ីនតោន (Washinton DC) បានផ្ដល់ជ័យជំនះទៅលោក បៃដិន ដែលឈ្នះអង្គបោះឆ្នោត ៣០៦សំឡេង ទល់នឹង​លោក ត្រាំ ដែលទទួលបានត្រឹមតែ ២៣២សំឡេងប៉ុណ្ណោះ។

តែមកដល់ពេលនេះ លោក ដូណាល់ ត្រាំ បានបដិសេធទទួលស្គាល់​«បរាជ័យ»របស់ខ្លួន និង​បដិសេធ ជ័យជំនះរបស់លោក ចូ បៃដិន។ ប្រធានាធិបតីចប់អាណត្តិ បានលើកឡើង ពីការលួចបន្លំសន្លឹកឆ្នោត នៅក្នុងរដ្ឋមួយចំនួន ដែលលោក បៃដិន បានឈ្នះ ហើយបាន​ប្ដឹងឡើងទៅតុលាការ ដើម្បីទាមទារឲ្យពិនិត្យឡើងវិញ អំពីភាពបានការនៃសន្លឹកឆ្នោត និងការរាប់សន្លឹកឆ្នោត នៅក្នុងរដ្ឋទាំងនោះ។

យ៉ាងណា លោក ដូណាល់ ត្រាំ មិនបានបង្ហាញពី«ភស្ដុតាងរឹង» នៅក្នុង​ការចោទប្រកាន់​របស់លោកទេ ខណៈពាក្យបណ្ដឹងរបស់មួយភាគ ត្រូវបានតុលាការច្រានចោល៕



លំអិតបន្ថែមទៀត

ដំណឹង

សេតវិមានការពារ ត្រាំ ថាមាន​«អំណាច​​»​បណ្ដេញ​​មន្ត្រី ដែល​មិន​ស្មោះស្ម័គ្រ

សម្រាប់ក្រុមមន្ត្រី នៅសេតវិមាន បានការពារលោកប្រធានាធិបតី ដូណាល់ ត្រាំ (Donald Trump) ថាលោកពិតជាមានសិទ្ធិ​«អំណាច​​»​ បណ្ដេញ​មន្ត្រី​ណា ដែលមិនស្មោះស្ម័គ្រ ចេញពីតំណែង។ ការលើកឡើង របស់ក្រុមមន្ត្រីទាំងនោះ ...
វិភាគ អត្ថាធិប្បាយ

រវាង ចន ម៉ាកខេន – ដូណាល់ ត្រាំ ជា​ជម្លោះតជាតិ

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេចចិត្តថា នឹងមិនទៅចូលរួមបុណ្យសព​ព្រឹទ្ធសមាជិក លោក ចន ម៉ាកខេន (John McCain) ...
ដំណឹង

យន្ដហោះ​យោធាចិន​«២១គ្រឿង»​ហោះចូលលំហការពារអាកាសតៃវ៉ាន់

ដំណើរទស្សនកិច្ចរបស់ប្រធានសភាអាមេរិក អ្នកស្រី ណេនស៊ី ផេឡូស៊ី (Nancy Pelosi) នៅលើកោះតៃវ៉ាន់ បង្កឲ្យមានប្រតិកម្មពីក្រុង ប៉េកាំង ដោយបានតំឡើងសាច់ដុំយោធា តាមរយៈការហោះរំលោភចូល ក្នុងលំហការពារដែនអាកាស របស់កោះមួយនេះ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...