ដំណឹងពិភពលោក

វីដេអូ​បង្ហាញ​ទិដ្ឋភាព​នៃ​ការបាញ់​បង្ក្រាប​ខ្មាន់កាំភ្លើង នៅ​«Dayton»

បុរសអាយុ២៤ឆ្នាំ ដែលមានពាក់អាវការពារគ្រាប់ និងប្រដាប់ដោយកាំភ្លើងវែងមួយដើម រួមនឹងបង់គ្រាប់ជាច្រើននោះ បានបើកការ​បាញ់ប្រហារ ទៅលើហ្វូងមនុស្ស នៅក្នុងសង្កាត់ «Oregon» នៃក្រុង «Dayton» រដ្ឋអូហៃយ៉ូ (Ohio) នៅវេលាម៉ោងប្រមាណជា ១ទាបភ្លឺ យប់ថ្ងៃសៅរ៍ ទី៣ ចូលមកថ្ងៃអាទិត្យ ទី៤ ខែសីហានេះ។

សកម្មភាព របស់ខ្មាន់កាំភ្លើងរូបនេះ មានរយៈពេល ត្រឹមតែប៉ុន្មានវិនាទីប៉ុណ្ណោះ មុននឹងត្រូវក្រុមអាជ្ញាធរ ដែលមានវត្តមាននៅក្បែរនោះស្រាប់ បាញ់បង្ក្រាបឲ្យស្លាប់ នៅនឹងកន្លែង។ ប៉ុន្តែប៉ុន្មានវិនាទីនេះ គ្រប់គ្រាន់នឹងធ្វើឲ្យមនុស្ស ៩នាក់ស្លាប់ និង២៧នាក់ផ្សេងទៀតរងរបួស។

រូបភាពខាងក្រោម ដែលយកចេញពីកាម៉េរ៉ាសុវត្ថិភាព នៃបណ្ដាហាងជុំវិញកន្លែងកើតហេតុ បានបង្ហាញពីទិដ្ឋភាព នៃរត់ជ្រួលច្របល់ របស់បណ្ដាជន នៅតាមដងផ្លូវ ដែលត្រូវបានដេញពីក្រោយ ដោយខ្មាន់កាំភ្លើង។ តែជននេះ ត្រូវបានបាញ់សម្លាប់ នៅពេលធ្វើសកម្មភាព មកដល់ចំណុងមួយ (រូបថតខាងលើ) ដែលជាអន្ទាក់របស់ក្រុមអាជ្ញាធរ។

ការបាញ់ប្រហារនេះ កើតឡើងនៅរយៈពេល១៣ម៉ោង ក្រោយការបាញ់ប្រហារដ៏រង្គាល ក្នុងក្រុង «El Paso» បានធ្វើឲ្យមនុស្ស២២នាក់ស្លាប់ (តុល្យភាពថ្មី) និងជាង២០នាក់ផ្សេងទៀតរងរបួស។ ហើយវាក៏ជាព្រឹត្តិកាណ៍បាញ់បោះ លើកទី២៥១ នៅសហរដ្ឋអាមេរិក បើរាប់តាំងពីដើមឆ្នាំ២០១៩នេះមក និងបានធ្វើឲ្យតួលេខសរុប នៃមនុស្សស្លាប់ មានរហូតដល់ទៅ៥៣១នាក់៕



You may also like

ដំណឹង

រដ្ឋសភា​បើក​ការអង្កេត​ផ្លូវការ ក្នុងការ​ដក​ប្រធានាធិបតី ត្រាំ ចេញពី​តំណែង

កាលពីថ្ងៃព្រហស្បតិ៍នេះ ក្រុមអ្នកតំណាងរាស្ត្រអាមេរិក មកពីគណបក្សប្រជាធិបតេយ្យ បានឈានដល់ជំហានថ្មីមួយ នៃនីតិវិធីផ្លូវការ ក្នុងដំណើរឆ្ពោះទៅដកលោក ដូណាល់ ត្រាំ (Donald Trump) ចេញពី​តំណែង ជាប្រធានាធិបតី។ នីតិវិធីផ្លូវការនោះ ...
ដំណឹង

ចិន​ទាមទារ​ឲ្យ​អាមេរិក​លប់ចោល​ការលក់​សព្វាវុធ​ដ៏​សម្បើម ទៅឲ្យ​តៃវ៉ាន់

ការលក់សព្វាវុធដ៏សម្បើម ក្នុងកម្រិតទឹកប្រាក់ ២,២ពាន់លានដុល្លារ ពីសំណាក់សហរដ្ឋអាមេរិក ទៅឲ្យ​តៃវ៉ាន់ ចាំបាច់ត្រូវ«លុបចោលជាបន្ទាន់»។ នេះ ជាការទាមទារឡើង របស់ប្រទេសចិនកុម្មុយនីស្ដិ៍ ក្នុងថ្ងៃអង្គារនេះ។ សហរដ្ឋអាមេរិក តាមរយៈក្រសួងការពារជាតិរបស់ខ្លួន បានប្រកាសឲ្យដឹង ...
ដំណឹង

វីដេអូដ៏តក់ស្លុត នៃការទន្ទ្រានវិមានសភាអាមេរិក បញ្ចាំងក្នុងសវនាការ ត្រាំ

វីដេអូដ៏តក់ស្លុត នៃការទន្ទ្រានវិមានកាពីតូល ដែលមានរយៈពេលច្រើនជាង១៣នាទី ត្រូវបានក្រុមរដ្ឋអាជ្ញា មកពីគណបក្ស​ប្រជាធិបតេយ្យ ចាក់បញ្ចាំងក្នុងសវនាការថ្ងៃដំបូង ដើម្បីឈានទៅ​បណ្ដេញលោក ដូណាល់ ត្រាំ (Donald Trump) ចេញពី​អំណាច ដែលប្រព្រឹត្តិទៅ​ក្នុងព្រឹទ្ធសភាអាមេរិក ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...