ដំណឹងពិភពលោក

អេស្ប៉ាញ៖ បក្ស​សង្គមនិយម​ឈ្នះ ការបោះឆ្នោត​សកល តែ​មិន​គ្រប់​សម្លេង

នៅប្រទេសអេស្ប៉ាញ គណបក្សសង្គមនិយម (និន្នាការឆ្វេងនិយម) ដឹកនាំដោយលោក ផេដ្រូ សន់ឆេស (Pedro Sanchez) នាយករដ្ឋមន្ត្រីផុតតំណែង បានឈ្នះអសនៈរដ្ឋសភា ចំនួន១២៣ នៅក្នុង ការបោះឆ្នោត​សកល មុនកាលកំណត់មួយ កាលពីថ្ងៃអាទិត្យទី២៨ ខែមេសា ឆ្នាំ២០១៩នេះ។

ជ័យជំនះរបស់ក្រុមឆ្វេងនិយមនេះ គឺជ័យជំនះជាលើកដំបូង សម្រាប់រយៈពេល១១ឆ្នាំចុងក្រោយ និងមួយឆ្នាំបន្ទាប់ពីរដ្ឋាភិបាលស្ដាំនិយម ត្រូវបានទម្លាក់ ហើយកំណត់ឲ្យមានការបោះឆ្នោតមុនកាលកំណត់ មួយឡើង។

នៅចំពោះអ្នកគាំទ្រច្រើនសិបនាក់ លោក ផេដ្រូ សន់ឆេស ដែលជាអ្នកនិយមអ៊ឺរ៉ុបមួយរូប បានថ្លែងឡើង ដើម្បីអបអរជ័យជំនះ របស់គណបក្សលោកថា៖

«ជាបឋម រដ្ឋាភិបាលសង្គមនិយម និងខ្ញុំផ្ទាល់ក្នុងនាមជានាយករដ្ឋមន្ត្រី យើងនឹងជារដ្ឋាភិបាល នៃប្រជាពលរដ្ឋអេស្ប៉ាញ គ្រប់រូបទាំងអស់។ ចំណុចទីពីរ គឺផ្ដើមចេញពីទស្សនៈវិស័យឆ្វេងនិយមរបស់យើង ពីជំហរដ៏រឹងមាំរបស់យើង យើងនឹងបើកដៃ ទៅគ្រប់គណបក្សនយោបាយទាំងអស់ ដែលគោរពរដ្ឋធម្មនុញ្ញ ដើម្បីយើងអាចដើរទៅមុខ ទាំងអស់គ្នា។»

គណបក្សរបស់លោក ផេដ្រូ សន់ឆេស ចាំបាច់ត្រូវស្វែងរកការគាំទ្រ ពីគណបក្សដទៃទៀត ដើម្បីបង្គ្រប់សម្លេងភាគច្រើនដាច់ខាត ចំនួន១៧៦ ពីក្នុងចំណោមអសនៈ ៣៥០ នៃរដ្ឋសភាជាតិ ក្នុងជំហានទៅបង្កើតរដ្ឋាភិបាល។

រីឯគណបក្សប្រជាប្រិយ (និន្នាការស្ដាំនិយម) ដែលបានដឹកនាំរដ្ឋាភិបាល មុនរដ្ឋាភិបាលលោក ផេដ្រូ សន់ឆេស បានទទួល​ការគាំទ្រថយចុះ​យ៉ាងច្រើន រហូតដល់ដល់ទៅ៣,៥លានសម្លេង បើធៀបនឹងការបោះឆ្នោតឆ្នាំ២០១៦។ ក្នុងឆ្នាំនេះ គណបក្សនេះទទួលបាន​អសនៈ​តែ៦៦ប៉ុណ្ណោះ។

រឿងដ៏គួរឲ្យភ្ញាក់ផ្អើលបំផុត គឺគណបក្សស្ដាំនិយមជ្រុល របស់ប្រទេសអេស្ប៉ាញ ហៅកាត់ថា «VOX» ទទួលបានការគាំទ្រ ច្រើនជាង២,៦លានសម្លេង និងឈ្នះកៅអី ដើម្បីចូលទៅកាន់កាប់អសនៈ ចំនួន២៤ ពីក្នុងការបោះឆ្នោតនេះ។ មេដឹកនាំគណបក្ស «VOX» បានថ្លែងដោយមោទនភាព ចំពោះលទ្ធផលខាងលើថា «នេះ ទើបតែជាការចាប់ផ្ដើមប៉ុណ្ណោះ»៕

Pedro Sánchez valora los resultados electorales

Pedro Sánchez valora los resultados electorales.

Publiée par PSOE sur Dimanche 28 avril 2019


លំអិតបន្ថែមទៀត

ដំណឹង

Covid-19៖ ករណីឆ្លង​កើន​ជិត​៣លាន​​នាក់ និង​ស្លាប់​ជាង២សែន​នាក់

មកដល់ម៉ោងនេះ ករណីឆ្លងជំងឺ«Covid-19» បានកើនឡើងជិត៣លាននាក់ និង​ស្លាប់​ជាង២សែន​នាក់ នៅលើពិភពលោក។​ នេះ បើតាមតួលេខ ដែលផ្ដល់ដោយសាកលវិទ្យាល័យ «Johns Hopkins» របស់សហរដ្ឋអាមេរិក ដែលធ្វើការតាមដាន ស្ថានភាពវិវត្តន៍ឡើង ...
ដំណឹង

យ៉ាងតិច៧ប្រទេសនៅអ៊ឺរ៉ុបទទួលស្គាល់ ហ្គេដូ ជាប្រធានាធិបតីស្ដីទី

បន្ទាប់ពីឱសានវាទបានផុតកំណត់ ប្រទេសនានានៅអ៊ឺរ៉ុប ចាប់ផ្ដើមប្រកាសជាផ្លូវការ និងជាបន្តបន្ទាប់ ទទួលស្គាល់លោក រ៉ន់ ហ្គេដូ (Juan Guaido) មេដឹកនាំប្រឆាំង និងជាប្រធានរដ្ឋសភា ក្នុងប្រទេសវេណេស៊ុយអេឡា ជាប្រធានាធិបតីស្ដីទី ...
កំសាន្ដ

អេស្ប៉ាញ៖ នៅពេល​ដែលកូន​​«ឌីណូស័រ»​មួយក្បាល ចេញដើរ​យកខ្យល់…

បម្រាមដែលហាមពលរដ្ឋ មិនឲ្យដើរចេញក្រៅផ្ទះ បើគ្មានការចាំបាច់នោះ ទំនងជាមិនត្រូវបានកូន«ឌីណូស័រ»មួយក្បាលនេះ គោរពតាមនោះទេ នៅក្នុងប្រទេសអេស្ប៉ាញ រហូតលុះត្រាមានអន្តរាគមន៍ ពីកងកម្លាំងនគរបាល ទើបកូនសត្វដ៏ចម្លែកមួយនេះ វិលត្រឡប់ចូលគេហដ្ឋានវិញ។ រឿងរ៉ាវនេះ កើតឡើងកាលពីថ្ងៃចន្ទ ដើមសប្ដាហ៍នេះ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...