ដំណឹងពិភពលោក

មន្ត្រីជាន់ខ្ពស់នៅសេតវិមាន កំពុង«ដោះដៃ»ចេញពី ដូណាល់ ត្រាំ

មន្ត្រីជាន់ខ្ពស់ នៅសេតវិមាន និងក្រុមការងារឃោសនាបោះឆ្នោត របស់លោក ដូណាល់ ត្រាំ (Donald Trump) កំពុង«ដោះដៃ»បន្តិចម្ដងៗ ចេញពីប្រធានាធិបតីចប់អាណត្តិរូបនេះ នៅចំពោះលទ្ធផលស្ទាបស្ទង់ ដែលផ្ដល់ជ័យជំនះ ឲ្យបេក្ខជនមកពីគណបក្សប្រជាធិបតេយ្យ លោក ចូ បៃដិន (Joe Biden) ដើម្បីក្លាយជាប្រធានាធិបតីអាមេរិក ជំនាន់ទី៤៦ បន្តពីលោក ត្រាំ។

«ចប់សព្វគ្រប់ហើយ» នេះ ជាការឧទានឡើង របស់ទីប្រឹក្សាម្នាក់ ពីក្នុងចំណោមទីប្រឹក្សាច្រើននាក់ របស់ប្រធានាធិបតីចប់អាណត្តិ ដែលត្រូវបានស្រង់សំដី ដោយទីភ្នាក់ងារព័ត៌មានបារាំង «AFP»។

ទីប្រឹក្សារូបនោះ បានលើកឡើងបន្តថា ការព្រួយបារម្ភបានកើតឡើង បន្ទាប់ពីប្រតិកម្មរបស់លោក ត្រាំ ក្នុងការបដិសេធទទួលស្គាល់ ការរាប់សន្លឹកឆ្នោត ជាពិសេសប្រតិកម្មនោះ បានធ្វើឡើង ទាំងមិនដឹងច្បាស់ថា តើលោក ត្រាំ ខ្លួនឯងបានឈ្នះឆ្នោត ឬយ៉ាងណានោះ។

នៅពេលសាកសួរថា តើលោក ដូណាល់ ត្រាំ នឹងធ្វើអ្វីជាបន្តនោះ មន្ត្រីដដែលបានឆ្លើយតបថា «មានតែព្រះជាម្ចាស់ទេ ដែលដឹង»។

ទីប្រឹក្សាដែលសុំមិនបញ្ចេញឈ្មោះ បានអះអាងទៀតថា មន្ត្រីអ្នកទទួលខុសត្រូវជាច្រើន នៅក្នុងក្រុមការងារឃោសនាបោះឆ្នោត បានសំដែងការភ្ញាក់ផ្អើល នៅពេលលោក ត្រាំ បានបន្លឺសំដីចោទប្រកាន់ កាលពីយប់ថ្ងៃព្រហស្បត្តិ៍ អំពីការលួចបន្លំសន្លឹកឆ្នោត ទាំងគ្មានភស្ដុតាងច្បាស់លាស់។

សម្រាប់មន្ត្រីខាងលើ បានបន្តទៀតថា សិទ្ធិរបស់លោក ត្រាំ ក្នុងការតវ៉ា អំពីលទ្ធផលនៃការបោះឆ្នោត ជារឿងមួយ។ តែអ្វី ដែលសំខាន់ជាងនេះ គឺលោក ត្រាំ ពិបាកទទួលយក អំពីបរាជ័យមួយ បន្ទាប់ពីសង្គ្រាមប៉ាកកា បានកើតមាន តាំងពីច្រើនខែកន្លងមក។

ទីប្រឹក្សាមួយរូបទៀត របស់លោក ត្រាំ ក៏បានបង្ហើបដែរថា ការចោទប្រកាន់អំពីការលួចបន្លំសន្លឹកឆ្នោត បានធ្វើឲ្យប្រធានាធិបតីចប់អាណត្តិរូបនេះ កាន់តែនៅឯកោ។ សមាជិកខ្លះ នៃរដ្ឋបាលរបស់លោក ត្រាំ បានចាត់ទុកការបោះឆ្នោត ឆ្នាំ២០២០នេះ ជារឿងកន្លងហួស ហើយខ្លះទៀតថែមទាំងចាប់ផ្ដើមពិចារណា ចំពោះការបោះឆ្នោត នៅ៤ឆ្នាំខាងមុខនោះផង៕



លំអិតបន្ថែមទៀត

កម្ពុជា

ឧបការី​រង​រដ្ឋមន្ត្រី​ការពារជាតិ​អាមេរិក មក​កម្ពុជាស្នើ​ឲ្យដោះលែង កឹម សុខា

ក្នុងការបំពេញទស្សនកិច្ច នៅកម្ពុជា ចាប់ពីថ្ងៃទី៥ ដល់ថ្ងៃ១៦ ខែមករា ឆ្នាំ២០១៩ ឧបការី​រង​រដ្ឋមន្ត្រី​ការពារជាតិ​អាមេរិក ទទួលបន្ទុក​តំបន់​អាស៊ី​ខាងត្បូង និង​អាស៊ីអាគ្នេយ៍ លោក «Joseph H. Felter» ...
ដំណឹង

ឆ្នោតប្រធានាធិបតី​អាមេរិក៖ រដ្ឋពីរទៀត ផ្លាស់ប្ដូរទំនោរ​ទៅខាង ចូ បៃដេន

ការទន្ទឹងរង់ចាំ ដ៏មហាសែនអន្ទៈសារ ជុំវិញលទ្ធផល នៃការបោះឆ្នោត​ប្រធានាធិបតី​អាមេរិក ៖ រដ្ឋពីរទៀត គឺរដ្ឋ«Georgia» និងរដ្ឋ«Pennsylvania» បានផ្លាស់ប្ដូរទំនោរ សម្រាប់បេក្ខជន មកពីគណបក្សប្រជាធិបតេយ្យ លោក ចូ ...
លោក ឈុំ សុជាតិ អ្នកនាំពាក្យក្រសួងការពារជាតិកម្ពុជា។ (រូបថតក្រសួងការពារជាតិ)
កម្ពុជា

ឈុំ សុជាត ប្រដៅអ្នកសារព័ត៌មាន កុំ«បន្ទរ»តាមព័ត៌មានក្លែងក្លាយ

ក្នុងឋានៈជាអ្នកនាំពាក្យក្រសួងការពារជាតិ លោក ឈុំ សុជាត កំពុងតាំងខ្លួន ជាអ្នកប្រដៅអ្នកសារព័ត៌មាន ថាកុំចេះតែចុះផ្សាយ «បន្ទរ»​តាមព័ត៌មានក្លែងក្លាយ ដែលធ្វើឲ្យខុស​«វិជ្ជាជីវៈ»​របស់ខ្លួន។ ក្នុងសន្និសីទសារព័ត៌មាន កាលពីព្រឹកថ្ងៃព្រហស្បត្តិ៍ ទី២៥ ខែកក្កដានេះ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.