ដំណឹងពិភពលោក

អង្គការ«NATO» នឹងមានថវិកា​១០០ពាន់​លានដុល្លារ​បន្ថែមទៀត

ការអំពាវនាវរបស់ប្រធានាធិបតីអាមេរិក លោក ដូណាល់ ត្រាំ (Donald Trump) ឲ្យសម្ព័ន្ធមិត្តរបស់អាមេរិក បង្កើនថវិកាបដិភាគ សម្រាប់អង្គការសន្ធិសញ្ញាអាត្លង់ទិកខាងជើង ហៅកាត់តាមភាសាអង់គ្លេស «NATO» និងភាសាបារាំង «OTAN» ពិតជាមានប្រសិទ្ធិភាព។

នេះបើតាមការអះអាង របស់លោក «Jens Stoltenberg» អគ្គលេខារបស់អង្គការប្រដាប់អាវុធ ដ៏ធំមួយនេះ តាមរយៈទូរទស្សន៍ «Fox News» កាលពីថ្ងៃអាទិត្យ។ លោក «Jens Stoltenberg» បានថ្លែងឡើងថា៖

«ពីនេះ រហូតដល់ឆ្នាំខាងមុខ សម្ព័ន្ធមិត្តរបស់អង្គការ ណាតូ នឹងដាក់ថវិកាបន្ថែម រហូតមានចំនួនប្រមាណជា ១០០ពាន់លានដុល្លារទៀត សម្រាប់វិស័យការពារជាតិ។»

«យើងឃើញថា សារដ៏ច្បាស់ៗរបស់ប្រធានាធិបតី ត្រាំ ទទួលបានចម្លើយតមមកវិញ។»

លោក ដូណាល់ ត្រាំ បានថ្លែងជារឿយៗ ទាមទារតម្លើងថវិកាបដិភាគ ពីបណ្ដាសម្ព័ន្ធមិត្តទាំងឡាយ ដែលជាសមាជិកអង្គការ «NATO» ដែលជាបណ្ដុំប្រទេសធំៗ ជុំវិញមហាសមុទ្រអាត្លង់ទិក​ខាងជើង និងបណ្ដាប្រទេសមួយចំនួនទៀត នៅក្នុងទ្វីបអ៊ឺរ៉ុបខាងកើត។

កាលពីថ្ងៃទី១៧ ខែមករា ឆ្នាំ២០១៩ថ្មីៗ ប្រធានាធិបតីទី៤៥ របស់សហរដ្ឋអាមេរិក បានថ្លែងទៀតថា៖

«យើងនៅជាមួយអង្គការ “NATO” ១០០% តែដូចខ្ញុំបាននិយាយមុនៗ ទៅកាន់រដ្ឋទាំងនោះហើយ (ដែលជាសមាជិករបស់អង្គការនេះ) ថាអ្នកទាំងអស់ ត្រូវប្ដូរចង្កឹះលេខល្បឿន ហើយត្រូវបង់ប្រាក់។»

បន្ទាប់ពីការប្រកាស របស់អគ្គលេខារបស់អង្គការខាងលើរួច លោក ដូណាល់ ត្រាំ បានត្រឡប់មកសរសើរខ្លួនលោកវិញ ថាដោយសារតែរូបលោក ទើបអង្គការនេះមានថវិកាច្រើនបន្ថែមទៀត ដែលរកបានពីសមាជិករបស់ខ្លួន ហើយដែល«មិនធ្លាប់មានពីមុនមក។ ប្រធានាធិបតីអាមេរិក បានបញ្ជាក់ថា៖

«នេះហើយ គេហៅថា ចែករំលែកអម្រែករវាងគ្នា និងជាការរួបរួមគ្នា ខ្លាំងជាងមុន»៕



លំអិតបន្ថែមទៀត

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

សហរដ្ឋអាមេរិក​នឹងផ្ដល់វ៉ាក់សាំងបង្ការជំងឺកូវីដ-១៩ (Covid-19) ប្រភេទ«Johnson&Johnson» ប្រមាណ​ជាង១លានដូស ជូនដល់ប្រជាជន​កម្ពុជា ក្នុងពេលឆាប់ៗខាងមុខនេះ។ នេះ បើតាមសំណេរជូនដំណឹង របស់​ភ្នាក់ងារ​រដ្ឋាភិបាលអាមេរិក «USAID» នៅលើទំព័រហ្វេសប៊ុក​ផ្លូវការ​របស់ខ្លួន។ ភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ...
កម្ពុជា

ស្ថានទូត​អាមេរិក បង្ហាញតួលេខពាណិជ្ជកម្ម ថាចិនចំណេញលើខ្មែរ

ស្ថានទូត​អាមេរិក ប្រចាំនៅកម្ពុជា បានលើកយកតួលេខ មកពន្យល់ថា ទំនាក់ទំនងពាណិជ្ជកម្មរវាងកម្ពុជា និងចិន មានទំហំធំជាងនរណាទាំងអស់។ តែផ្ទុយទៅវិញ ទំនាក់ទំនងនេះ ផ្ដល់ផលចំណេញសម្រាប់ប្រទេសចិន ច្រើនជាងប្រទេសកម្ពុជាខ្លួនឯង ខុសគ្នាឆ្ងាយ ពីទំនាក់ទំនងពាណិជ្ជកម្ម ...
ដំណឹង

ពាក្យដំបូងរបស់ប្រធានាធិបតី បៃដិន៖ «ថ្ងៃដ៏ពិសេស​របស់អាមេរិក»

លោក ចូ បៃដិន (Joe Biden) បានស្បថចូលកាន់តំណែង ជាប្រធានាធិបតីទី៤៦ នៃសហរដ្ឋអាមេរិក នៅថ្ងៃពុធ ទី២០ ខែមករា ឆ្នាំ២០២១នេះ វេលាម៉ោង១១ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...