ដំណឹងពិភពលោក

ខ្មាន់កាំភ្លើង​នៅ​តិចសាស់ អាចនឹង​ទទួលទោស​«ប្រហារជីវិត»

ខ្មាន់កាំភ្លើង ដែលបានបាញ់ប្រហារ ក្នុងផ្សារទំនើប នៃក្រុង «El Paso» រដ្ឋតិចសាស់ សហរដ្ឋអាមេរិក និងដែលបណ្ដាលឲ្យមនុស្សស្លាប់ ២០នាក់ របួស១៦នាក់ កាលពីព្រឹកថ្ងៃសៅរ៍ ត្រូវបានចោទប្រកាន់ ពីបទមនុស្សឃាត ហើយអាចនឹងទទួលទោស«ប្រហារជីវិត»។

លោក «Robert Gomez» នាយនគរបាលក្រុង បានអះអាងក្នុងសន្និសីទសារព័ត៌មាន ក្នុងថ្ងៃអាទិត្យនេះថា ខ្មាន់កាំភ្លើងអាយុ២១ឆ្នាំ ដែលបានប្រគល់ខ្លួន ឲ្យអាជ្ញាធរចាប់នោះ រដ្ឋអាជ្ញា និងអាជ្ញាធរ ស្នើសុំឲ្យមានការផ្តន្ទាទោស ប្រឆាំងយុវជនរូបនេះ ដោយទោសធ្ងន់ធ្ងរបំផុត។

អាជ្ញាធរបានសង្ស័យយុវជនរូបនេះ ថាបានប្រព្រឹត្តិ«ឧក្រិដ្ឋកម្មមួយ ដែលកើតចេញ ពីភាពស្អប់ខ្ពើម»។ ភាពស្អប់ខ្ពើម ដែលជាពាក្យត្រូវបានប្រើ នៅសហរដ្ឋ​អាមេរិក ជំនួសឲ្យទង្វើប្រកាន់ពូជសាសន៍ និងភាពរើសអើង។

ក្នុងឯកសារមួយកម្រាស់៤ទំព័រ ដែលគេគិតថា ត្រូវបានខ្មាន់កាំភ្លើងបង្ហោះ ដាក់នៅលើគេហទំព័រ «8Chan» បានបញ្ជាក់ថា ការវាយប្រហារខាងលើ ជា«ចម្លើយមួយ ទៅនឹងការឈ្លានពាន នៃបណ្ដាជននិយាយភាសាអេស្ប៉ាញ ក្នុងរដ្ឋតិចសាស់» ដោយអះអាង ពីការស្អប់ខ្ពើមជាពន់ពេក ចំពោះជនអន្តោរប្រវេសន៍ និងការបារម្ភថា រដ្ឋតិចសាស់ នឹងធ្លាក់​ទៅក្រោមឥទ្ធិពល របស់គណបក្សប្រជាធិបតេយ្យ ក្នុងពេលណាមួយ។

តុលាការសហព័ន្ធអាមេរិក បានចាត់ទុកសំនុំរឿងនេះ ជា«អំពើភេរវនិយមផ្ទៃក្នុង»។

លោក «Robert Gomez» បញ្ជាក់បន្ថែមថា ជនរងគ្រោះមួយភាគធំ នៅមិនទាន់អាចកំណត់អត្តសញ្ញាណ បាននៅឡើយ។ បន្ទាប់ពីរងគ្រាប់កាំភ្លើងរួច ពួកគេទាំងនោះច្រើននាក់ បានដួលដេក នៅក្នុងផ្សារទំនើប «Walmart» និងខ្លះទៀត នៅឯចំណតរថយន្ដ៕



លំអិតបន្ថែមទៀត

កម្ពុជា

សភាអាមេរិក​ភ្ជាប់​មរណភាព ទិត្យ រ៉ន ទៅនឹង​ទង្វើ​«រំលោភអំណាច»​​នៅ​កម្ពុជា

បន្ទាប់ពីក្រសួងការបរទេស រដ្ឋសភាជាតិ​សហរដ្ឋអាមេរិក តាមរយៈប្រធានគណកម្មការកិច្ចការបរទេស លោក «Eliot Engel» ក៏បានសម្ដែងក្ដីកង្វល់​ដ៏ជ្រាលជ្រៅ ចំពោះមរណភាព ប្រកបដោយភាពមន្ទិល របស់សកម្មជនគណបក្សប្រឆាំង លោក ទិត្យ រ៉ន ...
ដំណឹង

ការស្លាប់របស់ ជច៍ ផ្លយ៖ ស្ត្រីពិការ​ជិះ​រទេះ​ម្នាក់ រង​ការ​វាយប្រហារ

រូបភាពដ៏តក់ស្លុត នៅក្នុងវីដេអូជាច្រើន ដែលត្រូវបានយកមកបង្ហោះ នៅលើបណ្ដាញ​សង្គម បង្ហាញថា ស្ត្រីពិការ​ជិះ​រទេះ​ម្នាក់ ត្រូវបានក្រុមមនុស្ស វាយតប់ បន្ទាប់ពីស្ត្រីរូបនេះ ប៉ុនប៉ង​រារាំង​ពួកគេ មិនឲ្យចូលទៅលួចឆក់ឥវ៉ាន់ ឬទំនិញ នៅក្នុងហាង ...
កម្ពុជា

អាមេរិក​ព្រមាន​ក្រុងភ្នំពេញ​ក្នុងជំហរ​ងាកទៅ​ចិន ដូច«ខ្មែរក្រហម»​បានធ្វើ

ការស្វែងរកយុត្តិធម៌ជូនជនរងគ្រោះ នៅក្នុងរបបប្រល័យពូជសាសន៍ ខ្មែរក្រហម «គួរតែជាការព្រមានដ៍ខ្លាំងមួយ ដល់រដ្ឋាភិបាល នឹងក្រុមអ្នកប្រព្រឹត្តអំពើព្រៃផ្សៃ ឬបំបាត់សម្លេង​ប្រជាជន» ខណៈ «យើងត្រូវចងចំាដែរថា ក្រុមខ្មែរក្រហម​បានពឹងផ្អែកយ៉ាង​ងប់ងល់ ទៅលើមហាអំណាចធំមួយ»។ ខាងលើនេះ ជាដំណកស្រង់ឃ្លាសំខាន់ចំនួនពីរ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...