ដំណឹងពិភពលោក

កាម៉ាឡា ហារី អនុប្រធានាធិបតី​ស្ត្រីដំបូងគេ ដែលមិនមែនជា​«ស្ត្រីចុងក្រោយ»

អ្នកស្រី កាម៉ាឡា ហារី (Kamala Harris) នឹងក្លាយជា«អនុប្រធានាធិបតី​ស្ត្រីដំបូងគេ» នៃសហរដ្ឋ​អាមេរិក បន្ទាប់ពីលទ្ធផលស្ទាបស្ទង់ ធ្វើឡើងដោយប្រព័ន្ធផ្សព្វផ្សាយធំៗ បានផ្ដល់​ជ័យជំនះ ឲ្យបេក្ខជន​មកពី​គណបក្ស​ប្រជាធិបតេយ្យ លោក ចូ បៃដិន (Joe Biden) ដើម្បីក្លាយជាប្រធានាធិបតីអាមេរិក ជំនាន់ទី៤៦ បន្តពីលោក ដូណាល់ ត្រាំ (Donald Trump) ប្រធានាធិបតី​ចប់តំណែង។

ក្នុងឱកាសនៃការថ្លែង ជាលើកដំបូង ទៅកាន់អ្នកគាំទ្រ កាលពីយប់ថ្ងៃសៅរ៍ ទី៧ ខែវិច្ឆិកា ក្នុងក្រុង «Wilmington» នៃរដ្ឋ «Delaware» (ភាគខាងកើត) អ្នកស្រី ហារី បាន​សង្កត់ធ្ងន់ ពី«សុបិន្ត»​របស់ស្ត្រីអាមេរិកាំង​គ្រប់រូប ហើយថា រូបអ្នកស្រីដែល​នឹងក្លាយ​ជាអនុប្រធានាធិបតី នៃប្រទេសមហាអំណាច មិនមែនជា​«ស្ត្រីចុងក្រោយ»​​នោះឡើយ។

អ្នកស្រី កាម៉ាឡា ហារី បានឧទ្ទិសជ័យជំនះ​របស់អ្នកស្រី ជូនទៅអ្នកម្ដាយឈ្មោះ «Shyamala Gopalan Harris» ដើមកំណើតឥណ្ឌា ដែលបានមករស់នៅ សហរដ្ឋអាមេរិក ក្នុងចុងទសវត្សរ៍​ឆ្នាំ៥០ (ឆ្នាំ១៩៥៧ នៅពេលអ្នកស្រីអាយុ១៩ឆ្នាំ) និងដែលបាន​ទទួលមរណភាព នៅឆ្នាំ២០០៩។ អ្នកស្រី កាម៉ាឡា ហារី បានថ្លែងឡើងថា៖

«អ្នកម្ដាយ ពិតជាមិនអាចនឹកស្មានដល់ អំពីអ្វីដែលកំពុងកើត នៅពេលនេះ (ដែលមានកូនស្រី ក្លាយជា​អនុប្រធានាធិបតី​អាមេរិក) ប៉ុន្តែអ្នកម្ដាយបានជឿជាក់ យ៉ាងជ្រាលជ្រៅ ថាប្រទេសអាមេរិកមួយនេះ ពិតជាមានលទ្ធភាព ក្នុងការផ្ដល់​ឱកាសដូច្នេះ។»

«ដូច្នេះ ខ្ញុំនឹកទៅដល់អ្នកម្ដាយ ទៅដល់ស្ត្រីគ្រប់ជំនាន់ គ្រប់ពណ៌សម្បុរទាំងអស់ ទោះមាន​ស្បែកខ្មៅ មកពីអាស៊ី មានស្បែកស មកពីអាមេរិកឡាទីន ឬមានដើមកំណើត​ជាឥណ្ឌា​ស្បែកក្រហម ថាពួកគេកំពុងដើរ​នៅលើវិថី នៃក្ដីសុបិន្ត ដែលអាចសម្រេច ក្នុងថ្ងៃណា​មួយ។»

អនុប្រធានាធិបតី​ស្ត្រីដំបូងគេ ដែលមិនមែនជា​«ស្ត្រីចុងក្រោយ»

អ្នកស្រី កាម៉ាឡា បានបន្តថ្លែងថា អ្នកស្រីជាស្ត្រីដំបូងគេ ដែលមានដើមកំណើត ពី«អាស៊ី​ខាងត្បូង» ដោយបានឡើង​កាន់កាប់តំណែង ជា«អគ្គរដ្ឋអាជ្ញា» ប្រចាំរដ្ឋ​កាលីហ្វ័នី មុននឹង​ក្លាយជា​​«សមាជិកព្រឹទ្ធសភា» នៃសហរដ្ឋអាមេរិក ហើយអ្នកស្រីបានសំដែង​ការគោរព ទៅដល់ស្ត្រី​ទាំងឡាយ ដែលបានបូជាជីវិត ដើម្បី«សមភាព សេរីភាព និងយុត្តិធម៌ ដើម្បីមនុស្ស​រាល់គ្នា»។

អ្នកស្រីលើកឡើងថា៖

«(ការតស៊ូរបស់ស្ត្រី ធ្លាប់កើតឡើងរួចហើយ) កាលពី១០០ឆ្នាំកន្លងទៅ ជាមួយ​វិសោធនកម្ម​រដ្ឋធម្មនុញ្ញ លើកទី១៩ – កាលពី៥៥ឆ្នាំមុន ជាមួយនឹងច្បាប់ ដែលផ្ដល់​សិទ្ធិ​ឲ្យស្ត្រី បានចូលរួមបោះឆ្នោត និងពេលនេះ ក្នុងឆ្នាំ២០២០ ជាមួយនឹងស្ត្រីគ្រប់រូប នៅក្នុងប្រទេសយើង ដែលបានបោះឆ្នោត បន្តការប្រយុទ្ធ ដើម្បីសិទ្ធិជាមូលដ្ឋានគ្រឹះ និងដើម្បីសម្លេងរបស់ផងខ្លួន ត្រូវបានស្ដាប់ឮ។»

«ខ្ញុំនឹងមិនមែន ជាស្ត្រីចុងក្រោយបង្អស់ (ដែលនឹងឡើងកាន់តំណែង ជា​អនុប្រធានាធិបតី​អាមេរិក) នោះឡើយ ព្រោះកុមារីគ្រប់រូប ដែលបានទស្សនា (យើង) ក្នុងយប់នេះ នឹងយល់ច្បាស់ថា ទីនេះ (សហរដ្ឋអាមេរិក) ជាទឹកដី ដែលអាច​ធ្វើឲ្យសុបិន្ត​ទាំងឡាយ សម្រេចចេញ​ជារូបរាង៕»



លំអិតបន្ថែមទៀត

ដំណឹង

បោះឆ្នោត​ប្រធានាធិបតីអាមេរិក៖ បៃដិន ឈ្នះអង្គបោះឆ្នោត ៣០៦សំឡេង

លទ្ធផលព្យាករណ៍ចុងក្រោយ បានចេញផ្សាយឲ្យដឹង នៅទីបំផុត៖ លោក ចូ បៃដិន (Joe Biden) បេក្ខជន​មកពីគណបក្សប្រជាធិបតី បាន«ឈ្នះអង្គបោះឆ្នោត (អ្នកតំណាង​ម្ចាស់ឆ្នោត) រហូតដល់៣០៦​សំឡេង» ទល់នឹងលោក ...
កម្ពុជា

កម្ពុជា​ប្រើ​អាស៊ាន​ព្រមាន​អាមេរិក កុំឲ្យ​​និយាយ​ពី​កិច្ចព្រមព្រៀង​«សម្ងាត់»

រដ្ឋាភិបាលក្រុងភ្នំពេញ តាមរយៈអ្នកនាំពាក្យរបស់ខ្លួន បានស្នើឲ្យសហរដ្ឋអាមេរិក គោរពប្រទេសកម្ពុជា ជុំវិញ​កិច្ចព្រមព្រៀង​«សម្ងាត់» ដែលសារព័ត៌មាន «The Wall Street Journal» ដ៏ល្បីរបស់អាមេរិក បានចេញផ្សាយ កាលពីចុងសប្ដាហ៍មុន។ ...
កម្ពុជា

អាមេរិក​បន្ត​ឲ្យ​ក្រុង​ភ្នំពេញ ដោះលែង កឹម សុខា និង​ស្ដារ​លទ្ធិ​ប្រជាធិបតេយ្យ

សហរដ្ឋអាមរិកបានបន្តជំរុញ ទៅរបបដឹកនាំឯកបក្ស នៅក្នុងប្រទេសកម្ពុជា ឲ្យស្ដារលទ្ធិប្រជាធិបតេយ្យឡើងវិញ ដោយរាប់បញ្ចូល ទាំងការ«ដោះលែង»ប្រធានគណបក្សប្រឆាំង លោក កឹម សុខា ដែលត្រូវបានដាក់ឲ្យជាប់ឃុំ នៅក្នុងពន្ធនាគារ និងប្ដូរមកក្នុងគេហដ្ឋាន តាំងពីជាង២ឆ្នាំ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...