ប្រធានាធិបតីអាមេរិក លោក ចូ បៃដិន (Joe Biden) បានប្រកាសឲ្យដឹង នៅថ្ងៃព្រហស្បត្តិ៍ ទី២៥ ខែមីនាថា លោក​ពិតជា​​មានគម្រោង​​ឈរឈ្មោះ សម្រាប់​អាណត្តិទី២ ដែលនឹងប្រព្រឹត្តិទៅ ក្នុងការបោះឆ្នោតជ្រើសតាំង​ប្រធានាធិបតី​អាមេរិក ឆ្នាំ២០២៤ខាងមុខ។

ការប្រកាសខាងលើ ធ្វើឡើងក្រោយមន្ទិលជាច្រើន ដែលបានលើកឡើងថា លោក បៃដិន ទំនងជាកាន់ដំណែង ជាប្រធានាធិបតី ត្រឹមតែមួយអាណត្តិប៉ុណ្ណោះ។ នៅចំពោះពាក្យចចាមអារាម ដែលកើតមានតាំងពីច្រើនខែមកនេះ លោក បៃដិន បានជ្រើសរើសមិនឆ្លើយតប ដោយផ្ទាល់មាត់ទេ។

តែនៅថ្ងៃព្រហស្បត្តិ៍ សប្ដាហ៍នេះ លោកប្រធានាធិបតីទី៤៦ នៃប្រទេសមហាអំណាច បានលើកឡើង នៅក្នុង​សន្និសីទ​សារព័ត៌មានលើកដំបូង នាសេតវិមានថា លោកមានគម្រោង ដើម្បីបន្តឈរឈ្មោះជាប្រធានាធិបតី សម្រាប់​អាណត្តិទី២ ហើយអ្នកស្រី កាម៉ាឡា ហារី (Kamala Harris) នឹងនៅតែជា«អនុប្រធានាធិបតី»របស់លោក សម្រាប់អាណត្តិថ្មីនោះដដែលដែរ។

ប្រធានាធិបតីវ័យ៧៨ឆ្នាំ បានថ្លែងទៅកាន់ ក្រុមអ្នកសារព័ត៌មានថា៖

«ចម្លើយរបស់ខ្ញុំ គឺបាទ ប្រាកដហើយថា ខ្ញុំនឹងឈរឈ្មោះសារជាថ្មី នៅក្នុងការបោះឆ្នោតប្រធានាធិបតី។ នេះជាអ្វី ដែលខ្ញុំរំពឹង។»

យ៉ាងណា លោកបានឆ្លើយនឹងសំនួរខាងលើ ដោយអះអាងថា លោកចង់ឲ្យ«វាសនា»ជាអ្នកសម្រេច ហើយលោក​នឹងគោរពតាមលទ្ធផលនោះ។ លោកបន្តថា៖

«ខ្ញុំមិនដែលមានគម្រោងច្បាស់លាស់ អំពីការនៅក្នុងតំណែង សម្រាប់រយៈពេល៤ឆ្នាំកន្លះ ឬ៣ឆ្នាំកន្លះ ជាមុនទេ៕»



លំអិតបន្ថែមទៀត

ដំណឹង

ត្រាំ រង​ការចោទប្រកាន់​«ដ៏ធ្ងន់ធ្ងរបំផុត»​ដែលអាច​ត្រូវ​បណ្ដេញ​ពីតំណែង

បន្ទាប់ពីសំណុំរឿង ទាក់ទងជាមួយប្រទេសរ៉ូស្ស៊ី ដែលមិនចេះចប់នោះ ប្រធានាធិបតីអាមេរិកអាមេរិក លោក ដូណាល់ ត្រាំ (Donald Trump) កំពុងប្រឈមមុខ នឹងការចោទប្រកាន់ ជាថ្មីមួយទៀត ក្នុងថ្ងៃសុក្រនេះ។ ...
ដំណឹង

ត្រាំ ក្លាយជា​មេដឹកនាំ​បរទេស​ទី១ ដែល​​ចូលគាល់​ព្រះចៅ​អធិរាជ​ជប៉ុន​​​ថ្មី

នៅព្រឹកថ្ងៃចន្ទទី២៧ ខែឧសភា ឆ្នាំ២០១៩នេះ លោក ដូណាល់ ត្រាំ (Donald Trump) ប្រធានាធិបតីអាមេរិក បាន​ក្លាយជាមេដឹកនាំបរទេសដំបូងគេ ដែលបានចូលគាល់អធិរាជជប៉ុន ព្រះចៅ ណារូហ៊ីតូ ...
ដំណឹង

អង្គការ«NATO» នឹងមានថវិកា​១០០ពាន់​លានដុល្លារ​បន្ថែមទៀត

ការអំពាវនាវរបស់ប្រធានាធិបតីអាមេរិក លោក ដូណាល់ ត្រាំ (Donald Trump) ឲ្យសម្ព័ន្ធមិត្តរបស់អាមេរិក បង្កើនថវិកាបដិភាគ សម្រាប់អង្គការសន្ធិសញ្ញាអាត្លង់ទិកខាងជើង ហៅកាត់តាមភាសាអង់គ្លេស «NATO» និងភាសាបារាំង «OTAN» ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.