ដំណឹងពិភពលោក

មេដឹកនាំ​ដ៏សំខាន់​ម្នាក់​របស់ អាល់កៃដា ត្រូវបាន​សម្លាប់​ដោយកងទ័ព​បារាំង

មេដឹកនាំដ៏សំខាន់ម្នាក់ នៃអង្គការភេរវនិយម «AQMI» ដែលជាសាខាមួយ របស់បណ្ដាញ អាល់កៃដា (Al-Qaïda) ប្រចាំក្នុងទ្វិបអាហ្វ្រិកខាងជើង ត្រូវបានសម្លាប់ ដោយកងទ័ពបារាំង ក្នុងទឹកដីភាគខាងជើង នៃប្រទេសម៉ាលី ជាប់នឹងព្រំដែន ជាមួយប្រទេសអាល់ហ្សេរី។

រដ្ឋមន្ត្រីក្រសួងកងទ័ពបារាំង អ្នកស្រី «Florence Parly» បានអះអាង កាលពីថ្ងៃសុក្រកន្លងមកថា លោក «Abdelmalek Droukdal» ជាតិអាល់ហ្សេរី ដែលជាប្រមុខអង្គការ «AQMI» ត្រូវបានសម្លាប់ រួមនឹងសហការី របស់មេដឹកនាំបណ្ដាញភេរវនិយម​រូបនេះ ជាច្រើននាក់ទៀត។

បើតាមអ្នកស្រីរដ្ឋមន្ត្រី បានបញ្ជាក់ទៀតថា ក្រៅពីមានតួនាទី ជាមេដឹកនាំ​របស់អង្គការភេរវនិយម ប្រចាំនៅទ្វីបអាហ្វ្រិកខាងជើង លោក «Abdelmalek Droukdal» គឺជាសមាជិកនាយក ដ៏សកម្មម្នាក់ របស់បណ្ដាញភេរវកម្ម អាល់កៃដា។ ក្នុងរយៈពេលច្រើនឆ្នាំកន្លងមក បុរសម្នាក់នេះ បានដឹកនាំបណ្ដាញភេរវនិយម ដ៏ស៊ាំញ៉ាំ ដែលមានជាច្រើនក្រុម និងច្រើនពួក នៅក្នុងតំបន់។

ប៉ុន្តែ បើកងទ័ពបារាំងបាន​សម្លាប់ មេដឹកនាំចលនាភេរវនិយមរូបនេះ បានសម្រេចនោះ ក៏មានការរួមចំណែក ពីចារកម្មអាមេរិក​នៅក្នុងតំបន់ដែរ។ លោក «Chris Karns» អ្នកនាំពាក្យបញ្ជាការដ្ឋាន កងទ័ពអាមេរិក ប្រចាំនៅទ្វីបអាហ្វ្រិក បានថ្លែងតាមទូរទស្សន៍ «CNN» ថា៖

«អង្គភាព “US Africa Command” បានផ្ដល់ជំនួយ ជាពិសេសបានផ្ដល់ព័ត៌មានសម្ងាត់ ក៏ដូចជាកិច្ចគាំពារផ្សេងទៀត ដើម្បីឈានទៅឡោមព័ទ្ធ មុខសញ្ញាមួយនេះ៕»



លំអិតបន្ថែមទៀត

លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតលើទ្វីសធើរ)
ដំណឹង

Covid-19៖ បារាំងប្រកាស​ដាក់តំបន់​មួយចំនួន ក្នុង​ភាពអាសន្នវិញ

ចាប់ពីថ្ងៃសៅរ៍ខាងមុខនេះ រហូតដល់យ៉ាងតិច ៤សប្ដាហ៍ខាងមុខ តំបន់មួយចំនួន នៃប្រទេសបារាំង ត្រូវបានដាក់ ក្នុង​ភាពអាសន្នវិញ ដោយបិទការធ្វើដំណើរ រវាងពីម៉ោង​៩យប់ រហូតដល់ម៉ោង៦ភ្លឺ។ ប្រធានាធិបតីបារាំង លោក អេម៉ានុយអែល ...
ទិដ្ឋភាពកងកម្លាំងនគរបាល កំពុងធ្វើប្រតិបត្តិការ បង្ក្រាបភេរវកម្ម នៅកណ្ដាលរដ្ឋធានីវីយែន ប្រទេសអូទ្រីស ក្នុងយប់ថ្ងៃចន្ទទី២ ខែវិច្ឆិកា ឆ្នាំ២០២០។ (រូបថតសហការីលើទ្វីសធើរ)
ដំណឹង

អូទ្រីស៖ ផ្ទុះអំពើភេរវកម្ម​៦កន្លែង ក្នុងរដ្ឋធានី​វីយែន យប់ថ្ងៃចន្ទនេះ

ការផ្ទុះអាវុធជាច្រើន បានកើតឡើង ក្នុងរដ្ឋធានី​វីយែន (Vienne) នៃប្រទេសអូទ្រីស យប់ថ្ងៃចន្ទនេះ។ របាយការណ៍ដំបូង ផ្សាយដោយសារព័ត៌មានក្នុងស្រុក ឲ្យដឹងថា នគរបាលម្នាក់ និងខ្មាន់កាំភ្លើងម្នាក់ទៀត បានស្លាប់ ខណៈមនុស្សច្រើននាក់ ...
ដំណឹង

«ទិដ្ឋភាព»ភ្លាមៗក្នុងព្រះវិហារ Notre-Dame បន្ទាប់ពីរងអគ្គិភ័យ

ព្រឹកថ្ងៃអង្គារនេះ បណ្ដាជននៅក្នុងរដ្ឋធានីប៉ារីស បានភ្ញាក់ពីដំណេក ជាមួយនឹងសុបិន្តដ៏អាក្រក់ ដែលកំពុងបន្តពន្យល់ ជាមួយនឹង«ទិដ្ឋភាព»ស្រស់ៗ នៅនឹងមុខនៅឡើយ។ នោះ គឺព្រះវិហារ «Notre-Dame» ដ៏ល្បី និងជាដួងព្រលឹង របស់ផងខ្លួន ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.