ដំណឹងពិភពលោក

អតីត​ប្រធានាធិបតី និង​​អតីត​បេក្ខជន​ម្នាក់​ទៀត​ ប្រកាស​​មិន​បោះឆ្នោត​​ឲ្យ ត្រាំ

អតីតប្រធានាធិបតី លោក ជច៍ វ័លឃ័រ ប៊ូស (George W. Bush) និងអតីតបេក្ខជនប្រធានាធិបតី លោក មីដ រូមនី (Mitt Romney) ដែលសុទ្ធតែមកពីគណបក្សសាធារណរដ្ឋ សុទ្ធតែបានប្រកាស ទុកជាមុនថា ពួកលោក នឹង«មិនបោះឆ្នោត»គាំទ្រលោក ដូណាល់ ត្រាំ (Donald Trump) សម្រាប់តំណែងជាប្រធានាធិបតី អាណត្តិទី២ នៅចុងឆ្នាំខាងមុខនេះទេ។

សារព័ត៌មាន «New York Times» បានស្រង់សំដី របស់ពួកលោកទាំងពីរ មកចុះផ្សាយ កាលពីថ្ងៃអាទិត្យម្សិលមិញ ដោយមិនភ្លេច លើកយកករណី របស់អ្នកស្រី «Cindy McCain» ភរិយាមេមាយ​នៃសពអតីតព្រឹទ្ធសមាជិក លោក ចន ម៉ាកខេន (John McCain) ដែលបានអះអាង​សឹង​​ជាស្ថាពរថា អ្នកស្រីនឹងគាំទ្រលោក ចូ បៃដេន (Joe Biden) បេក្ខជន​ប្រធានាធិបតី ដែល​ចេញពី​​គណបក្សប្រជាធិបតេយ្យ។

នៅក្នុងការបោះឆ្នោតប្រធានាធិបតី ឆ្នាំ២០១៦ អតីតប្រធានាធិបតី អតីតបេក្ខជនប្រធានាធិបតី និងភរិយាសពលោក ម៉ាក់ខេន ដែលជាឥស្សរជនដ៏កំពូល របស់គណបក្សសាធារណរដ្ឋ ធ្លាប់មានជំហររួចហើយ ក្នុងការបដិសេធ មិនបោះឆ្នោតឲ្យលោក ដូណាល់ ត្រាំ។ តែសារព័ត៌មានខាងលើ បញ្ជាក់ថា បរិបទក្នុងពេលបច្ចុប្បន្ន មិនដូចគ្នានឹងពេលនោះទេ។

«New York Times» ពន្យល់ថា នៅឆ្នាំ២០០១៦ លោក ត្រាំ គ្រាន់តែជា​បេក្ខជន​ម្នាក់​ប៉ុណ្ណោះ ហើយពេលនោះ នរណាៗក៏មិនបានជឿជាក់ដែរ ថាលោក ត្រាំ អាចឈ្នះឆ្នោត ជាប់ជាប្រធានាធិបតី។

តែនៅថ្ងៃនេះ ការចេញមុខប្រឆាំង នឹងប្រធានាធិបតីក្នុងតំណែង នឹងធ្វើឲ្យនយោបាយ នៅក្នុង​គណបក្ស​សាធារណរដ្ឋ ជួបគ្រោះថ្នាក់ធ្ងន់ធ្ងរ ជាពិសេស​​នៅពេលនិយាយពី​អំណាច​ប្រធានាធិបតី ក្នុងការ​តែងតាំង​ចៅក្រម និងការកាត់បន្ថយ​​ពន្ធដារ។

ឥស្សរជនសំខាន់ៗ​ ជាច្រើននាក់ នៅក្នុងគណបក្សសាធារណរដ្ឋ បានសំដែងមន្ទិល សម្រាប់ខ្លួនឯង កាន់តែច្រើនឡើង នៅចំពោះលទ្ធភាព នៃការបោះឆ្នោតជូនលោក ត្រាំ សម្រាប់អាណត្តិទីពីរ។ មន្ទិលនោះ មានកាន់តែខ្លាំងថែមទៀត បើពួកគេមើលពីសំដី របស់ប្រធានាធិបតីរូបនេះ ជុំវិញអំពើហិង្សា បង្កឡើងដោយក្រុមនគរបាល និង​វិធានការ ក្នុងការដោះស្រាយវិបត្តិជំងឺ «Covid-19»។

ក្រៅពីឥស្សរជនទាំងបីខាងលើ សារព័ត៌មាន «New York Times» នៅបានសាកសួរ ទៅកាន់​ឥស្សរជន​ជាច្រើនទៀត ដែលហាក់បង្ហាញភាពរារែក របស់ពួកគេ ក្នុងការគាំទ្រ​លោក ត្រាំ។ សមាជិកគណបក្ស​សាធារណរដ្ឋ​ខ្លះ បានជ្រើសរើស​យកបេក្ខជន​ទីបី ខណៈ​សមាជិក​មួយចំនួន​ទៀត បានបង្ហាញជំហរ​ដោយ​ត្រង់ៗ ថាពួកគេនឹង​បោះឆ្នោត ជូន​លោក ចូ បៃដេន ដោយគ្មាន​ការអល់អែក៕



You may also like

កំសាន្ដ

សុន្ទរកថា​ដំបូង​នៃ​អភិបាល​រដ្ឋ​កាលីហ្វ័នី ឆាឆៅដោយ… កូនប្រុស​លោក

អភិបាលថ្មី នៃរដ្ឋកាលីហ្វ័នី (ភាគខាងលិចសហរដ្ឋអាមេរិក) បានធ្វើសុន្ទរកថាដំបូង កាលពីថ្ងៃចន្ទកន្លងមក ប៉ុន្តែកូនប្រុស របស់លោកអភិបាល ក៏បានឆ្លៀតឱកាស ដើម្បីឡើងបង្ហាញខ្លួន ជាមួយឪពុក នៅលើវេទិកាដែរ។ ដោយទំនងជាជក់អារម្មណ៍ នឹងសំដីរបស់ស្វាមី ...
ដំណឹង

ត្រាំ ក្លាយជា​មេដឹកនាំ​បរទេស​ទី១ ដែល​​ចូលគាល់​ព្រះចៅ​អធិរាជ​ជប៉ុន​​​ថ្មី

នៅព្រឹកថ្ងៃចន្ទទី២៧ ខែឧសភា ឆ្នាំ២០១៩នេះ លោក ដូណាល់ ត្រាំ (Donald Trump) ប្រធានាធិបតីអាមេរិក បាន​ក្លាយជាមេដឹកនាំបរទេសដំបូងគេ ដែលបានចូលគាល់អធិរាជជប៉ុន ព្រះចៅ ណារូហ៊ីតូ ...
ដំណឹង

ចូ បៃដិន ថ្លែងសារដំបូង៖ «ពលរដ្ឋ​បានបញ្ចេញ​សម្លេង​របស់ពួកគេ»

«ពលរដ្ឋ​បានបញ្ចេញ​សម្លេង​របស់ពួកគេ និងបានផ្ដល់ឲ្យយើង នូវជ័យជំនះ» នេះ ជាការថ្លែងរបស់លោក ចូ បៃដិន (Joe Biden) ប្រធានាធិបតីជាប់ឆ្នោត នៃសហរដ្ឋ​អាមេរិក ដែលជាសារដំបូង ថ្លែងទៅកាន់​អ្នកគាំទ្រ ...

Comments are closed.

កម្ពុជា

ក្រុងភ្នំពេញដេញ​អ្នកកាសែតចិនម្នាក់ ព្រោះផ្សាយ​ថា កម្ពុជាលក់វ៉ាក់សាំង

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...