• លីប៊ី៖ ការប្រយុទ្ធ​ ដណ្ដើម​កាន់កាប់​រដ្ឋធានី បាន​សម្លាប់​មនុស្ស​ជាង​១២០នាក់

    ក្នុងគោលបំណង ដណ្ដើម​កាន់កាប់​រដ្ឋធានី ទ្រីប៉ូលី កងទ័ពរបស់​លោកសនាប្រមុខ «Khalifa Haftar» ដែលតាំងខ្លួនជា«កងទ័ពជាតិលីប៊ី» បានធ្វើការប្រយុទ្ធ តាំងពីដើមខែមេសាមក តទល់នឹងកងទ័ពបង្រួបបង្រួមជាតិ ដែលគ្រប់គ្រងដោយរដ្ឋាភិបាលលីប៊ីបច្ចុប្បន្ន ទទួលស្គាល់ដោយសហគមន៍អន្តរជាតិ។ ស្ថិតក្នុងស្ថានភាពមិនឈ្នះមិនចាញ់ តែការប្រយុទ្ធរវាងកងទ័ពទាំងសងខាង បានបណ្ដាលឲ្យមានមនុស្ស ស្លាប់១២១នាក់ និងរបួស ៥៦៤នាក់។ នេះបើតាមការអះអាង របស់អង្គការសុខភាពពិភពលោក (WHO) ដែលមានទីស្នាក់ការសាខារបស់ខ្លួន នៅក្នុងប្រទេសលីប៊ី។ អង្គការពិភពលោកមួយនេះ មិនបានបញ្ជាក់ពីចំនួនជនស៊ីវិល ដែលរងគ្រោះទេ តែបានអះអាងថា បុគ្គលិកជួយសង្គ្រោះ និងរថយន្ដគិលានសង្គ្រោះជាច្រើន បានរងការវាយប្រហារ។ បើទោះជារងការដាក់សម្ពាធ ផ្នែកការទូត ពីសំណាក់​សហគមន៍អន្តរជាតិក៏ដោយ តែលោក «Khalifa ...
  • សម រង្ស៊ី ជូនពរ​«ឆ្នាំកុរ»​ដោយប្រើ​សារនយោបាយ​ប្ដេជ្ញា​ទម្លាក់ ហ៊ុន សែន

    ប្រធានស្ដីទីគណបក្សប្រឆាំង លោក សម រង្ស៊ី បានថ្លែងជូនពរឆ្នាំថ្មី ឆ្នាំកុរ ព.ស.២៥៦៣ ដោយប្រើសារនយោបាយសង្កត់ធ្ងន់ អំពី«ការផ្លាស់ប្ដូរ» និងអះអាងអំពីអ្វីមួយ ដែលលោកបញ្ជាក់ថា ជា«ការរំដោះប្រទេសកម្ពុជា» ពីកណ្ដាប់ដៃ«លោក ហ៊ុន សែន និងក្រុមគ្រួសារ»។ មេដឹកនាំប្រឆាំងបានថ្លែងដូច្នេះ នៅក្នុងវីដេអូមួយ ដែលលោកបង្ហោះនៅលើទំព័រហ្វេសប៊ុករបស់លោក ក្នុងថ្ងៃទី១៤ ខែមេសា ឆ្នាំ២០១៩នេះ។ លោកថា៖ «ក្នុងឆ្នាំថ្មីនេះ ខ្ញុំសូមប្រសិទ្ធិពរសូមឲ្យប្រជារាស្ត្រខ្មែររួចផុតពីអំណាចផ្ដាច់ការ ហើយយើងទាំងអស់គ្នា នឹងទទួលបានជោគជ័យ ក្នុងបេសកកម្មដណ្ដើមយកប្រទេសកម្ពុជា មកសងប្រជារាស្ត្រខ្មែរ ដេលជាម្ចាស់ទឹកម្ចាស់ដីវិញ។ សូមឲ្យប្រជារាស្ត្រខ្មែររួចផុត ពីក្រញ៉ាំជនផ្ដាច់ការ ហ៊ុន សែន និងក្រុមគ្រួសារ ...
  • អាមេរិក​លើកពី​«សេរីភាព និង ចំណងទ្វេភាគី» ដើម្បីជូនពរឆ្នាំថ្មីដល់កម្ពុជា

    សម្រាប់ឱកាសបុណ្យចូលឆ្នាំថ្មី ប្រពៃណីជាតិនេះ សហរដ្ឋអាមេរិកបានផ្ញើរសារ ជូនពរប្រជាជនកម្ពុជា ប្រកបដោយអត្ថន័យសង្កត់ធ្ងន់ ទៅលើ«សេរីភាព» និងលើកឡើង ពីក្ដីសង្ឃឹម នៃការពង្រឹង«ចំណងទ្វេភាគី» កាន់តែខ្លាំងឡើង ក្នុងឆ្នាំខាងមុខ។ ​អ្នកនាំពាក្យ​ក្រសួង​ការបរទេស របស់ប្រទេសមហាអំណាច អ្នកស្រី ម័រហ្គិន អ៊ថាហ្គឹះស៍ (Morgan Ortagus) ចេញ​សេចក្ដី​ថ្លែងការណ៍ កាលពី​ថ្ងៃ​ទី១២ ខែ​មេសា ឆ្នាំ២០១៩ (ត្រូវនឹងថ្ងៃទី១៣ ខែមេសា ម្សិលម៉ិញ) ថាក្នុងនាមរដ្ឋាភិបាល នៃសហរដ្ឋអាមេរិក អ្នកស្រី សូមជូរពរបវរប្រសើ ដល់ប្រជាជនកម្ពុជា នៅក្នុងឱកាស នៃបុណ្យចូលឆ្នាំថ្មីខ្មែរ។ អ្នកស្រីបន្តថា៖ «ចំណងមេត្រីភាពដ៏​ល្អ ​រវាង​ប្រជាជននៃប្រទេស​ទាំងពីរ ...
  • កម្ពុជា​ប្ដឹង EU ឡើងទៅ​តុលាការ​អ៊ឺរ៉ុប​«ឲ្យ​ដកចេញ​វិញ»​ការយក​ពន្ធ​អង្ករ

    របបក្រុងភ្នំពេញ រួមនឹងសហព័ន្ធស្រូវអង្ករកម្ពុជា បានសម្រេចកាលពីថ្ងៃទី១១ ខែមេសា ឆ្នាំ២០១៩នេះ ដាក់ពាក្យបណ្ដឹង ឡើងទៅសាលាក្ដីយុត្តិធម៌ របស់សហភាពអ៊ឺរ៉ុប (EU) ដើម្បីទាមទារ«ឲ្យ​ដកចេញ​វិញ នូវសេចក្ដីសម្រេចរបស់គណៈកម្មការអ៊ឺរ៉ុប» ដែលកំណត់កាលពីខែមករា ឲ្យយកពន្ធអង្ករនាំចូល ពីប្រទេសកម្ពុជា។ ទីភ្នាក់ងារព័ត៌មានអ៊ឺរ៉ុប (Agence Europe) បានអះអាងពីពាក្យបណ្ដឹងរបស់ប្រទេស​កម្ពុជា ប៉ុន្តែមិនបានលំអិតបន្ថែម អំពីករណីនេះទេ។ កាលពីថ្ងៃទី១៦ ខែមករា ឆ្នាំ២០១៩ សហភាពអ៊ឺរ៉ុបបានប្រកាស ​យកពន្ធអាករ​ឡើងវិញ​ទៅលើ ផលិតផលអង្ករ ដែលត្រូវបាននាំចូល ពីប្រទេសកម្ពុជា និងពីប្រទេសភូមា ដោយត្រូវអនុវត្តន៍ ចាប់ពីថ្ងៃសុក្រទី១៨ ខែមករា ឆ្នាំ២០១៩ ពោលគឺពីរថ្ងៃក្រោយសេចក្ដីប្រកាសនោះ រហូតមក។ ...
  • ភរិយា កែម ឡី សុំឲ្យ​​ស្ត្រីរងគ្រោះទាំងឡាយ​«រឹងមាំ អត់ធ្មត់ និង​មាន​សង្ឃឹម»

    «សូម រឹងមាំ អត់ធ្មត់ និង​មាន​សង្ឃឹម ព្រោះថា ស្វាមីពួកយើង មិនបានធ្វើរឿងដែលខុសនោះទេ» នេះ ជាការលើកឡើងរបស់អ្នកស្រី ប៊ូ រចនា ភរិយាមេម៉ាយ របស់សពលោកបណ្ឌិតកែម ឡី ដើម្បីផ្ដាំផ្ញើរទៅដល់ស្ត្រីទាំងឡាយ ដែលមានក្រុមគ្រួសាររបស់ខ្លួន រងការធ្វើទុក្ខបុកម្នេញ ទាំងក្ដីអយុត្តិធម៌។ ពីប្រទេសអូស្ត្រាលី ដែលអ្នកស្រីនិងកូនៗរបស់អ្នកស្រី កំពុងជ្រកកោនផ្នែកនយោបាយ ភរិយាមេម៉ាយរបស់អតីតអ្នកធ្វើអត្ថាធិប្បាយនយោបាយ ដ៏ល្បីឈ្មោះ បានបង្ហោះសារនៅលើបណ្ដាញសង្គមថា រយៈពេលជាង២ឆ្នាំកន្លងមកនេះ ដែលអ្នកស្រីនិងកូនៗអ្នកស្រី បានបាត់បង់ស្វាមី និងឪពុកជាទីស្រឡាញ់របស់ផងខ្លួន ហើយក៏ជារយៈពេលកន្លងផុត ដែលអ្នកស្រីបានស្ពាយបង្វិច ចាកចេញឆ្ងាយពីស្រុកកំណើត។ បើទោះជាអ្នកស្រី ប៊ូ រចនា បានរំលឹកពីភាពសោកសៅ ...
  • សារ​បួងសួង​សុំ​«សុខសន្ដិភាព» របស់ កឹម សុខា ក្នុង​ឱកាស​ចូលឆ្នាំថ្មី

    នៅមួយថ្ងៃ មុនថ្ងៃចូលឆ្នាំថ្មីមកដល់ ទំព័រហ្វេសប៊ុករបស់ប្រធានគណបក្សសង្គ្រោះជាតិ លោក កឹម សុខា បានបង្ហោះសារបួងសួងខ្លីៗ ដើម្បីស្នើឲ្យប្រទេសកម្ពុជា និងប្រជាពលរដ្ឋខ្មែរ មាន«សុខសន្ដិភាព» និងការរួមរស់ដោយសុខដុមរមនា។ ក្នុងខណៈនេះ ប្រធានគណបក្សប្រឆាំង កំពុងរងការជាប់ឃុំ នៅក្នុងគេហដ្ឋានរបស់លោក ក្នុងរាជធានីភ្នំពេញ ក្រោមការឃ្លាំមើលយ៉ាងតឹងរ៉ឹង ពីសំណាក់ក្រុមអាជ្ញាធរកម្ពុជា ដែលអះអាងថា អនុវត្តន៍តាមដីការបស់តុលាការ។ សារបួងសួងសម្រាប់ឱកាសចូលឆ្នាំថ្មី ដែលគេគិតថាជារបស់លោក កឹម សុខា បានសរសេរឡើងថា៖ «សូមឲ្យប្រទេសកម្ពុជាមាន សុខសន្ដិភាព ការរីកចំរើន ស្ថិតស្ថេរគង់វង់សម្រាប់ប្រជាពលរដ្ឋខ្មែរគ្រប់រូប ដែលជាម្ចាស់ទឹកដី និងសូមឲ្យកម្ពុជា ចាកផុតគ្រោះថ្នាក់ទាំងឡាយ ដែលបង្កដោយធម្មជាតិ ឬដោយមហិច្ឆិតាអគតិរបស់មនុស្ស។» «ខ្មែរវិលមករកដំណោះស្រាយ ...