កម្ពុជាដំណឹង

សម រង្ស៊ី៖ ស្ដេច​«ទន់ជ្រាយ»​បែបនេះ គឺ​«ឥតប្រយោជន៍»​សម្រាប់​ប្រទេស

លោក សម រង្ស៊ី មេដឹកនាំប្រឆាំងកម្ពុជា។ (រូបថត EPA)

សម្រាប់លោក សម រង្ស៊ី ព្រះមហាក្សត្រកម្ពុជាសព្វថ្ងៃ ជាស្ដេច«ទន់ជ្រាយ» «ឥតប្រយោជន៍» ព្រោះ«សំងំសុខតែនៅក្នុងវាំង» និង«មិនដែលឈឺឆ្អាល» អំពីបញ្ហារាស្ត្រម្ដងណាទេ។ មេដឹកនាំប្រឆាំង បានថ្លែងដូច្នេះ នៅក្នុងប្រតិកម្មមួយរបស់លោក ដែលលោកបង្ហោះ នៅលើបណ្ដាញសង្គម ដើម្បីតបនឹងសាលក្រម របស់តុលាការរាជធានី។

កាលពីថ្ងៃព្រហស្បត្តិ៍ ទី២ ខែឧសភា ឆ្នាំ២០១៩ម្សិលម៉ិញ សាលាដំបូងរាជធានីភ្នំពេញ បានចេញសាលក្រម កាត់ទោសលោក សម រង្ស៊ី ពីបទចោទប្រកាន់ចំនួនពីរ ដោយសម្រេចផ្ដន្ទាទោសលោក ដាក់​ពន្ធនាគារ​កំណត់ ៨ឆ្នាំ (៤ឆ្នាំ សម្រាប់​បទល្មើស​នីមួយៗ) និង​ផាក​ពិន័យ​សរុប ​២០​ លាន​រៀល​។

បទចោទទីមួយ ជាបទ«ញុះញង់កុំឲ្យយោធិនស្ដាប់បង្គាប់ និងធ្វើឲ្យខូចទឹកចិត្តកងទ័ព» ទាក់ទងនឹងការអំពាវនាវ​​របស់​លោក កាល​ពី​ថ្ងៃទី​៥ ខែធ្នូ ឆ្នាំ២០១៧​ ឲ្យ​កងកម្លាំង​ប្រដាប់​អាវុធ​ ឈប់​ស្ដាប់​បង្គាប់​មេដឹកនាំ​«ផ្ដាច់ការ»។

រីឯសំណុំរឿងទីពីរ ជាបទ«ប្រមាថព្រះមហាក្សត្រ» ជុំវិញការ​​អះអាង ​របស់​លោក សម ​រង្ស៊ី កាលពីអំឡុងខែកក្កដា ឆ្នាំ២០១៨ ដែល​ថា លិខិត​ព្រះមហាក្សត្រ​ ដែល​អំពាវ​នាវ​ឲ្យ​ពលរដ្ឋ​ទៅ​បោះ​ឆ្នោត​ គឺ​ជា​លិខិត«ក្លែង​ក្លាយ» ​ឬ​ត្រូវ​ធ្វើ​ឡើង​«ក្រោម​ការ​គំរាម​កំហែង»។

ជាប្រតិកម្មតបនឹងសាលក្រម ខាងលើនេះ លោក សម រង្ស៊ី បញ្ជាក់ថា លោក«គ្រាន់តែនិយាយការពិត» ហើយនៅតែអះអាងជាថ្មី ថា«ព្រះមហាក្សត្រសព្វថ្ងៃ គឺជាចំណាប់ខ្មាំង»។ លោកសរសេរ នៅលើទំព័រហ្វេសប៊ុករបស់លោក កាលពីមុននេះបន្តិចថា៖

«ព្រះមហាក្សត្រសព្វថ្ងៃ គឺជាចំណាប់ខ្មាំង របស់ជនផ្តាច់ការ ហ៊ុន សែន ដែលបង្ខំឲ្យព្រះអង្គប្រថាប់ត្រា លើរាល់ទង្វើអាក្រក់របស់ជនផ្តាច់ការ ហ៊ុន សែន នេះ។»

ប្រធានស្ដីទីគណបក្សប្រឆាំង បានប្រើពាក្យខ្លាំងៗបន្ថែម នៅក្នុងសាររបស់លោកទៀតថា៖

«ព្រះមហាក្សត្រ”ទន់ជ្រាយ”បែបនេះ គឺ”ឥតប្រយោជន៍”ទាល់តែសោះ សម្រាប់ប្រទេសជាតិ ហើយមានតែធ្វើឲ្យខូចខាត ផលប្រយោជន៍ជាតិទៅវិញ។ ព្រះអង្គសំងំសុខ តែក្នុងវាំង ឬនៅប្រទេសចិន ហើយមិនដែលឈឺឆ្អាល អំពីទុក្ខវេទនារបស់ប្រជារាស្ត្រ ដងណាទេ ហើយក៏មិនដែលចេញមុខ ការពារប្រជារាស្ត្ររងគ្រោះ ដងណាឡើយ។»

ចំពោះសំនុំរឿងទីមួយ លោក សម រង្ស៊ី បានអះអាងថា លោកនឹងបន្តធ្វើសេចក្ដីអំពាវនាវ ឲ្យកាន់តែខ្លាំងឡើង ទៅកាន់កងកម្លាំងប្រដាប់អាវុធ ឲ្យ«ឈប់ស្ដាប់ និងឈប់ការពារជនផ្ដាច់ការ»។ លោកថា៖

«ខ្ញុំនឹងរឹតតែលើកទឹកចិត្ត កងកម្លាំងប្រដាប់អាវុធថែមទៀត សូមឲ្យឈប់ស្តាប់ និងឈប់ការពារជនផ្តាច់ការ ហ៊ុន សែន តែត្រូវ[ងាក]បែរ ទាំងទឹកចិត្ត ទាំងចុងកាំភ្លើង មកការពារប្រជារាស្ត្រវិញ ហើយចូលរួមចលនាស្រោចស្រង់ជាតិ ដោយកម្ចាត់របបផ្តាច់ការសព្វថ្ងៃ នៅកម្ពុជា៕»

០៣ ឧសភា ២០១៩ / 03 May 2019 សាលក្រមឲ្យជាប់ពន្ធនាគារ ពីរទៀត ចំពោះ សម រង្ស៊ី / Two more jail sentences for Sam Rainsy…

Publiée par Sam Rainsy sur Vendredi 3 mai 2019


You may also like

កម្ពុជា

សម រង្ស៊ី៖ ទង្វើ ហ៊ុន សែន ដែលមិនឲ្យ​ពលរដ្ឋ​វិលចូល​ស្រុក រំលោភ​រដ្ឋធម្មនុញ្ញ

មេដឹកនាំគណបក្សប្រឆាំង លោក សម រង្ស៊ី បានប្រតិកម្មតបនឹងការបដិសេធ របស់លោកនាយករដ្ឋមន្ត្រី ហ៊ុន សែន ដែលហាមពលរដ្ឋខ្មែរ ប្រមាណជា១៥០នាក់ មិនឲ្យវិលពីប្រទេសម៉ាឡេស៊ី ត្រឡប់ចូលកម្ពុជានោះ គឺទង្វើរំលោភរដ្ឋធម្មនុញ្ញយ៉ាងធ្ងន់ធ្ងរ។ ...
កម្ពុជា

សម រង្ស៊ី ថា EU ដាក់កម្ពុជា​ចូល​«បញ្ជីខ្មៅ»​ព្រោះ​«ប្រព័ន្ធពុករលួយ»

សម្រាប់ប្រធានស្ដីទីគណបក្សប្រឆាំង បានលើកឡើងថា ការដាក់កម្ពុជា​ចូលក្នុង​«បញ្ជីខ្មៅ» ពីសំណាក់​សហភាព​អ៊ឺរ៉ុប ឬ «EU»  គឺមានជាប់ទាក់ទង នឹង​ឧស្សាហកម្ម​ល្បែងស៊ីសង ដែលរីកដុះដាលដូចផ្សិត នៅកម្ពុជា និងការផ្ទេរប្រាក់ ដ៏គួរឲ្យសង្ស័យ ដើម្បីទិញ​អចលនទ្រព្យ។ ...
កម្ពុជា

សម រង្ស៊ី ថានឹងវិល​មកកម្ពុជា​ដើម្បីចាប់ ហ៊ុន សែន យកទៅ​កាត់ទោស

មេដឹកនាំប្រឆាំងបានបង្ហាញជំនឿមុតមាំថា ដំណើរវិលត្រឡប់ចូលប្រទេសកម្ពុជា មិនមែនដើម្បីដើរចូល ទៅឲ្យអាជ្ញាធរបញ្ជាដោយលោកនាយករដ្ឋមន្ត្រី ហ៊ុន សែន ចាប់ខ្លួនលោកនោះទេ។ លោក សម រង្ស៊ី បានថ្លែងពីក្រុងសៀតថល សហរដ្ឋអាមេរិកមកថា លោកត្រឡប់ចូលស្រុកវិញ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...