កម្ពុជាដំណឹង

កូនស្រី កឹម សុខា ចង់​ឲ្យ​ហ្វេសប៊ុក​បញ្ជាក់​ពី​អត្តសញ្ញាណ​ខ្លួន

កូនស្រីពៅរបស់ប្រធានគណបក្សប្រឆាំង កញ្ញា កឹម សម្មាធីតា មានបំណងចង់ឲ្យក្រុមហ៊ុន ហ្វេសប៊ុក បញ្ជាក់ពីអត្តសញ្ញាណ នៃទំព័រ ឬគណនីរបស់កញ្ញា ក៏ដូចជារបស់បងស្រីកញ្ញា ដើម្បីកុំឲ្យអ្នកផ្សេង អាចបន្លំបាន។

នៅលើបណ្ដាញសង្កម (ទាំងហ្វេសប៊ុក និងទ្វីសធើ) កញ្ញា កឹម សម្មាធីតា បានធ្វើការបដិសេធគណនីហ្វេសប៊ុកមួយ ដែលដាក់ឈ្មោះ បងស្រីរបស់កញ្ញាឈ្មោះ កឹម មនោវិទ្យា ហើយដែលចេះ តែបង្ហោះរឿងរ៉ាវ ចាក់ឲ្យមានជម្លោះផ្ទៃក្នុង កាន់តែខ្លាំងឡើង។

កញ្ញាបានសរសេរ ជាភាសាអង់គ្លេស និងមានអត្ថន័យជាខេមរភាសាថា៖

«ទំព័រមួយនេះ (https://www.facebook.com/Monovithya-Kem-499343820522766/) បន្លំជាទំព័រ របស់កញ្ញា កឹម មនោវិទ្យា ហើយហ្វេសប៊ុកមិនបានធ្វើអ្វីសោះ ដើម្បីបញ្ឈប់ការផ្សាយ ព័ត៌មានមិនពិត [ដែលចេញពីទំព័រនេះ]។ តើយើងចាំបាច់ ត្រូវមានតំបន់ភ្ជាប់ចូល ទៅកាន់ក្រុមហ៊ុនអ្នកឯង [ហ្វេសប៊ុក] ដូចគណបក្សប្រជាជនកម្ពុជាឬទេ ដើម្បីមានសិទ្ធិជាមូលដ្ឋាន ក្នុងការការពារអត្តសញ្ញាណរបស់យើង?»

This page https://www.facebook.com/Monovithya-Kem-499343820522766/ pretends to be Monovithya Kem and facebook doesn't do…

Gepostet von Samathida Kem am Sonntag, 23. Dezember 2018

ទំព័រដែលពោរពេញ ដោយមន្ទិលខាងលើ ដាក់ឈ្មោះ «Monovithya Kem» តែងបង្ហោះរូបភាពជាច្រើន ដែលមើលទៅ ដូចជាសេចក្ដីថ្លែងការណ៍ របស់គណបក្សសង្គ្រោះជាតិ។ អត្ថបទទាំងនោះ បានប្រើភាសាចាក់ដោត និងភាសាគ្រាម (មិនមានលក្ខណៈការទូត) ដែលគេមិនដែលឃើញ គណបក្សប្រឆាំងប្រើប្រាស់ ឬសរសេរក្នុងសេចក្ដីថ្លែងការណ៍ ពីមុនមកទេ។ មានអត្ថបទមួយនោះ បានសរសេរហៅកញ្ញា កឹម មនោវិទ្យា ថាជា «តំណាងប្រធានស្របច្បាប់ នៃគណបក្ស»នោះទៀតផង។

យ៉ាងណា អ្នកជំនាញ «IT» មួយរូប បានថ្លែងប្រាប់ទស្សនាវដ្ដី មនោរម្យ.អាំងហ្វូ យ៉ាងខ្លីថា សាមីខ្លួនអាច «Repport» ឬ «រាយការណ៍» ទំព័រ/គណនីទាំងឡាយ ដែលប្រើប្រាស់អត្តសញ្ញាណ (ទាំងឈ្មោះទាំងរូបភាព) របស់ខ្លួន ឡើងទៅហ្វេសប៊ុក ដោយមិនចាំបាច់ទាល់តែហ្វេសប៊ុក ស្គាល់ខ្លួននោះទេ។ ក្រុមហ៊ុនហ្វេសប៊ុក ដែលមានអង្គភាពមួយ សម្រាប់ធ្វើការត្រួតពិនិត្យ ទៅលើទំព័រ/គណនីក្លែងក្លាយ នឹងចាត់វិធានការ ដោយលប់ទំព័រ/គណនីនោះ ចេញពីបណ្ដាញរបស់ខ្លួន៕



លំអិតបន្ថែមទៀត

កម្ពុជា

សម រង្ស៊ី ថា​​កំពុង​ត្រៀម​វិធានការ​«ការពារ​អ្នកគាំទ្រ» ពេល​លោក​វិល​ចូល​ស្រុក

«ខ្ញុំត្រូវតែ ការពារ​អ្នកគាំទ្រ គណបក្សសង្គ្រោះជាតិ និងអ្នកដែលចូលរួម រៀបចំដំណើរ​មាតុភូមិនិវត្តន៍របស់ខ្ញុំ» នេះ ជាការអះអាងឡើង របស់មេដឹកនាំប្រឆាំង លោក សម រង្ស៊ី ពីរដ្ឋធានីប៉ារីស ប្រទេសបារាំង ...
កម្ពុជា

ក្រុងភ្នំពេញថា អន្តរជាតិ​ចាត់ទុក សម រង្ស៊ី ជា​«ជនប្រជាភិថុតិ»​ដ៏​គ្រោះថ្នាក់

របបដឹកនាំក្រុងភ្នំពេញ តាមរយៈក្រសួងការបរទេសរបស់ខ្លួន បានអះអាងថា នៅក្នុងបណ្ដាប្រទេសអ៊ឺរ៉ុប និងបណ្ដាប្រទេសធំៗផ្សេងទៀត លោក សម រង្ស៊ី ត្រូវបានចាត់ទុកថា ជា«ជនប្រជាភិថុតិ ជនប្រជាកលនិយមប្រកបដោយគ្រោះថ្នាក់ ជាតិនិយមហួសហេតុ និងប្រកាសពូជសាសន៍» ...
កម្ពុជា

សម រង្ស៊ី បង្ហោះ«ខិត្តប័ណ្ណ»​៧ចំណុច ដើម្បី​ត្រៀមវិលចូល​កម្ពុជា

មេដឹកនាំប្រឆាំង លោក សម រង្ស៊ី បានបង្ហោះ«ខិត្តប័ណ្ណ»មួយសន្លឹក នៅថ្ងៃនេះ ដើម្បីអ្វីមួយ ដែលលោកហៅថា ជាមូលហេតុសំខាន់ៗ ដែលពលរដ្ឋកម្ពុជាស្វាគមន៍មាតុភូមិនិវត្តន៍ របស់រូបលោក និងមន្ត្រីគណបក្សសង្គ្រោះជាតិផ្សេងទៀត។ ខិត្តប័ណ្ណ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...