កម្ពុជាដំណឹង

ជប៉ុន​ថ្វាយ​គ្រឿង​ឥស្សរិយយស​ឆ្នាំ២០១៩ ថ្វាយ​ព្រះអង្គម្ចាស់ សិរិវុឌ្ឍ

ព្រះអង្គម្ចាស់ នរោត្ដម សិរិវុឌ្ឍ អតីតឧបនាយករដ្ឋមន្ត្រី និងជាអតីតរដ្ឋមន្ត្រីការបរទេស ហើយសព្វថ្ងៃជា ឧត្ដមប្រឹក្សាផ្ទាល់ព្រះមហាក្សត្រ ត្រូវបានរដ្ឋាភិបាលជប៉ុន សម្រេចថ្វាយគ្រឿងឥស្សរិយយស សម្រាប់និទាឃរដូវ ឆ្នាំ២០១៩ ហៅជាភាសាអង់គ្លេស «Grand Cordon of the Order of the Rising Sun»។

សេចក្ដីប្រកាសព័ត៌មាន របស់ស្ថានទូតជប៉ុន ចេញផ្សាយក្នុងថ្ងៃទី២១ ខែឧសភា ឆ្នាំ២០១៩នេះ បានឲ្យដឹងថា គណៈរដ្ឋមន្ត្រីជប៉ុនបានសម្រេច ក្នុងថ្ងៃដដែលនេះ ផ្ដល់គ្រឿងឥស្សរិយយស ដល់ជនបរទេសចំនួន១៤២រូប ក្នុងនោះមានព្រះអង្គម្ចាស់ នរោត្ដម សិរិវុឌ្ឍ មួយអង្គផង។

ស្ថានទូតជប៉ុនប្រចាំនៅកម្ពុជា បានសរសេរថា គ្រឿងឥស្សរិយយសនេះ ត្រូវបានថ្វាយទ្រង់ «ដើម្បីទទួលស្គាល់ការរួមចំណែក» របស់ព្រះអង្គម្ចាស់ ក្នុងការពង្រឹកទំនាក់ទំនង និងមិត្តភាព រវាងជប៉ុននិងកម្ពុជា។

ស្ថានទូតបានបន្តថា៖

«ចាប់តាំងពីឆ្នាំ ១៩៩៣ នាពេលដែលសម្តេច នរោត្តម សិរិវុឌ្ឍ ត្រូវបានតែងតាំងជាឧបនាយករដ្ឋមន្ត្រី ព្រះអង្គបានរួមចំណែក ក្នុងការជម្រុញទំនាក់ទំនងទ្វេភាគី មិនត្រឹមតែក្នុងឋានៈជា ឧបនាយករដ្ឋមន្ត្រី ប៉ុណ្ណោះទេ តែក្នុងឋានៈជាឧត្តមប្រឹក្សាផ្ទាល់ព្រះមហាក្សត្រ ក៏ដូចជាស្ថាបនិក នៃវិទ្យាស្ថានខ្មែរសំរាប់សហប្រតិបត្តិការ និងសន្តិភាពផងដែរ។ ប្រទេសយើងទាំងពីរ បានឈានដល់ភាពជាដៃគូយុទ្ធសាស្ត្រ នាពេលបច្ចុប្បន្នអាស្រ័យដោយការលះបង់ឥតឈប់ឈរ របស់សម្តេច ចំពោះទំនាក់ទំនងរបស់យើង៕»



លំអិតបន្ថែមទៀត

ដំណឹង

ដូណាល់ ត្រាំ នឹង​ចូលគាល់​អធិរាជជប៉ុន ណារូហ៊ីតូ ដំបូងគេ

ប្រធានាធិបតីអាមេរិក លោក ដូណាល់ ត្រាំ (Donald Trump) បានមកដល់ប្រទេស​ជប៉ុន កាលពីថ្ងៃសៅ៍ ដើម្បីដំណើរទស្សនកិច្ចផ្លូវការ ដែលមានរយៈពេល៤ថ្ងៃ ក្នុងប្រទេសអាស៊ីខាងកើតមួយនេះ។​ ជាដំណើរលើកទីពីររបស់លោក ត្រាំ ...
កម្ពុជា

Covid-19៖ ជប៉ុន​ព្យួរ​ទិដ្ឋាការ​ចំពោះ​ប្រទេស​ជាច្រើន រួមទាំង​​កម្ពុជា

រាជាណាចក្រជប៉ុន បានប្រកាសបិទទឹកដីរបស់ខ្លួន ដោយព្យួរទិដ្ឋាការ និងផ្អាក​ការផ្ដល់​ទិដ្ឋាការ សម្រាប់ជនបរទេស មកពីច្រើនប្រទេស រួមទាំង​កម្ពុជា ដើម្បីអ្វីមួយ ដែល​ប្រទេស​នេះអះអាងថា ដើម្បីពង្រឹងវិធានការ បង្ការ និងទប់ស្កាត់ជំងឺ «Covid-19» ...
ដំណឹង

Covid-19៖ ជប៉ុន​ផ្លាស់ប្ដូរ​យុទ្ធសាស្ត្រ ដើម្បី​បញ្ចៀស​«គ្រោះធំ»

រដ្ឋាភិបាលជប៉ុននឹងប្រកាស ដាក់តំបន់ចំនួន៧ លើផ្ទៃប្រទេស ទៅក្នុងភាពអាសន្ន ចាប់ពីថ្ងៃអង្គារនេះតទៅ ដើម្បីបញ្ចៀសសេណារីយូ «គ្រោះធំ» បន្ទាប់ពីករណីឆ្លងជំងឺ «Covid-19» បានកើនឡើងខ្លាំង នៅរាជធានី តូក្យូ។ នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...